120
Nigada paila pilasi
1 Avai tuta laboda mwau, adou baisa Guyau,
e matauna imapu ulo nigada.
2 Mwa Guyau! Kukolaigu metoya matausina
tosisasopa deli toubuwabu.
3 Yokomi tosisasopa, avaka Yaubada bivigakaimi?
E ammakawala bimipukwaimi?
4 Bimipukwaimi metoya tokwabilia si kaiyala kaikikakata,
deli goli pwanosi eikikapolu!
5 Ulo sisu oluwalaimi makawala kala gaga bitasisu oluwalaisi mina Meseki,
kaina oluwalaisi mina Kedara.[a]
6 Tuta kaduwonaku yeigu asisu deli matausina kukolosi vakota.
7 Avai tuta balivala livalela vakota,
matausinaga magisi wala kabilia.
<- SAM 119SAM 121 ->
- a Mabudosina mina Meseka deli mina Kedara si valu piliyuwelʹo, e tomota idokaisi mabudosina tobubeikam wala.