୧ ବିଶ୍ରାମ୍ଦିନେ ମେଣ୍ଡ୍ନ୍ଆତ୍ତେ ଦିନ୍ ରବିବାର୍ ଦିନ୍ ନାର୍କେତ୍ ମଗ୍ଦଲୀନି ମରୀୟମ୍ ନୁ ମେଣ୍ଡନ୍ ମରୀୟମ୍ ସମାଦି ଉଡାଙ୍କ୍ ଆଦ୍ତେ । ୨ ଆସୁଟେ ହଟାତ୍ ୱେରଡ଼୍ ବୁମିକମ୍ପ ଆତ୍ତେ । ପ୍ରବୁନ୍ ୱେରଡ଼୍ ଦୂତ ପର୍ରକଞ୍ଚ୍ ଡିଗି ୱାସ୍, ସମାଦି ୱାଟିମାନ୍ଦାନ୍ କାଲ୍ଦିଙ୍କ୍ ଗୁସ୍ପି ଆଦ୍ କାଲ୍ଦେ ପର୍ର କୁଦ୍ତନ୍ । ୩ ତାନାଦ୍ ମକମ୍ ପିଡ଼୍ଗ୍ହିନା ୱେସ୍ମାତ୍ତେ ନୁ ତାନାଦ୍ ଚକା ଇମ୍ ଲେକାମ୍ ପାଣ୍ଡେ ମାତ୍ତେ । ୪ ସୈନ୍ୟଡ଼୍ ୱେର୍ସ୍ ୱାଡ଼୍କ୍ତଡ଼୍ ନୁ ଡଲ୍ତେ ଲେକାମ୍ ଆସ୍ ମାତ୍ତଡ଼୍ ।
୫ ଦୂତ ଆଦ୍ ନାଟାଙ୍କ୍ କେତ୍ତେ, “ୱେର୍ମାଟ୍ ।” ନାନ୍ ୱେରନ୍, ମିଡ଼୍ କ୍ରୁଶତାଗ୍ ତାର୍ପିମ୍ନ୍ଦାନ୍ ଜିସୁଙ୍କ୍ ଉଡାଙ୍କ୍ ୱାତ୍ତିଡ଼୍ । ୬ ଅଣ୍ଡ୍ ହିଗେ ଇଲେଣ୍ଡ୍ । ଅଣ୍ଡ୍ କେତ୍ତେ ଲେକାମ୍ ଅଣ୍ଡ୍ ପୁନରୁତ୍ତାନ୍ ଆଶେ ମିନ୍ଦେଣ୍ଡ୍ । ହିଗ୍ ୱାସ୍ ଉଡ଼ାଟ୍, ହିଗେ ଅଂକିଙ୍କ୍ ୱାଟିସ୍ ମାତ୍ତଡ଼୍ । ୭ ଶିଟ୍ପାଟ୍ ଆଞ୍ଜ୍ ନା ଶିଷ୍ୟଡ଼୍କିଂଙ୍କ୍ କେଲ୍ମୁଟ୍, “ଅଣ୍ଡ୍ ମେଣ୍ଡନ୍ ଦାମ୍ ଜିୱୁନ୍ ଆତ୍ତଣ୍ଡ୍ ନୁ ମିଇ ମୁନେ ମୁନେ ଅଣ୍ଡ୍ ଗାଲିଲୀତା ଆଦୁତନ୍ । ଆଗେ ମିଡ଼୍ ଅଂକିଙ୍କ୍ ଉଡ଼ିତିଡ଼୍ । ନାନ୍ନେ ବାତ୍ କେତ୍ତାନ୍, ହେର୍କା ନେହେମୁଟ୍ ।”
୮ ଇଦ୍ କେଞ୍ଜି ଆୱ୍ ସିଟ୍ପାଟ୍ କବର୍ ୱିଡ଼୍ସି ଶିଷ୍ୟଡ଼୍ ଗାର୍ରେ ମିର୍ତା । ୱେର୍ସ୍ ମାତ୍କେ ବା ଆୱିନ୍ ମନ୍ଦାଗ୍ ଗାଟି ସାର୍ଦେ ନୁ ୱେଡ଼୍କେତେ ମାତ୍ତା ।
