୧ [a]ଅନ୍ଦିନେ ଶିଷ୍ୟନଡ଼୍ ଜିସୁଙ୍କ୍ କେତ୍ତଡ଼୍, “ସ୍ୱର୍ଗ ରାଜ୍ୟତାଗ୍ ସାରେତିଙ୍କ୍ ବେଡ଼ିୟନ୍ ବେନ ?”
୨ ଜିସୁ ୱେରଡ଼୍ ପିଲେତିଙ୍କ୍ ଅଡ଼୍ ମୁନେ ନିଲ୍ପି କେତ୍ତନ୍, ୩ [b]ନାନ୍ ମିକିଂଙ୍କ୍ ନିଜାମ୍ ହେର୍କେତେ କେତୁତାନ୍, “ମିୱାଦ୍ ମନ୍ ପିରିବର୍ତ୍ତିତ ଆସ୍ ପିଲେ ଲେକାମ୍ ଆୟ୍ୟ କଟମାତ୍କେ ସ୍ୱର୍ଗ ରାଜ୍ୟତାଗ୍ ବେସୁଙ୍କ୍ବା ଆଦେ ପାର୍ୱିଡ଼୍ । ୪ ବେନ ନିଜେତିଙ୍କ୍ ନମ୍ର ମାଡ଼ି ଇ ପିଲେ ଲେକାମ୍ ଆଦ୍ତନ୍, ଅଣ୍ଡ୍ ସ୍ୱର୍ଗ ରାଜ୍ୟତାଗ୍ ସାରେତିଙ୍କ୍ ବେଡ଼୍ୟନ୍, ୫ ବେନଆଇ ନା ପେଦେର୍ତେ ଇଦ୍ଲେକାମ୍ ୱେରଡ଼୍ ସୁଦୁ ପିଲେତିଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍ ନାକିଂଙ୍କ୍ ମିକା ଗ୍ରହନ୍ ମାଡ଼ିତନ୍ ।”
୬ “ନାର୍ଗେ ବିଶ୍ୱାସ୍ ମାଡ଼ିମାନ୍ଦାନ୍ ଇ ପିଲାନାଗାଙ୍କ୍ ୱେରନ୍ ବିଶ୍ୱାସ୍ତେ ବେନ ବା ବେଡ଼ିୟ୍ ମାଡ଼ିତନ୍, ଅନ୍ ଗୁଡ଼ୁଙ୍ଗାତାଗ୍ ୱେରଡ଼୍ ଜାତ୍ତେକାଲ୍ ତଅସ୍ ଅଂକିଙ୍କ୍ ସମୁଦ୍ର ତାଗ୍ ହେସାନାଦ୍ ସାୟେ । ୭ ନାରୁଡ଼ାଦ୍ ବିଶ୍ୱାସ୍ତାଗ୍ କଷ୍ଟ ହିଦାନ୍ ସେଙ୍ଗେ ନାର୍ଗେ ବିଷୟ ମିନ୍ଦେ । ଆଦିନ୍ ସେଙ୍ଗେ ଇ ଜଗତ୍ତେ ଅବସ୍ଥାତେ ଇସର୍ ବୟଙ୍କାର୍ । ସାରେଦାମ୍ ଇଲ୍ଲେ ବେଡ଼ିୟ୍ ଆଦ୍ତେ, ବାତେଙ୍କ୍ ଇତ୍କେ ବେନ୍ ବେଡ଼ିୟ୍ ମାଡ଼ିତନ୍, ଅନ୍ ପରିନତି ବେସର୍ ଶଚନିୟ ।”
