1 E Mosese deli tokugwala Isireli ilivala baisa tomota kawala, “Kwabikuwolaisi komwaidona katuwola lasisakaimi lagaila. 2 Yam makwaina bukuluvipeilisi Waya Yoridani e bukusuvisi pwaipwaia makwaina Guyau mi Yaubada bisakaimi, kuvitomiliwolaisi mimilisi dakuna e kuyokububwaisi makwaisina, 27.2-8 Yos 8.30-32 3 kuginaisi opapala makwaisina karaiwaga deli vituloki komwaidona. Avai tuta bogwa bukusuvisi pwaipwaia makwaina kubilumalala Guyau matauna tubumia si Yaubada ikatotila bisakaimi, 4 e yokomi bogwa kutotusi mapilana ewaiwa Yoridani, bukuvitomiliwolaisi dakuna makwaisina wa Koya Ebali, makawala lakatululutaimi yam lagaila e kuyokububwaisi makwaisina. 5 Kwaliaiisi kwaitala kabogwabu lula metoya makwaisina dakuna gala bukuyoudulaisi makwaina metoya avai kaiyoudila tanumnumta aiyani, 27.5-6 Sun 20.25 6 paila avai kabogwabu lula kukwaliaisi paila Guyau mi Yaubada ibodi makwaisina dakuna gala kwetatai. E oluvi bukugabusi lula baisa Guyau, 7 e baisa goli bukululasi deli bukukwamsi kalubaila lulela deli mi nokagutoki omatala Guyau mi Yaubada. 8 E kuginaisi komwaidona Guyau la karaiwaga opapala dakuna makwaisina lokuyokububwaisi.”

9 E Mosese itotu deli tolula mina Libai e iluki komwaidona mina Isireli, kawala. “Yokomi mina Isireli, kulegasi. Yam lagaila yokomi bukuvigakaimi Yaubada la tomota. 10 Mapaila kwabikuwolaisi matauna deli kuyamatasi komwaidona la karaiwaga lasisakaimi lagaila.”

11 E oluvi Mosese iluki mina Isireli kawala, 12 “Avai tuta bogwa bukuluvapelasi Waya Yoridani e dala madilasina bitotusi wa Koya Gerisim, paila kasi bigabwaila bilagaisi. Madilasina Simioni, Libai, Yuda, Isaka, Yosepa deli Beniamina. 27.12 Kak 11.29; Yos 8.33-35 13 E dala madilasina bitotusi wa Koya Ebali paila bilagaisi bigala bolata. Madilasina Rubeni, Gada, Asera, Sebuloni, Dani deli Napitalai. 14 E mina Libai kaigasi kaigaveka bilivalasi kawasi:

15 “ ‘Yaubada bibuloti availa biyouduli tokolu metoya dakuna, kai kaina tanumnumta, deli ikium itemmali minana. Guyau idoki baisa kwekukolola.’ 27.15 Sun 20.4; 34.17; Tol 19.4; 26.1; Kak 4.15-18; 5.8

“E komwaidona tomota bimapwaisi kawasi, ‘Emeni!’

16 “ ‘Yaubada bibuloti availa bikaluwou tamala kaina inala.’

“E komwaidona tomota bimapwaisi kawasi, ‘Emeni!’ 27.16 Sun 20.12; Kak 5.16 17 “ ‘Yaubada bibuloti availa bisebibili la tula sola.’

“E komwaidona tomota bimapwaisi kawasi, ‘Emeni!’ 27.17 Kak 19.14

18 “ ‘Yaubada bibuloti availa bikugwai tokwau wa keda gaga.’

“E komwaidona tomota bimapwaisi kawasi, ‘Emeni!’ 27.18 Tol 19.14

19 “ ‘Yaubada bibuloti availa bikaluwoli togilagala, weilova, kwabuya e gala biyosisi si vavagi tatousi.’

“E komwaidona tomota bimapwaisi kawasi. ‘Emeni!’ 27.19 Sun 22.21; 23.9; Tol 19.33-34; Kak 24.17-18

20 “ ‘Yaubada bibuloti availa biyommsili tamala metoya bimisii natana tamala la kukova.’

“E komwaidona tomota bimapwaisi kawasi. ‘Emeni!’ 27.20 Tol 18.8; 20.11; Kak 22.30

21 “ ‘Yaubada bibuloti availa bimokaia mauna.’

“E tomota komwaidona bimapwaisi kawasi. ‘Emeni!’ 27.21 Sun 22.19; Tol 18.23; 20.15

22 “ ‘Yaubada bibuloti availa bimisii luleta kaina availa odalela.’

“E tomota komwaidona bimapwaisi kawasi, ‘Emeni!’ 27.22 Tol 18.9; 20.17

23 “ ‘Yaubada bibuloti avai tau bimisii yawala.’

“E tomota komwaidona bimapwaisi kawasi, ‘Emeni!’ 27.23 Tol 18.17; 20.14

24 “ ‘Yaubada bibuloti availa bikium bikatumati sola.’

“E tomota komwaidona bimapwaisi kawasi, ‘Emeni!’

25 “ ‘Yaubada bibuloti availa biwabu mani paila bikatumati tomota tobwaila.’

“E tomota komwaidona bimapwaisi kawasi, ‘Emeni!’

26 “ ‘Yaubada bibuloti availa gala bikabikaula komwaidona Guyau la karaiwaga deli la vituloki.’

“E tomota komwaidona bimapwaisi kawasi, ‘Emeni!’ 27.26 Gl 3.10

<- KARAIWAGA KWAIYUWELA 26KARAIWAGA KWAIYUWELA 28 ->