42
Guyau la touwata
1 E Guyau eilivala kawala,
“Ka, ulo touwata,mBaisa mailela 1-4 pilimatala wosi paila Guyau la Touwata (mapilasina wosi pilavasi isisu — kugisi tuvaila Ais 49.1-6; 50.4-11; 52.13—53.12). Mimilisi tokabitam idokaisi matauna touwata ikibuboti mina Isireli komwaidosi, mimilisiga idokaisi taitala wala tomota. matauna bogwa lakatupewoli —
matauna bogwa lanagi, e iyomwasalaigu.
E bogwa lasaiki ulo baloma baisa matauna,
e matauna biwoi karaiwaga duwosisia baisa mina watanawa komwaidona.
2 Matauna gala biwakula kaina biweya
kaina bikatuvagwagu okadumilagela valu.
3 Pitapatila makaina bogwa eitawoula gala bikouwolimkulovi,
e kovagwaianPitapatila deli kovagwaia ikibubotaisi tomota mina mamama availa availa gala gagabila bibanaisi kasi pilasi. gala bikimatimkulovi.
Matauna bimai karaiwaga duwosisia baisa tomota komwaidona.
4 Matauna la pikwaku deli la peula gala biwokuva.
E matauna bisaili karaiwaga duwosisia ovalu watanawa.
E matausina si valu omiloutala itutulaisi la vituloki matauna deli si kamamalu.”
5 Yaubada ibubuli labuma e ikatuvakai ila okabala.
E matauna ibubuli valu watanawa deli goli avaka avaka isisuaisi olumoulela,
e isaiki si momova deli si yagisa baisa komwaidona tomotala.
E tuta baisa Guyau Yaubada iluki la touwata, kawala,
6 “Ka, yeigu Guyau bogwa ladouwaim e lasakaim karaiwaga
kidamwa bukukwaraiwogi mina watanawa deli karaiwaga duwosisia.
Metoya baisa yoku, yeigu bakabutu baisa mina watanawa,
e metoya baisa yoku, yeigu bamai lumalama baisa boda ituwoli ituwoli.
7 Yoku bukuulaim mitasi mina kau,
deli bukutaneku matausina isisuaisi odudubila wa bwala katupipi.
8 “E yeigu goli agumwaleta Guyau m Yaubada.
Gala avai yaubada ituwoli ibodi bikau kala vilavila metoya ogu guyugwayu.
E gala batagwala avai tokolu bikau kala vilavila metoya okagu yakaula.
9 Ka, vavagi makwaisina lavitububoti bogwa goli eikaloubusisi.
E tuta baisa balukwaim vavagi kwewovau,
e igauga oluvi bikaloubusisi.”
Wosila yakaula
10 Yokomi mina watanawa komwaidona, bukuwosisi kala yakaula Guyau.
Bukuwosisi wosi pilavau baisa Guyau!
Yokomi toluguta, kuyakawolaisi Guyau,
e yokomi maunela bolita, kuyakawolaisi matauna!
Yokomi valu miloutala deli kala tosisu, kuwosisi!
11 Ibodi viloupakala deli viluwela biyakawolaisi Yaubada!
Ibodi tomotala mapilana Kedara biyakawolaisi matauna!
Ibodi matausina isisuaisi oviluwela SelaoMapilasina Kedara deli Sela ikibubotaisi avai valu avai valu saina kaduwonaku.
bidousi metoya odabala koya deli si mwasawa!
12 Ibodi matausina isisuaisi omiloutala
biyakaulasi deli bitulaulasi baisa Guyau!
13 E makawala taitala kumatoula, Guyau eisunapula paila bikabilia.
Matauna bogwa eikatubaiasa e eitulotula paila kabilia deli wala la kamamalu.
Matauna ikilavi kwaitala tuwa, e ikatugougova,
kidamwa bivituloki la peuligaga baisa kala tilaula.
Yaubada ikatotila paila bipilasi la tomota
14 Yaubada ikaibiga kawala,
“Omitibogwa yeigu amanum wala asisu,
e gala wala ammapu ulo tomota si dou.
