1 E katitaikina ola tuta Beredi Gala Deli Kala Yisi Pakala, idokaisi Luvapela[a] pakala. [b] 2 E tolula kasi tokugwa toyo toninitalapula paila Karaiwaga inainevisi ammakawala bikatumataisi matauna. Mitaga ikukolaisi tomota.

3 E Setani isikaila Yudasa idokaisi Isikariota,[c] matauna taitala matausina tailuwotala taiyu. 4 Matauna ila, ililivalasi deli tolula kasi tokugwa toyo kumatoula[d] matausina ammakawala bikasali Yesu baisa matausina. 5 E imwasawasi, ikatotilasi bisakaisi matauna mani. 6 E itagwala inainevi avai tuta bibodi bikasali matauna baisa matausina tutala tobobawa gala deli bisisuaisi.

7 Yamla makwaina Beredi Gala Deli Kala Yisi Pakala, si bubunela bikatumataisi minasina lam lulela Luvapela Pakala. 8 Mapaila Yesu iwitali Pita sola Yoni, ikaibiga, kawala, “Kulosi, kukwatubiasaisi Luvapela Pakala paila yakidasi, kidamwa bitakamsi.”

9 Ilukwaisi matauna, kawasi, “Ambaisa magim bakakatubiasi paka?”

10 Iluki matausina, kawala, “Ka, tutala bukusuvisi ovilouveka,[e] bukubodasi taitala tau ikokeula lukwavala sopi.[f] Kubokulaisi matauna kusuvisi bwala makwaina ambaisa bisuvi, 11 e kulukwaisi tolibwala, kawami, ‘Tovituloki ilukwaim, Am matabudona baisa bakam Luvapela Pakala deli ulo toligalega?’ 12 E bivitulokaimi tabudotala tabudoveka walakaiwa bogwa leikatubiasi. Baisa bukukwatubiasaisi.”

13 E ilosi, ibanaisi makawala bogwa leiluki matausina; e ikatubiasaisi Luvapela Pakala.

14 Igau tutala paka, Yesu ikamkwamsi deli aposetolo. 15 Iluki matausina, kawala, “Saina akaliyeia sainela ikugwa bakam Luvapela Pakala makwaina deli yokomi, e oluvi baboda mmayuyu; 16 paila alukwaimi gala tuvaila bakam makwaina mitaga igau avai tuta paka makwaina bibani kala kamokwita ola Karaiwaga Yaubada.”

17 Ikau viga, inokagutoki baisa Yaubada, ikaibiga, kawala, “Kukwauwaisi, kupataisi oluwalaimi; 18 paila alukwaimi, metoya wa tuta makwaina gala tuvaila bamom kaiuwala waini igau tutala Yaubada la Karaiwaga bima.”

19 E ikau beredi, inokagutoki baisa Yaubada, ikimimisi e isaiki matausina, e ikaibiga, kawala, “Baisa wowogu,qBaisa wowogu.Mimilisi buki pilabubogwa gala wala iginisi kesala mailela 19 deli komwaidona mailela 20. asaiki paila yokomi. Baisa bukuvagaisi agu kwaboluluwai.” 20 E kamkwam bogwa leiwokuva isaiki matausina makwelana viga makawala, kawala, “Viga makwelana baisa Yaubada la kabutuvau buyavigu ikibubotirYaubada la kabutuvau buyavigu ikibuboti.Yaubada la kabutu deli mina Isireli kala kabokamokwita baisa biyavisi minasina mauna eilulasi, e tolula bikauwaisi buyavi bivisokaisi oluwalaisi tomota. Kugisi Sun 24.7-8 deli Ib 9.13. kala kamokwita e ibubusi paila yokomi. [i]

21 “Mitaga ka! yamala matauna bikasalaigu isisu deli yeigu okabokamkwam. [j] 22 Paila yeigu Latula Tomota bakaliga makawala goli agu naga. Mitaga wo! matauna bikasali Latula Tomota.”

23 E ivitouulasi bititamapusi taitala baisa taitala, avai tau baisa matausina bivagi vavagi baisa.

31 “Wo! Saimoni, Saimoni, ka! Setani leinigadaimi, kidamwa bikilaimi makawala witi.[p] 32 Mitaga bogwa lanigada paila yoku mwada m dubumi gala bimama. E yoku, tutala lokuninavila, ibodi bukukwatupewoli budamwa.”

