1 Mitaga igau yam kwailima kwaitala biwokuva bikaloubusi Luvapela Pakala, Yesu imakaia Bedani[a] am mesisiki Lasaro, matauna Yesu eitokowoi imovavau. 2 Mapaila ikatubiasaisi kʹala baisa; Marida iyeyai, mitaga Lasaro taitala matausina ikamkwamsi deli matauna. 3 Mapaila Meri ikau bulami kaisimasimina yatala lukwava sokopwana yagala narida. E bulami makaina mapula saina mwau sainela. E ikeputumi kaikela Yesu, e italibulabu kaikela okulula; e maiinela bulami iyuvinaki bwala. [b] 4 Mitaga Yudasa Isikariota, taitala la toligalega, matauwena kala tokwasesila, ikaibiga, kawala, 5 “Avaka paila gala bigimolaisi bulami makaina paila lakatutolu kina,[c] e bisakaisi miyasina baisa tonamakava?” 6 E baisa ikaibiga, gala paila iluluwai tonamakava, mitaga paila uula touveilau matauna, paila mani kauyala kala topwesi, e ikikau avaka isewoyasi.
7 Yesu ikaibiga, kawala, “Kuligaiwaisi minana. Ibodi minana biyusi paila avai yam bibakwaigusi. 8 Paila tonamakava isikailimi yumyambwata, mitaga yeigu gala basikailimi yumyambwata.” [d]
12 E saina tobobawa sainela bogwa leimaisi paila paka. Eiyam ilagaisi Yesu eimaima Yerusalem. 13 Ikauwaisi sisila pulopola,[e] e isunapulasi kidamwa bibodaisi matauna, e ivatalasi ikaibigasi, kawasi, “Osana,[f][g] Yaubada la mitakwai bisiniveka baisa matauna imaima ikikavitagi yagala Guyau, e baisa Isireli Kinila goli!”
14 E Yesu bogwa ibani ase, e isila otapwala minana; makawala Buki Pilabumaboma kala ginigini isisu,
16 Ikugwa la toligalega gala ikikatetasi vavagi makwaisina; mitaga tutala Yesu bogwa leibani kala kalugologusa[i] saina guyugwayu, e iluluwaisi kidamwa biga mabigasina isisu paila matauna, e kidamwa bogwa leivagaisi makawala baisa matauna.
17 E, tutala idou Lasaro isilavi laka e itokowoi matauna imovavau, e mabudona eigisaki mitasi isilasolasi baisa. 18 E tobobawa leilagaisi bogwa ivagi kabutuvatusi makwaina, mapaila ilokaiasi ibodaisi matauna. 19 Mapaila Parisi ibibigatonasi, kawasi, “Kugisaisi ammakawala gala sitana tapapeulasi; ka komwaidosi mina watanawa bogwa leibokulaisi matauna.”
22 Pilipi ima e iluki Anideru; Anideru sola Pilipi ilukwaisi Yesu. 23 E Yesu ivitakauloki matausina, kawala, “Tuta bogwa leima kidamwa yeigu Latula Tomota babani agu kwalugologusa[k] saina guyugwayu. 24 Biga mokwita alukwaimi kidamwa kwaitala waitunela witi gala bikapusi opwaipwaia e bipwasa bitamwau, bisisu kwetinidesi; mitaga kidamwa bipwasa makawala, biuwa sainela. 25 Matauna iyebwaili titoulela bitamwau goli e matauna ikoulovi titoulela ovalu watanawa bisisu bwaina paila momova kwekanigaga. [l] 26 Kidamwa availa magila biwotitalaigu, ibodi bibokulaigu; e ambaisa basisu, baisa goli ulo towotetila bisisu; e Tamagu bikamiabi matauna availa biwotitalaigu.
29 Mapaila tobobawa itotusi baisa ilagaisi, ikaibigasi kidamwa leimila pilapala. Mimilisi tuvaila ikaibigasi, kawasi, “Taitala anelosi leililivala baisa matauna.”
30 Yesu ivitakaula, kawala, “Kaigila makaigana eima paila yokomi bukulagaisi, gala paila yeigu. 31 Baisa tuta wala kala yakala valu watanawa. Baisa tuta wala watanawa kala guyau[m] Yaubada biligaiwa; 32 e yeigu, kidamwa bilupaigusi[n] metoya odabala pwaipwaia, bogwa babia tomota komwaidosi bimakaiagusi.” 33 Ilivala baisa bivitububoti ammakawala bikatumataisi matauna.
34 Mapaila tobobawa ivitakaulokaisi matauna, kawasi, “Bogwa kalegasi metoya ola Karaiwaga Mosese kidamwa Mesaia matauwena bisivagasi. Ammakawala lokukwaibiga, kawam, ‘Ibodi bilupaisi Latula Tomota’? Availa Latula Tomota matauwena?” [o]
35 Yesu iluki matausina, kawala, “Tuta baisa lubiyamla valu isisu. Kuliloulasi tutala lubiyamla igau gala bidudubali baisa yokomi; paila matauna ililoula odudubila gala binikoli ambaisa bim. 36 Tutala lubiyamla isisu baisa yokomi, kudubumaisi wala lumalama e yokomi lumalama tomotala.”
39 Mapaila gala igagabila bidubumaisi. Paila Aisea leilivala tuvaila, kawala,
41 Aisea ilivala makawala paila igisi Yesu kala kalugologusa e ilivala paila matauna.[r]
42 Bidubadu goli matausina tokwaraiwaga idubumaisi matauna; mitaga gala ikamitulaisi baisa paila uula ikukolaisi Parisi, kaina biyabaisi matausina metoyasi wa bwala tapwaroru; 43 paila iyebwailisi sainela kasi kavisi metoya baisa tomota e sitana wala kasi kavisi metoya baisa Yaubada.
- a Kugisi Yn 11.1 kala katumiki.
- b 12.3 Lk 7.37-38
- c Kugisi Yn 6.7 kala katumiki.
- d 12.8 Kak 15.11
- e Baisa makawala mina Yudia bisakaisi kasi kamaiaba tovakaveka.
- f Mabigana kala kivila tokinabogwa, “Guyau kukwatumovaimasi”, mitaga wa tuta matutona kidamwa tomota mwada biyakaulasi bidoudousi mabigana wala bikibuboti si mwasawa.
- g 12.13 Sam 118.25,26
- h 12.15 Sek 9.9
- i Avai tuta bikatumataisi Yesu metoya wa korose deli avai tuta bila walakaiwa, wa tuta matutosina Yesu biboda kala kalugologusa, paila tomota bivitusaisi matauna kidamwa Yaubada Latula.
- j Kugisi Yn 1.44 kala katumiki.
- k Kugisi mailela 16 kala katumiki.
- l 12.25 Md 10.39; 16.25; Mk 8.35; Lk 9.24; 17.33
- m Matauna Diabolo, guyoula mitugaga goli. Kugisi tuvaila Yn 15.18 kala katumiki.
- n Kugisi Yn 3.14 kala katumiki.
- o 12.34 Sam 110.4; Ais 9.7; Isi 37.25; Dan 7.14
- p 12.38 Ais 53.1
- q 12.40 Ais 6.10
- r igisi Yesu kala kalugologusa e ilivala paila matauna. Gagabila bitagini “Igisi Yaubada kala kalugologusasi e ilivala paila matauna Yesu.”
- s Kugisi Yn 6.39 kala katumiki.