୮ [c]“ଯଦି ମିୟାଦ୍ କାୟ୍ ବା ଡେକେତ୍ ସେଙ଼୍ଗେ ନିମ୍ ବିଶ୍ୱାସ୍ ଆରାମ୍ ମାଡ଼ିତନ୍ ଆଲେକେ ଆଦିଙ୍କ୍ କଇସ୍ ହେସ୍ସିମୁଟ୍ । ରେଣ୍ଡେ କାଇକ୍ ନୁ ରେଣ୍ଡ୍ ଡେକା ମାଞ୍ଜ୍ ଗାଟି ନିଡ଼୍ତାନାଦ୍ କିସ୍ତାଗ୍ ଆଦାନ୍ ବେଲାନ୍ ସଟାନ୍ ଲେକାମ୍ ଆସ୍ ସାରେଦିନାତ୍ ଜିୱୁନ୍ତେ ଆଦାନାଦ୍ ସାୟେ ।” ୯ [d]“ନି କଣ୍ଡାତ୍ ସେଙ୍ଗେ ଯଦି ମିୟାଦ୍ ବିପଦ୍ତେ ବାତେଙ୍କ୍ ଇତ୍କେ ଆୟେଡ଼୍; ଆଦିଙ୍କ୍ ଟେଣ୍ଡି ହେସିତିନ୍ । ରେଣ୍ଡ୍ କଣ୍ଡାମାଞ୍ଜ୍ ନର୍କତା ଆଦାନ୍ ୱିଡ଼୍ସି ୱେରଡ଼୍ କଣ୍ଡା ଆସ୍ ସାରେଦିନାତ୍ ଜିୱୁନ୍ତେ ଆଦାନାଦ୍ ସାୟେ ।”
୧୦ [e]“ଇ ନଗନ୍ୟଡ଼୍ଗାଙ୍କ୍ ୱେରଙ୍କ୍ ଆଲେ ତୁଚ୍ଛ ମନେମାଡ଼୍କେ ନାନ୍ ମିକିଂଙ୍କ୍ କେତୁତାନ୍, ଇଡ଼ାଦ୍ ଯନ୍ ଆସମାନ୍ଦାନ୍ ସ୍ୱର୍ଗଦୂତକି ସାରେଦିନା ବାବାଲ୍ ଇଶ୍ୱର୍ତେ ପାକେ ମିନ୍ଦେନ୍ ।” ୧୧ “ବାତେଙ୍କ୍ ଇତ୍କେ ହାର୍ପୁନ୍ୱେ ନାରୁଙ୍କ୍ ରକ୍ଷା ମାଡ଼ାଙ୍କ୍ ନାରୁନ୍ ପିଲେ ୱାସ୍ମିନ୍ଦେନ୍ ।”
୧୨ “ନିମ୍ ବାତେଏ ଏର୍କା ମାଡ଼ୁତିନ୍, ଯଦି ୱେରନ୍ ନାରୁନ୍ ଶହେ ମେଣ୍ଢାନାଗାଙ୍କ୍ ନୁ ୱେରଡ଼୍ ମେଣ୍ଢା ମାଇତେ, ଆଲେକେ ଅଣ୍ଡ୍ ବାତେଏ ମାଡ଼ିତନ୍ ? ନବେ ନଟାନ୍ ମେଣ୍ଢାଙ୍କ୍ ମେଟେତାଗ୍ ୱିଡ଼୍ସି ଆଦ୍ ମାଇମାନ୍ଦାନ୍ ମେଣ୍ଢାତିଙ୍କ୍ ମେହେକାଂଙ୍କ୍ ଆଦ୍ତନ୍ । ୧୩ ବେସୁଙ୍କ୍ ଅଣ୍ଡ୍ ଆଦିଙ୍କ୍ ଦର୍ସ୍କିତନ୍, ମାଇୱେ ମାନ୍ଦାନ୍ ନବ୍ବେ ନହଟାନ୍ ମେଣ୍ଢାନ୍ ସେଙ୍ଗେ ନିଜାମ୍ ଅନ୍ ବେସର୍ ୱେଡ଼୍କିତନ୍, ଇ ୱେଡ଼୍କ୍ ମେଣ୍ଢେତ୍ ସେଙ୍ଗେ ତାନ୍ ସେଙ୍ଗେ ଅଦିକ୍ ୱେଡ଼୍କିତନ୍ । ୧୪ ଟିକ୍ ଆଦେଲେକାମ୍, ଇ ନଗନ୍ୟ ନାରୁଡ଼ାଗାଙ୍କ୍ ୱେରଣ୍ଡ୍ ମିକା ହାର୍ବୁଲ୍କା ଆଇନା ଇଦ୍ ମିଇ ସ୍ୱର୍ଗସ୍ଥ ବାବାଲ୍ ଇଶ୍ୱର୍ ଇଚ୍ଛା ଆତ୍କେ ଆୟନ୍ ।”
