୪ ଅଡ଼୍ ପୃତିବିତେ ଇର୍ୱୁଡ଼୍ ସାକ୍ଷି ପ୍ରବୁନ୍ ମୁନେ ନିସ୍ମାନ୍ଦାନ୍ ରେଣ୍ଡ୍ ଜିତ ମାଡ଼େ ନୁ ରେଣ୍ଡ୍ କୁପି ଲେକାମ୍ । ୫ ଯଦି ବେନ ଅଡ଼୍କିଂଙ୍କ୍ କ୍ଷତି ମାଡ଼ାନଙ୍କ୍ ଚେଷ୍ଟା ମାଡ଼ିତନ୍, ଆଲେକ୍ ଅଡ଼୍କିଂଙ୍କ୍ ମକତାଗାଙ୍କ୍ କିସ୍ ପେଇସ୍ ଶତ୍ରୁଡ଼୍ ଦଂସ ମାଡ଼ିତନ୍ । ଇଦ୍ଲେକାମ୍ ଯେ ବେନ ଅଡ଼୍କିଂଙ୍କ୍ କ୍ଷତି ମାଡ଼ାନଙ୍କ୍ ପେଇତିତନ୍, ଅଣ୍ଡ୍ ବିନଷ୍ଟ ଆଦ୍ତନ୍ । ୬ ଇଶ୍ୱର୍ତେ ଗଟ୍ କେତାନ୍ ୱେଲେ ମାବ୍ତିଙ୍କ୍ ଆଡାମ୍ ମାଡ଼ି ବୃଷ୍ଟିତିଙ୍କ୍ ବନ୍ଦ ମାଡ଼ାନ୍ ଆଦେଶ୍ ଅଡ଼୍କିଂଙ୍କ୍ ଇତ୍ତଡ଼୍ । ଏର୍ ପଙ୍ଗାନ୍ ଇଲ୍କାକିଙ୍କ୍ ନେତୁର୍ତେ କାଲ୍ପାନ୍ ସେଙ୍ଗେ ନୁ ନିଜେ ଇଚ୍ଛାତ୍ଲେକାମ୍ ପୃତିବିତାଗ୍ ସେନ୍ନେକ୍ ସେନ୍ନେକ୍ ମହାମାରି ମାଡ଼ାନ୍ ସେଙ୍ଗେ ଅଡ଼ାଦ୍ ଅଦିକାର୍ ମିନ୍ଦେ ।
୭ [b]ଅଡ଼୍ ଗଟି କେତାନାଦ୍ ତେର୍ସ୍ପାନ୍ ପେର୍କେ ପାତାଲ୍ ପୁର୍ତାଗାଙ୍କ୍ ୱେରଡ଼୍ ପଶୁ ତେଦି ୱାସ୍ ଅଡ଼୍ ବିରୁଦ୍ଦତେ ଯୁଦ୍ମାଡ଼ିତେ । ୮ ଆଦ୍ ଅଡ଼୍କିଂଙ୍କ୍ ପାରାଜିତ୍ ମାଡ଼ି ଆୱୁକିତ୍ତେ ନୁ ବେନ୍ ବେଡ଼ୀଇ ନାର୍ଦାଗ୍, ରାଜ୍ ଆର୍ଦାଗ୍ ପ୍ରବୁ କ୍ରୁଶବିଦ୍ଦ ଆସ୍ମାତ୍ତନ୍, ଆଗେ ଅଡ଼ାଦ୍ ମଡ଼୍ ରାଲି ମାନ୍ଦାନ୍ତେ । ଆଦ୍ ଶହର୍ତିଙ୍କ୍ ସଦୋମ୍ ବା ମିସର୍ ଇଞ୍ଜ୍ କେତାଙ୍କ୍ ଆଦ୍ତେ । ୯ ସାରେ ଦେଶ୍, ନାର୍କ୍, ବାଷାବାଦି ନୁ ଜାତିତେ ନାରୁଡ଼୍ ମୁଣ୍ଡ୍ ଦିନା ଆଦା ଯାକ ଆୱୁ ମଡ଼୍କିଙ୍କ୍ ଉଡ଼ିତଡ଼୍ ନୁ ଆୱିଙ୍କ୍ ସମାଦି ଇଦାନଙ୍କ୍ ୱିଡ଼୍ସିୱଡ଼୍ । ୧୦ ଇଡ଼୍ ଇର୍ୱୁଡ଼୍ ଡଲାନ୍ ସେଙ୍ଗେ ପୃତିବିତେ ନାରୁଡ଼୍ ୱେଡ଼୍କିତଡ଼୍, ଆଲେନ୍ ବେଲା ମାଡ଼ି ନିଜେ ନିଜେତା ଉପାହାର୍ ରତିତଡ଼୍; ବାତେଙ୍କ୍ଇତ୍କେ, ଆ ବାବବାଦିଡ଼୍ ସେଙ୍ଗେ ପୃତିବିତେ ନାରୁଡ଼୍ ଗାଟି ଅୟିରାନ୍ ଆସମାତ୍ତଡ଼୍ । ୧୧ ଇତ୍କେ ମୁଣ୍ଡ୍ ଦିନାମ୍ ପେର୍କେ ଇଶ୍ୱର୍ତାଗାଙ୍କ୍ ଡଲାନ୍ ଗାଲ୍ୱାସ୍ ଅଡ଼୍ ମେନ୍ଦୁଲ୍ତାଗ୍ ନେଙ୍ଗ୍ତେ ନୁ ଅଡ଼୍ ତେଦି ନିତ୍ତଡ଼୍ । ବେନଡ଼୍ ଇଦ୍ ଗଟନା ଉଡ଼୍ତଡ଼୍, ଅଡ଼୍ ଦାଦ୍ରେଲ୍ତଡ଼୍ । ୧୨ ମେଣ୍ଡେ, ଅଡ଼୍ ଇର୍ୱୁଡ଼୍ ବାବବାଦି ଅଡ଼୍କିଂଙ୍କ୍ ସ୍ୱର୍ଗତାଗାଙ୍କ୍ ଗାଟିଲେଙ୍ଗ୍ଦେ ଇଦ୍ ଗଟ୍ କେସମାନ୍ଦାନ୍ ୱେରଡ଼୍ ଲେଙ୍ଗ୍ କେଞ୍ଜ୍ତଡ଼୍, “ଇଗେ ୱାଡ଼ାଟ୍ !” ଅଡ଼୍ ଶତ୍ରୁନଡ଼୍ ଉଡ଼ଉଡ଼, ଅଡ଼୍କିଂଙ୍କ୍ ମାବ୍ନେକି ମିକା ସ୍ୱର୍ଗତା ଆତ୍ତେ । ୧୩ [c]ଟିକ୍ ଆଦ୍ ସମୟତେ ଗାଟି ବୁମିକମ୍ପ ଆତ୍ତେ, ନାର୍ଦେ ୱେରଡ଼୍ ଦଶମାଂଶ ଦଂସ ଆତ୍ତେ ନୁ ବୁମିକମ୍ପତେ ସାତ୍ ହଜାର୍ ନାରୁଡ଼୍ ଡଲ୍ତଡ଼୍ । ଗେଲ୍ସି ମାନ୍ଦାନ୍ ନାରୁଡ଼୍ ୱେରସ୍ମିକା ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍ତିଙ୍କ୍ ମନ୍ଦେ ସ୍ତୁତିବାଦ୍ ମାଡ଼୍ତଡ଼୍ ।
୧୪ ଦ୍ୱିତିୟ ବିପଦ୍ ତେର୍ତେ; ତୃତିୟ ବିପଦ୍ ଯାପେ ୱାଦୁତ୍ ।
୧୯ [d]ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍ତେ ମନ୍ଦିର୍ତେ ଦ୍ୱାର୍ କୁଲେମ୍ ଆତ୍ତେ ନୁ ମନ୍ଦିର୍ତାଗ୍ ନିୟମ୍ ସିନ୍ଦୁକ୍ ମାନ୍ଦାନାଦ୍ ତନ୍ଦତେ । ତାନ୍ପେର୍କେ ୱାନ୍ନେ ମେର୍ସତେ, ବଜ୍ରନାଦ, ବୁମିକମ୍ପ ନୁ ଗାଟି ଆଦୁର୍ ଗାଡା ରାଲ୍ତା ।
<- ପ୍ରକାଶିତ୍ ବାକ୍ୟ 10ପ୍ରକାଶିତ୍ ବାକ୍ୟ 12 ->