୧ ଆଦ୍ ଦିନ୍ ଜିସୁ ପେଇସ୍ ହିଲ୍କେ ଆଞ୍ଚିନା ଆତ୍ତନ୍ । ଆଗେ ଅଣ୍ଡ୍ ଶିକ୍ଷା ହିଦାନ୍ ସେଙ୍ଗେ କୁଦ୍ତନ୍ । ୨ [a]ଅନ୍ ତିଡ଼୍ପାକେ ହିସର୍ ନାରୁଡ଼୍ କୁଦ୍ତଡ଼୍ ଯେ ଅଣ୍ଡ୍ ୱେରଡ଼୍ ଓଡେତାଗ୍ ଆଞ୍ଜ୍ କୁଦ୍ତନ୍ । ନାରୁଡ଼୍ ହିଲ୍କେ ଆଞ୍ଚିନା ନିସ୍ମିକା ଅନ୍ ଗଟି କେଞ୍ଜ୍ତଡ଼୍ । ୩ ଅଣ୍ଡ୍ ୱେଷଡ଼୍ ହିନା ଅଡ଼୍କିଂଙ୍କ୍ ନାର୍ଗେ ଗଟି ଶିକ୍ଷା ହିତ୍ତନ୍ । ଅଣ୍ଡ୍ କେତ୍ତାନ୍, “ଅନ୍ଦାମ୍ ୱେରନ୍ ନାରୁନ୍ ୱିଜ୍ ୱିତାନଙ୍କ୍ ପେହିତ୍ତନ୍ । ୪ ଅଣ୍ଡ୍ ୱାୟେତାଗ୍ ୱିଜ୍ ୱିତାନ୍ ୱେଲେ ବେସ୍କ୍ ପେଡ଼େକ୍ ଆର୍ଦାଗ୍ ଲାହିନ୍ ରାଲ୍ତାଙ୍କ୍ ପିଟେ ୱାସ୍ ଆୱିଙ୍କ୍ ତିଞ୍ଜ୍ଜିତା । ୫ ମେଣ୍ଡେ ବେସ୍କ୍ ପେଡ଼େକ୍ ଗାଟି ସୁଦୁଟ୍ ମାଣ୍ଡୁଲ୍ ମାନ୍ଦାନାଗ୍ ରାଲ୍ତା ସୁଦୁଟ୍ ପନ୍ଦି ମାନ୍ନାଙ୍କ୍ ୱାଞ୍ଜ୍ଜି ଯାପେ ମଡ଼୍ତା । ୬ ବାତେଙ୍କ୍ ଇତ୍କେ ଆୱୁ ମାଡ଼ା ଲୋପେ ଆନ୍ୱାଙ୍କ୍ ପଡ଼ଦ୍ ହେଦ୍ତ୍ତେ ଆଉ ୱାସିଆତ୍ତା । ୭ ବେସ୍କ୍ ୱିଜ୍ କୟେନାଗ୍ ରାଲ୍ତା । ଆଉ କୟେମାଡ଼ାକ୍ ସାରେ ପେଡ଼େକିଙ୍କ୍ ଆଦ୍ପ୍ତା ମାଡ଼୍ତେ । ୮ ବାତେଙ୍କ୍ ଇତ୍କେ ମେଣ୍ଡେ ବେଷ୍କ୍ ୱିଜ୍ ଲେକେତ୍ ବୁମ୍ତାଗା ରାଲି ମାଡ଼େ ଆସ୍ କାୟା ଆଦ୍ତେ । ବେସ୍କ୍ ଶହେଗୁନ୍, ବେସ୍କ୍ ଷାଟିଏ ଗୁନ୍ ନୁ ବେସ୍କ୍ ତିରିଶ୍ ଗୁନ୍ ଆଦ୍ତେ ।”
୯ ଜିସୁ ୱେଷଡ଼୍ ତେର୍ସ୍ପି କେତ୍ତାନ୍, “କେଞ୍ଜାନଙ୍କ୍ କେଉ ମାତ୍କେ କେଞ୍ଜାଟ୍ ।”
୧୦ ତାନ୍ ପେର୍କେ ଶିଷ୍ୟନଡ଼୍ ଜିସୁନ୍ ଗାର୍ରେ ୱାସ୍ କେତ୍ତଡ଼୍, ନାରୁଡ଼୍କ୍ ଶିକ୍ଷା ହିଦାନ୍ ୱେଲେ ନିମ୍ ବାତ୍ତିଙ୍କ୍ ୱେଷଡ଼୍ ହିନା କେତୁତିନ୍ ?
