15
Avai bubunela Yaubada magila
1 Mwa Guyau! Availa ibodi bisuvi[a] om Bwala Kwebumaboma?
Availa ibodi bitapwaroru mapilana Saiyoni,[b] baisa m koya kwebumaboma?
2 Matauna ikabikaula[c] baisa yoku ola vavagi komwaidona,
e tuta tuta iuvagi avaka duwosisia.
Matauna tokamokwita, tuta tuta la biga duwosisia, e gala wala bikatudewa,
3 e gala goli bisilipuli availa.
Matauna gala wala bimitugaga baisa sala,
e gala bikayai biga sopa paila sala.
4 Matauna ikaluwou availa availa Yaubada eikoulovi,
e itemmali matausina availa availa ikabikuwolaisi Guyau.
Tuta tuta iuvagi avaka eikatotila bivagi,
e gala bininayuwa kidamwa biboda mwau metoya baisa.
5 Itagwala availa biwasi[d] baisa matauna, e gala inainevi kala katumkovila bimapwaisi.
Gala gagabila availa bikatumapu wodola matauna avai veiguwa,
mwada bitabinaki paila tobubwaila.
Availa goli la bubunela makawala matauwena,
e matauna tuta komwaidona bisibwabwaila.
<- SAM 14SAM 16 ->
-
a Totapwaroru bikatupoisi makawala avai tuta mwada bisuvisi e bitapwarorusi wa Bwala Kwebumaboma.
b Kugisi Sam 2.6 deli kala katumiki.
c Mailela 2-5 baisa mapula katupoi makwaina mailela 1, ililivala avaka ibudoki si bubunela matausina mwada bitapwarorusi peula baisa Yaubada.
d Kidamwa availa eiboda mwau, ibodi biwasi metoya baisa matauna totapwaroru, e avai tuta bimapu kala wasi, gala wala ibodi matauna totapwaroru binevi kala katumkovila la mani.