Mitaga ka, ulo tuta paila avaka bavagi bogwa leima.
Yeigu awaiweya makawala natana vivila ola tuta valulu.
15 Yeigu babuloti komwaidona pwaipwaiala dubakaila deli koya,
e bavigaki mnumonu deli kai bisumatasi.
Bavigaki waya itayatilesi bimila viloupakala wala,
deli bavigaki katuwotu sopisi bimadasi.
16 “Yeigu bavakadi ulo tomota mina kau
wa keda makadasina gala kwaitala tuta ilokaiasi.
E dubilikitakita bavigaki bilumalama baisa matausina,
deli kabigaga valu bakatudubuni paila matausina.
Makwaisina goli ulo biga katotila mwada bavagi,
e yeigu bogwa bavagi, gala wala bamama.
17 Mitaga komwaidosi availa idubumaisi tokolu
deli idokaisi minasina si yaubada
bogwa bilumkolaisi mmosila deli kasi kalawou.”
Mina Isireli ninasi kala kau
18 E Guyau ikaibiga kawala,
“Kulagaisi, yokomi taigami ituli!
Deli kugisibwailakaisi bibwaina, yokomi mina kau!
19 Ki, availa kala kau ikalisau ulo touwata kala kau?
Kaina kala tuli ikalisau matauna kala tokeula ulo biga?
20 Mina Isireli, yokomi bogwa kugisilabaisi avaka avaka,
mitaga avaka kala katumiki baisa yokomi?
Yokomi bogwa isim taigami paila bukuligalegasi biga,
mitaga avaka kudokaisi bogwa kulagaisi?”
21 Ka, Guyau matauna Yaubada, matauna saina magila bikatumova,
mapaila ilupi la karaiwaga deli la vituloki walakaiwa.
e matauna magila la tomota bikamiabaisi makwaisina.
22 Mitaga baisa tuta tilaula ilebwaisi si guguwa la tomota.
Matausina bogwa wala eikatubudokaisi obolela katupipi,
e ikatupwanaisi matausina okatupipi.
Ilebwaisi si guguwa e ilauwaisi,
e gala wala availa bimakaia paila bikoli matausina.
23 Ki, galaga ibodi taitala yokomi binakaigali baisa?
Ki, tuta baisa deli tuta bima bogwa bukunakaigalaisi deli mi yamata kaina gala?
24 Ki, availa kudokaisi eikasali mina Isireli baisa tolibulebu?pBaisa mina Asiria deli mina Babilonia.
Ka, baisa Guyau wala titoulela, tuta komwaidona tammitugagasi omatala!
Yakidasi tapakaisi bitasisuaisi makawala matauna nanola,
kaina bitakabikaulasi la vituloki makwaisina eisisakaidasi.
25 Mapaila ivigakaidasi talumkolaisi lutula kala leiya
deli talumkolaisi kabilia kala tiganini.
Matauna kala leiya makawala kova ilululu e ivakakovi mapilana Isireli,
mitaga gala wala sitana tanikolaisi avaka eikikaloubusi.
Yakidasi tagigisaisi wala vavagi makwaisina,
mitaga gala wala sitana itapuloki ninadaisi.
<- AISEA 41AISEA 43 ->
- a Baisa mailela 1-4 pilimatala wosi paila Guyau la Touwata (mapilasina wosi pilavasi isisu — kugisi tuvaila Ais 49.1-6; 50.4-11; 52.13—53.12). Mimilisi tokabitam idokaisi matauna touwata ikibuboti mina Isireli komwaidosi, mimilisiga idokaisi taitala wala tomota.
- b Pitapatila deli kovagwaia ikibubotaisi tomota mina mamama availa availa gala gagabila bibanaisi kasi pilasi.
- c Mapilasina Kedara deli Sela ikibubotaisi avai valu avai valu saina kaduwonaku.
- d Baisa mina Asiria deli mina Babilonia.