33 Iluki matauna, kawala, “Tomoya, igagabila bawokaiam wa bwala katupipi deli okaliga.”

34 Yesu ikaibiga, kawala, “Pita alukwaim, igau rekorekwa gala bisola lagaila, mitaga bukusivatolu bukuyakalaigu.”

39 Isunapula, e makawala la bubunela ilokaia Koya Umilela Olibe; e toligalega ibokulaisi matauna. 40 Tutala iviloubusi mapilana, iluki matausina, kawala, “Kunigadasi taga bukubodasi tamnabi.”

41 Itowada kala maloula kaina avaka ibodi bitalavi dakuna. E itapopula kwetutula inigada, ikaibiga, kawala, 42 “Tamagu, kidamwa kunagi makawala, kukwau makwelana viga[t] metoya omatagu; taga gala bavagi makawala avaka magigu mitaga bavagi makawala avaka magim.” 43 (E anelosiwE anelosi.Mimilisi buki pilabubogwa gala wala eiginisi mailela 43-44. iyoumatila baisa matauna metoya wa labuma, ikatupewoli matauna. 44 E ininigada peula deli kala mmayuyu sainela; e kala kapukwapula ibubusi opwaipwaia kala gigisa makawala buyavi lutukwela kwaiveka.)

45 Tutala itomalaula metoya ola nigada, imakaia toligalega ibani matausina immasisisi uula paila kasi kaikai. 46 E iluki matausina, kawala, “Avaka paila kummasisisi? Kutokaiasi kunigadasi taga bukubodasi tamnabi.”

47 Ililivala, e tobobawa imaisi, e matauna idokaisi Yudasa, taitala matausina tailuwotala taiyu, ikugwai matausina. E ima otalila Yesu, mwada biviyuwoli matauna.[v] 48 Mitaga Yesu iluki matauna, kawala, “Wo! Yudasa, bukukwasalaigu yeigu Latula Tomota ovayaula ke?”

49 E tutala matausina isikailisi matauna igisaisi avaka bikaloubusi, ikaibigasi, kawasi, “Tomoya, bakawaiyasi wa puluta ke?” 50 E taitala matausina iwaiya la towotetila tolula toveka, ikapituni taigala opilakakata.

51 Mitaga Yesu ikaibiga, kawala, “Desi!” Ikau taigala matauna iluvisasu.

52 E Yesu iluki tolula kasi tokugwa toyo kumatoula metoyasi wa Bwala Kwebumaboma toyo kaidadala valu, matausina imakaiasi biyosisi matauna, kawala, “Lokumaisi deli puluta toyo lewa makawala baisa tolibulebu ke? 53 Yumyambwata asikailimi wa Bwala Kwebumaboma, mitaga gala kukiulaigusi; mitaga tuta baisa yokomi mi tuta, deli dudubila kala peula[w] la tuta.” [x]

54 Iyosisi matauna, ivakoulisi imiakaisi matauna ola bwala Tolula Toveka; e Pita ililoula oluvi iyeikuli matauna. 55 Ivigadaisi kova omatala bwala isidailisi gulotala, e Pita isiwala. 56 E natana nawotetila igisi matauna isili omatala kova. Imitakavati matauna, e ikaibiga, kawala, “Tau matauna tuvaila isikaili matauwena.”

57 Mitaga iyakala ikaibiga, kawala, “Vilo! Gala anikoli matauwena.”

58 Igau gala imomwa taitala igisi matauna, ikaibiga, kawala, “Mwa! Yoku goli taitala matausina.”

63 E matausina leiyosisi Yesu ikikatudeuwaisi iwawaiyasi matauna; 64 itapapaisi matala, ikatupoiyaisi, kawasi, “Kuvitoubobuta! availa leiwaim ke?” 65 E deli bidubadu biga tuvaila ilulukwaisi ibigigagaisi matauna.

66 Igau iyuwoula kalasia kaidadala valu isigugulasi, matausina tolula kasi tokugwa deli toninitalapula paila Karaiwaga. Ivakoulisi matauna osi sigugula.[y] E ikaibigasi, kawasi, 67 “Kidamwa yoku matauna Mesaia, bukulukwaimasi.”