1 Oluvi Pailato ilau Yesu, e ikaraiwaga iwawaiyasi matauna. 2 E tokwabilia ivilaisi doula kala butia isailisi okulula, e ivisikomaisi matauna deli kakapula yabweyani. 3 E imakaiasi matauna, deli si tabunobwana, kawasi, “Mwa! Si giyouveka mina Yudia!” E ikipitataisi yumasi iwawaiyasi matauna.
4 E Pailato isunupulovau, e iluki matausina, kawala, “Ka, lamai matauna baisa yokomi kidamwa bukunikolaisi gala avaka kala pakula labani.” 5 Mapaila Yesu isunapula deli butiela toyo kakapulela yabweyani. E Pailato iluki matausina, kawala, “Kugisasi, matowenala, ka!”
6 Tutala tolula kasi tokugwa toyo towotetila[a] igisaisi matauna, iwaiweyasi, kawasi, “Kukwatukorosi, kukwatukorosi.”
7 Mina Yudia ivitakaulokaisi matauna, kawasi, “Kama Karaiwagasi isisu, e ibodi Karaiwaga makwaina[b] kidamwa matauna bikaliga, paila uula leivigaki titoulela Yaubada Latula.”
8 Tulala ilagi biga mabigana, Pailato saina ikokola; 9 e isuvau ola bwala, ikatupoi Yesu, kawala, “Yoku am mokutoya?”
11 Yesu ivitakauloki matauna, kawala, “Gala igagabila bukukwaraiwogaigu kidamwa gala lokubani kam kwaraiwaga metoya walakaiwa; mapaila matauna ikasalaigu[c] baisa yoku, kala pakula ikalisau.”
12 Mauula baisa Pailato mwada bitaneku matauna, mitaga mina Yudia iwaiweyasi, “Kidamwa kutaneku matauwena, yoku gala Sisa lubaila; availa ivigaki titoulela giyouveka, matauna ipoisivisi baisa Sisa.”
13 Tutala Pailato ilagi baisa, ivakouli Yesu ivisunupuloi, e isili okabosili yakalawivisunupuloi, e isili okabosili yakala.Gagabila bitagini “ivisunupuloi isaili okabosili yakala”. mapilana idokaisi “Kwedudubuna Dakuna”, e obonasi mina Yudia “Gabada”. 14 E yam makwaina kaina ilalavi yamla katubaiasa paila Luvapela Pakala. E iluki mina Yudia, kawala, “Kugisasi mi giyouveka, ka!”
15 E iwaiweyasi, kawasi, “Kulau, kulau, kukwatukorosi matauna.”
16 Mapaila ikasali Yesu baisa matausina kidamwa bikatukorosaisi matauna.
17 Mapaila ilauwaisi Yesu, e isunapula ikeula kala korosi, ila mapilana baleku idokaisi Viluwela Pwaneta, e obonasi mina Yudia, Goligota. 18 Baisa ikatukorosaisi matauna, e deli kasitaiyu tuvaila, taitala ola kakata, taitala ola kikiwama; e Yesu itowala. 19 Pailato igini pilatala ginigini, e isailisi wa korosi; e baisa kala ginigini, “Yesu guma Nasaredi, si Giyouveka mina Yudia.” 20 Bidubadu mina Yudia ikalawasi ginigini makwaina; paila mapilana ambaisa leikatukorosaisi Yesu katitaikina valu, e leiginisi obonasi mina Iberu toyo mina Roum toyo mina Girisi. 21 Mapaila mina Yudia si tolula kasi tokugwa ilukwaisi Pailato, kawasi, “Taga kugini, ‘Si Giyouveka mina Yudia’, mitaga, ‘Matauna leikaibiga, Yeigu si Giyouveka mina Yudia.’ ”
22 Pailato ivitakaula, kawala, “Bogwa lagini, e bikanigaga goli.”
23 E tutala tokwabilia leikatukorosaisi Yesu, ikauwaisi kala kwama, e isigalaisi yavasi baisa tokwabilia taitala taitala kala vilavila. Mitaga kakapula yawonaku gala isigalaisi; paila miyana yatubumwaidona ibisidudulaisi. 24 Mapaila ibigatonasi, kawasi, “Gala bitakisaisi miyana, mitaga bitakowobobutasi, availa biyosi miyana.” Baisa ikaloubusi kidamwa Buki Pilabumaboma kala ginigini makwaina gala bisala, kawala, [e]
25 Mitaga mimilisi itotusi katitaikina Yesu kala korosi; baisa inala, toyo inala tuwala, minana Kilopasi la kwava Meri, toyo Meri Magidala.[f] 26 Mapaila tutala Yesu igisi inala, deli matauna toligalega tombwailila itoviduli minana, iluki inala, kawala, “Ve! Ka, latum!”
27 Oluvi iluki matauna toligalega, kawala, “Ka, inam!” Metoya wa tuta matutowena toligalega ilau minawena ola bwala tatoula.
28 Oluvi Yesu inikoli vavagi komwaidona bogwa leivigimkulovi. Mapaila kidamwa Buki Pilabumaboma gala bisala, ikaibiga, kawala, “Agu daka.” [g]
29 Itotu baisa kwelatala waini pwayuyu; mapaila ividagwaisi silumwaiya deli waini pwayuyu ibabaisi okaiyala isailisi owodola. 30 Mapaila tutala Yesu leimom waini pwayuyu, ikaibiga, kawala, “Bogwa leiwokuva.”
38 Isisu Yosepa Alimatia,[m] matauna taitala la toligalega Yesu, mitaga ikiwola paila uula ikukoli mina Yudia. Matauwena inigada Pailato kidamwa bikau wowola Yesu, e Pailato itagwala. Mapaila ima, ikau wowola. 39 E tuvaila Nikodimo, matauna ikugwa imakaia Yesu wa bogi, ima e imai makaisina bulami, kai pwatigasi[n] kaituva toyo lileikoya bogwa ikepupoli mokaisi kaina biboda yaluwotolu lukwava. [o] 40 Mapaila ikauwaisi wowola, ikapolaisi omwaikapula yapupwakau deli bulami makaisina, makawala mina Yudia kasi gulogula paila visalili. 41 E mapilana ambaisa leikatukorosaisi Yesu isisu kwaitala bagula; e wa bagula isisu laka kwaivau ambaisa gala availa bikanaki. 42 E yam makwaina yamla katubaiasa e mina Yudia si sabate makati; e ibakwaisi Yesu baisa, paila laka isisu katitaikina.
<- YONI 18YONI 20 ->- a Baisa mabudona toyausa; kugisi Yn 7.32 kala katumiki.
- b Kugisi Tol 24.16.
- c Matauwena tolula toveka (kugisi makasana Biga Kala Katumiki).
- d ivisunupuloi, e isili okabosili yakala.Gagabila bitagini “ivisunupuloi isaili okabosili yakala”.
- e 19.24 Sam 22.18
- f Minana ilela Magidala mapilana katitaikina Milaveta Galili opilikwaibwaga.
- g 19.28 Sam 22.15; 69.21
- h Uula yam makwaina yamla Luvapela Pakala.
- i Mwada nani bikaligasi.
- j bukudubumaisi. Mimilisi buki pilabubogwa iginisi “bukusetuwolaisi dubumi”.
- k 19.36 Sun 12.46; Baw 9.12; Sam 34.20
- l 19.37 Sek 12.10; YG 1.7
- m Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km).
- n Kugisi mro olumoulela Biga Kala Katumiki.
- o 19.39 Yn 3.1-2