1 E eiyam kaukwau Yosuwa deli komwaidona mina Isireli itokaiasi kaukwau pikekita e isilavaisi makwaina valu eisisikaisi mapilana Akakia e ilosi mapilana Waya Yoridani, e baisa ibudaisi valu igauga itulotulasi paila biluvapelasi. 2 Kwaitolu yam iwokuva, matausina tokugwa isukwaisi si valu 3 e ilulukwaisi tomota kawasi, “Ka, avai tuta bukugisaisi tolula bikauwaisi Guyau mi Yaubada la Kabutu Didawogala,eKabutu Didawogala.Makwaina didawaga tapwala eikatububulaisi goula, e olopola isisu mapilasina dakuna pilapupatata ambaisa kala ginigini Karaiwaga Kwailuwotala isisu; kugisi Sun 37.1-9 deli Yos 34.1,27-28. e bukusoguguwasi e bukubokulaisi matausina. 4 Paila ka, gala sitana kuliloutalasi baisa, mapaila matausina bivitulokaimi keda e bitalosi. Mitaga gala bukulosi katitaikinela makwaina Kabutu Didawogala, mitaga bukuloulasi oluvi sitana miloutala.”

5 Yosuwa iluki tomota kawala, “Kukikilaimi titoulemi, paila nabwaia Guyau bivagi mimilisi kabutuvatusi oluwalaimi.” 6 Oluvi iluki tolula bikauwaisi Kabutu Didawogala e bikugwaiyaisi omitasi tomota. E ikabikaulasi.

7 E Guyau iluki Yosuwa, kawala, “Baisa avaka bavagi yam lagaila bivigaki mina Isireli komwaidosi bivitouulasi bitemmalaimsi mwada yoku taitala toveka, e matausina bivitusaisi kidamwa yeigu asikailim, makawala goli lavigaki Mosese. 8 Bukuluki tolula matausina eikokeulasi Kabutu Didawogala kidamwa avai tuta bisakailasi waya bivabusisi wala wa sopi e bitolisi opapala.”

9 Oluvi Yosuwa iluki tomota kawala, “Kumaisi baisa e kulagaisi avaka Guyau da Yaubadasi bilukwaidasi. 10-11 Ka, avai tuta bukusuvaisi kulumi, matauna bogwa wala eimati bilobogwa e bikatusunupuloi mina Kenani, mina Itai, mina Ibai, mina Peresi, mina Giragasa, mina Amora, deli mina Yebusi. E bukunikolaisi goli kidamwa Yaubada tomomova bogwa isisu oluwalaimi tuta makwaina Guyoula valu watanawa komwaidona la Kabutu Didawogala biluvapela Waya Yoridani e bikugwai omitami. 12 Tuta baisa kunagaisi tailuwotala taiyu tauwau, makawala taitala metoya dala kwaitala kwaitala olopola Isireli. 13 E tuta makwaina tolula matausina eikokeulasi Guyoula valu watanawa komwaidona la Kabutu Didawogala bisailisi kaikesi olumoulela sopi, e Waya Yoridani bogwa wala bisim tayelu, e sopi baisa eititayelu metoya okununa leimaima bogwa wala bikouguguli bila poulotala.”

14-15 Bogwa la tuta tayoyuwa mapaila waya bogwa eikasewa sopi e ititayelu saina peula.

Avai tuta tomota isilavaisi si kabosisu paila biluvapelasi Waya Yoridani, e matausina tolula ikugwasi wala omitasi tomota, deli ikikauwaisi Kabutu Didawogala. Tuta makwaina tolula ivitauwaisi kaikesi olumoulela waya, 16 sopi bogwa wala isim tayelu e ikouguguli okununa mapilana valu yagala Adam okaipapala mapilana valu Saretana. E baisaga ititayelu eiloula Milaveta Pilamata ipakala wala e tomota gagabila biluvapelasi bilosi katitaikinela Yeriko. 17 Igau tomota ililoulasi wala oitayatila biluvapelasi wa waya, e matausina tolula eikokeulasi Kabutu Didawogala itolisi oitayatila wala oluwalela Waya Yoridani. E itotusi wala avai tuta tomota komwaidosi ilosi piliyuwela.

<- YOSUWA 2YOSUWA 4 ->