୧୯ “ମାତର୍ ଆସ୍ର ଆୟ୍ୟ, ପୃତିବିତାଗାଙ୍କ୍ ବେସୁଙ୍କ୍ ମିୟାଗାଙ୍କ୍ ଇର୍ୱୁଡ଼୍ ଯେ ବାତେଆଇ ବିଷୟ୍ତେ ୱେରଡ଼୍ ମାନ୍ ଆସ୍ ଆଦିନ୍ ସେଙ୍ଗେ ପ୍ରାର୍ତନା ମାଡ଼ିତିଡ଼୍, ନା ସ୍ୱର୍ଗତେ ବାବାଲ୍ ନିୟାଦ୍ ଆଦେ ଇଚ୍ଛା ସାରେ ସତ୍ ମାଡ଼ିତନ୍ ।” ୨୦ “ବାତେଙ୍କ୍ ଇତ୍କେ ବେଗେ ଇର୍ୱୁଡ଼୍ ବା ନାର୍ଗେ ନାରୁଡ଼୍ ନା ପେଦେର୍ତେ ଅଣ୍ଡୟ୍ତାଗ୍ ଆଦ୍ତଡ଼୍, ନାନ୍ ଆଗେ ମାନ୍ତାନ୍ ।”
୨୨ ଜିସୁ କେତ୍ତାନ୍, “ଇଲ୍ଲେ ସାତ୍ଦାମ୍ ଆୟ୍ୟ । ସାତ୍ଦାମ୍ ସତୁରି ଗୁଣ୍ । ୨୩ ସ୍ୱର୍ଗରାଜ୍ୟତେ ମେଣ୍ଡେ ୱେରଡ଼୍ ଗଟ୍ କେଞ୍ଜା । ଅଣ୍ଡ୍ ଦିନ୍ ରାଜାଲ୍ ଦାସଡ଼୍କିଙ୍କ୍ ହିସାବ୍ତେ ଇସାପ୍ ମାଡ଼ାଙ୍କ୍ ଏର୍କା ମାଡ଼୍ତଣ୍ଡ୍ । ୨୪ ଅଣ୍ଡ୍ ଇ ପାଡ଼୍ୟି ଆରାମ୍ ମାଡ଼୍ତେ ୱେଲେ ୱେରଙ୍କ୍ ସାକର୍ତିଙ୍କ୍ ପୟ୍ସ୍ ଅନ୍ପାକେ ତାତ୍ତଡ଼୍ । ଅଣ୍ଡ୍ ତାନାଗାଙ୍କ୍ ଲକ୍ଷ ଲକ୍ଷ ଡାବ୍କ୍ ଉଦାର୍ ଆସ୍ ମାତ୍ତନ୍ । ୨୫ ଉଦାର୍ ଦେହେତାଙ୍କ୍ ସେଙ୍ଗେ ଆ ନାରୁନାୱୁ ଆସର୍ ସମ୍ପତି ଇଲ୍ୱେ ମାତ୍ତେ । ଆଦିଙ୍କ୍ ଅନ୍ ମୁତେଙ୍କ୍ ନୁ ପିଲାଙ୍କ୍ ୱାମି ମିକା ଇଦାଙ୍କ୍ ରାଜାଲ୍ ଅଂକିଙ୍କ୍ କେତ୍ତାନ୍ ।” ୨୬ ଆଦ୍ ଚାକର୍ ରାଜାନ୍ ଡେକାନ୍ ମଦଲ୍ ରାଲି ଅନୁରଦ୍ ମାଡ଼ି କେତ୍ତାନ୍, “ମେଣ୍ଡେ ସୁଦୁଟ୍ ଶକ୍ତିତେ ମାନ୍ ମଣିମା ନାନ୍ ନିୟାଦ୍ ସାରେ ଉଦାର୍ ଦେହେସିଦ୍ତାନ୍ ।” ୨୭ ରାଜାନ୍ ମନ୍ଦାଗ୍ ଦୟା ଆତ୍ତେ, ଆଦିଙ୍କ୍ ଉଦାର୍ତାଗାଙ୍କ୍ କ୍ଷମା ଇସ୍ ଅଣ୍ଡ୍ ଦାସଙ୍କ୍ ୱିଡ଼୍ସିତ୍ତନ୍ ।