୯ ଜିସୁ ଆୱିଙ୍କ୍ କାୟ୍ଲି କେତ୍ତଣ୍ଡ୍ “ମିୟାଦ୍ ଶାନ୍ତି ଆୟି !” ଆୱ୍ ଅନ୍ଗାରେ ଆଞ୍ଜ୍ ଅନ୍ ଡେକାଙ୍କ୍ ପୟ୍ସ୍ ମଡ଼୍କ୍ତଡ଼୍ । ୧୦ ଜିସୁ ଆୱିଙ୍କ୍ କେତ୍ତଣ୍ଡ୍, ୱେର୍ମାଟ୍ ନା, ଦାଦାଲଡ଼୍କିଙ୍କ୍ କେଲ୍ମୁଟ୍, ଅଡ଼୍ ଗାଲିଲୀତାଗ୍ ଆଦ୍ତଡ଼୍ । ଆଗେ ଅଡ଼୍ ୱାସ୍ ନାକିଂଙ୍କ୍ ଉଡ଼ିତିଡ଼୍ ।
୧୫ ସୈନିନଡ଼୍ ଡାବ୍ ଆସ୍ ଅଡ଼୍କିଂଙ୍କ୍ କେସ୍ ମାନ୍ଦାନ୍ ଲେକାମ୍ ପାଡ଼୍ୟି ମାଡ଼୍ତଡ଼୍ । ଅଡ଼୍ ଆସୁଙ୍କ୍ ବାତ୍ କେତ୍ତଡ଼୍, ଯିହୁଦିଡ଼୍ ନେଣ୍ଡ୍ ଯାକ ଆଦ୍ ଗଟ୍ ପ୍ରଚାର୍ ମାଡ଼ୁତଡ଼୍ ।
୧୬ [a]ଜିସୁ କେସ୍ମାତ୍ତେ ଲେକାମ୍ ତାନ୍ ଏଗାର୍ଜାନ୍ ଶିଷ୍ୟଡ଼୍ ଗାଲିଲୀତେ ୱେରଡ଼୍ ମେଟେତ୍ ପର୍ର ଆଦ୍ତଡ଼୍ । ୧୭ ଆଗେ ଜିସୁଙ୍କ୍ ଉଡ଼ି ଅଡ଼୍ ଅଂକିଙ୍କ୍ ମଡ଼୍କ୍ତଡ଼୍ ନୁ ବେନଡ଼୍ ଡାଉଟ୍ ମାଡ଼୍ତଡ଼୍ । ୧୮ ଜିସୁ ଅଡ଼୍ ଗାର୍ରେ ୱାସ୍ କେତ୍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍ ନାକିଂଙ୍କ୍ ଇସ୍ମିନ୍ଦେନ୍ । ୧୯ [b]ମେଣ୍ଡେ ମିଡ଼୍ଆଞ୍ଜ୍ ସାରେ ଜାତିତ୍ ନାରୁଡ଼୍ ଆଞ୍ଜ୍ ଅଡ଼୍କିଂଙ୍କ୍ ନା ଶିଷ୍ୟ ମାଡ଼ାଟ୍ । ବାବାଲ୍, ମାର୍ ନୁ ପବିତ୍ର ଆତ୍ମା ପେଦେର୍ତେ ଅଡ଼୍କିଂଙ୍କ୍ ବାପ୍ତିସ୍ମ ହିମୁଟ୍ ୨୦ ମେଣ୍ଡେ ନାନ୍ନେ ବେନ୍ସାରେ ଶିକ୍ଷା ଇସ୍ମିନ୍ଦେନ୍, ଆଦ୍ ପାଲନ୍ ମାଡ଼ାଙ୍କ୍ ଅଡ଼୍କିଂଙ୍କ୍ ଶିକ୍ଷା ହିମୁଟ୍ । ମେଣ୍ଡେ ହେର୍କା ନେହେମୁଟ୍, ତେରାନ୍ ଯାକ ନାନ୍ ସାରେ ଦିନା ମିଇ ତଡ଼୍ ମାନ୍ତାନ୍ ।”
<- ମାତିଉ 27