1 Wa tuta matutowena Baloma Tobumaboma iviyelu nanola Yesu e ivakouli ilau oviloupakala kidamwa Diabolo[a] bitamnabi matauna. [b] 2 E bogwa yam kweluwovasi deli bogi kweluwovasi ipusoposuma, oluvi Yesu ikamolu. 3 E totamnabi imakaia iluki matauna, kawala, “Kidamwa yoku Latula Yaubada, kukwaraiwaga dakuna makwaisina bimila kaulasi.”
4 Mitaga Yesu ivitakaula, kawala, “Buki Pilabumaboma kala ginigini isisu, ‘Gala kaula wala bimovasi tomota mitaga biga komwaidona avaka bilivala Yaubada.’ ” [c]
5 E Diabolo ilau Yesu ilosi Yerusalem, baisa Valu Kwebumaboma, isaili matauna odabala Bwala Kwebumaboma, 6 iluki matauna, kawala, “Kidamwa yoku Latula Yaubada, kukokuwa, paila Buki Pilabumaboma kala ginigini isisu,
7 Yesu iluki matauna, kawala, “Tuvaila Buki Pilabumaboma kala ginigini isisu, ‘Taga bukuwakoli Guyau m Yaubada.’ ” [e]
8 Tuvaila Diabolo ilau matauna wa koya saina kwaiveka e ikavitusi baisa matauna valu watanawa kala kabokwaraiwaga komwaidona toyo kasi katububula; 9 e iluki matauna, kawala, “Vavagi makwaisina komwaidona basakaim, kidamwa bukukwavagina bukutemmalaigu.”
10 E Yesu iluki matauna, kawala, “Setani kula, paila Buki Pilabumaboma kala ginigini isisu, ‘Bukutemmali Guyau m Yaubada e matauna kalamwaleta bukuwotitali.’ ” [f]
11 Oluvi Diabolo isilavi matauna, e anelosi imakaiasi ipilasaisi matauna.
12 Tutala ilagi Yoni leikatupipaisi,[g] Yesu ikaimilavau mapilana Galili; [h] 13 igala metoya Nasaredi imakaia mapilana olumata milaveta Galili yagala Kapaneum, itotu oluwalaisi mapilasina valu Sebuloni toyo valu Napitalai;[i][j] 14 kidamwa la biga Aisea tovitoubobuta gala bisala, kawala,
17 Tuta matutona Yesu ivitouula ikamituli, kawala, “Kuninavilasi, paila Labuma Karaiwogala[l] bogwa ivakatitaikina.”[m][n]
18 Iuvayali okawolawala milaveta Galili,[o] igisi matausina kasitaiyu topoula, Saimoni idokaisi Pita sola bodala Anideru, ipwapoulasi obolita. 19 E iluki matausina, kawala, “Kubokulaigusi, bavigakaimi kasi topoula tomota.” 20 E nanakwa isilavaisi si wota, ibokulaisi matauna.
21 Itowada tuvaila, igisi ituwoli kasitaiyu Sebedi litula, Yemesa sola bodala Yoni, isisuaisi wa waga toyo tumasi Sebedi, iyayaimasi si wota.[p] E idou matausina bibokulaisi. 22 E nanakwa isilavaisi si waga toyo tumasi, e ibokulaisi matauna.
23 E, Yesu ititavina Galili komwaidona, iuvituloki[q] osi bwala tapwaroru, ikikamituli Bulogala Bwaina paila Labuma Karaiwogala, ikatumovi tomota komwaidona kasi lelia toyo kasi katoula. [r] 24 E bulogala ikaligiaki Siria komwaidona;[s] imiakaisi matauna tokwatoula komwaidona, kasi lelia tuwoli, kasi mmayuyu tuwoli, matausina isikailasi baloma gaga,[t] matausina tobulomata, toyo matausina totatuva; e Yesu ikatumovi matausina. 25 Saina tobobawa ibokulaisi matauna metoyasi mapilasina Galili, Valu Kweluwotala,[u] Yerusalem, Yudia,[v] toyo Yoridani mapilana ewaiwa.[w]
<- MADIU 3MADIU 5 ->- a Matauna kala tokwaraiwaga uvagila gaga; maigana yagala kala katumiki “Totabinona”.
- b 4.1 Ib 2.18; 4.15
- c 4.4 Kak 8.3
- d 4.6 Sam 91.11-12
- e 4.7 Kak 6.16
- f 4.10 Kak 6.13
- g Matauna Erodi Anitipasa guyoula mapilasina Galili deli Peria eikaraiwaga biyosisi bikatupipaisi Yoni Tobapitaisi.
- h 4.12 Md 14.3; Mk 6.17; Lk 3.19-20
- i Mapilasina si valu kumilayu mina Isireli si kumila, isisuaisi katitaikina Milaveta Galili opilikwaibwaga deli opiliyavata.
- j 4.13 Yn 2.12
- k 4.15-16 Ais 9.1-2
- l Kugisi Md 3.2.
- m bogwa ivakatitaikina: gagabila bitagini “bogwa leima”.
- n 4.17 Md 3.2
- o Makwaina milaveta sopila sumokainia kala wonaku Kavataria bitala Sinaketa (21 km) e kala beiyaya Gusaweta bitala Kaileula (13 km), isisu olumoulela mapilana Galili.
- p iyayaimasi si wota. Gagabila bitagini “ikikatubiasaisi si wota”.
- q Avai tuta tomota bisigugulasi osi bwala tapwaroru, igagabila tovituloki ituwoli ituwoli bisuvisi biuvitulokisi e bititanekwaisi Buki Pilabumaboma baisa tomota.
- r 4.23 Md 9.35; Mk 1.39
- s Wa tuta matutona pilamwaidona viluwela Isireli isisu olumoulela mapilana Siria, e mina Roum ikaraiwagasi mapilana.
- t Minasina mimilisi tuta tadokaisi dimoni (kugisi makasana Biga Kala Katumiki).
- u Mapilasina valu baisa si valu matausina gala mina Yudia isisuaisi katitaikina milaveta Galili opilibolimila.
- v Kugisi Md 2.1 kala katumiki.
- w Baisa waya mapilana opilibomatu.