୨୮ “ଆ ନାରୁଡ଼୍ ଆଦାନ୍ ୱେଲେ ଅନାଗାଙ୍କ୍ ସୁଦୁଟ୍ ଉଦାର୍ ଆସ୍ମାନ୍ଦାନ୍ ମେଣ୍ଡେ ୱେରନ୍ ସେବକ୍ ତଡ଼୍ କାଇଲ୍ତଣ୍ଡ୍ । ଅଣ୍ଡ୍ ଅନ୍ ବଣ୍ଡ୍କ୍ତିଙ୍କ୍ ପଇସ୍ କେତ୍ତାନ୍, ‘ନାୟାଗ୍ କଞ୍ଜ୍ ଆସ୍ମାନ୍ଦାନ୍ ଉଦାର୍ ଡାବ୍କ୍ ଇମ୍ ।’ ” ୨୯ ଦ୍ୱିତିୟ ସେବକ୍ ଅନ୍ ଡେକାଙ୍କ୍ ପଇସ୍ କେତ୍ତାନ୍, “ବେସ୍କ୍ ଦିନା ମାନ୍, ନିୟାଉ ସାରେ ଡାବ୍କ୍ ହିଦ୍ତାନ୍ ।” ୩୦ “ବାତେଙ୍କ୍ ଇତ୍କେ ମୁନ୍ତନାଦ୍ ପ୍ରାର୍ତନା କେଞ୍ଜଣ୍ଡ୍, ବାତେଙ୍କ୍ ଇତ୍କେ ଉଦାର୍ ଦେହେନା ଯାକ ଅଂକିଙ୍କ୍ ଜେଲ୍ତାଗ୍ ୱାଟିତ୍ତନ୍ । ୩୧ ଇଦ୍ ଗଟ୍ନା ଉଡ଼ି ବାଗାତଡ଼୍ ସେବକିଡ଼୍ ଗାଟି ଦାନ୍ଦେଆସ୍ ଆଞ୍ଜ୍ ବାତ୍ ଗଟେମ୍ ଆତ୍ତେ ଆଦ୍ ରାଜାଙ୍କ୍ କେସ୍ସିତ୍ତଡ଼୍ । ୩୨ ରାଜାଲ୍ ମୁନେଙ୍କ୍ ପାଡ଼୍ୟି ମାଡ଼୍ତେନଙ୍କ୍ କାର୍ଙ୍ଗି କେତ୍ତାନ୍, ଆର୍ ଅଯୋଗ୍ୟ ଦାସନି, ନିମ୍ ପ୍ରାର୍ତନା ମାଡ଼୍ନାଙ୍କ୍ ନାନ୍ ନିୟାଉ ସାରେ ଉଦାର୍ ୱିଡ଼୍ସିତ୍ତାନ୍ । ୩୩ ନାନ୍ ବାଲାନ୍ ନି ସେଙ୍ଗେ ଦୟା ତଅତାନ୍, ନି ସେବକିଙ୍କ୍ ମିକା ଆଦେଲେକାମ୍ ଦୟା ମାଡ଼ାନାଦ୍ ନିୟାଦ୍ ମାତ୍ତେ ।” ୩୪ “ରାଜାଲ୍ ଗାଟି କପାମ୍ ଆସ୍ ସାରେ ଉଦାର୍ ଦେହ୍ୱେ ଯାକ ଦଣ୍ଡ୍ ଆତ୍ତାଙ୍କ୍ ଅଂକିଙ୍କ୍ ବନ୍ଦିଲନ୍ ରହସିତ୍ତନ୍ ।”
୩୫ ଜିସୁ କେତାନାଦ୍ ତେର୍ସ୍ପାନ୍ କେତ୍ତାନ୍, “ମିଇ ବିରୁଦ୍ତେ ଦଷ୍ ମାଡ଼ିମାନ୍ଦାନ୍ ତାମୁଣ୍ଡ୍ତିଙ୍କ୍ ଜିୱୁତେ କ୍ଷମା ହିମୁଟ୍, ଆଲେକେ ନା ସ୍ୱର୍ଗତେ ବାବାଲ୍ ମିକା ମିଇ ସେଙ୍ଗେ ଇଦ୍ଲେକାମ୍ ବ୍ୟବହାର୍ ମାଡ଼ିତନ୍ ।”
<- ମାତିଉ 17ମାତିଉ 19 ->