୧୧ ଜିସୁ ଉତ୍ତର୍ ଇତ୍ତନ୍, “ସ୍ୱର୍ଗରାଜ୍ୟତେ ରହସ୍ୟ ବୁଜେମ୍ ଆତ୍ତାଙ୍କ୍ ମିଡ଼୍ ବୁଦ୍ତେ ଦର୍ସ୍କି ମିନ୍ଦେଡ଼ି, ଅଡ଼୍ ଦର୍ସ୍କ୍କଡ଼୍ ।” ୧୨ [b]ବେନନାଦ୍ ମିନ୍ଦେ, ଅଂକିଙ୍କ୍ ଅଦିକ୍ ହିଦ୍ତଡ଼୍ ନୁ ଆଗାଙ୍କ୍ ଅଣ୍ଡ୍ ନାର୍ଗେ ଲାବ୍ ମାଡ଼ିତନ୍ । ବାତେଙ୍କ୍ ଇତ୍କେ ବେନନାଦ୍ ଇଲେ, ହୋ ନାଦ୍ ବାତ୍ମିନ୍ଦେ, ଆଦ୍ମିକା ଟେଣ୍ଡି ଆଦ୍ତଡ଼୍ । ୧୩ ଆଦିନ୍ ସେଙ୍ଗେ, ଅଡ଼୍ ଉଡ଼ଡ଼୍ ମାନ୍ତଡ଼୍ ଇତ୍କେ ବାତେଏ ଉଡ଼େ ପାର୍ୱଡ଼୍ । ସାରେ ଗଟି କେଞ୍ଜିମାନ୍ତଡ଼୍, ବାତେଙ୍କ୍ ଇତ୍କେ ବାତେଏ ବୁଜେମ୍ ଆୟ୍ୟଡ଼୍; ଅଡ଼୍ ଯଦି ପ୍ରକୃତ୍ତେ ଉଡ଼େଡ଼୍ ନୁ ବୁଜେମ୍ ଆୟେଡ଼୍ । ୧୪ ବାବବାଦି ଯିଶାଇୟନ୍ ବବିଷ୍ୟଦ୍ ବାଣି ଅଡ଼୍ ସେଙ୍ଗେ ପ୍ରଯୁଦ୍ୟ ।
୧୬ [c]“ମିଡ଼୍ ବେସର୍ ବାଗ୍ୟବାନ୍ ! ମିଡ଼୍ ଉଡ଼େ ପାର୍ଦୁତିଡ଼୍ ନୁ କେଞ୍ଜ୍ ପାର୍ଦୁତିଡ଼୍ । ୧୭ ହିଦ୍ ଗଟ୍ ନିଜାମ୍ତେ ନାନ୍ ମିକିଂଙ୍କ୍ କେତୁତାନ୍, ନାର୍ଗେ ବାବବାଦୀ ନୁ ଦାର୍ମିକ୍ ନାରୁଡ଼୍, ମିଡ଼୍ ବାତେଏ ଉଡ଼ୁତିଡ଼୍; ଆଦ୍ ଉଡ଼ାନଙ୍କ୍; ନୁ ବାତ୍ କେଞ୍ଜୁତିଡ଼୍ ଆଦ୍ କେଞ୍ଜାନ୍ ସେଙ୍ଗେ ଇଚ୍ଛା ମାଡ଼ ମାତ୍ତଡ଼୍, ବାତେଙ୍କ୍ ଇତ୍କେ ପାର୍ୱଡ଼୍ ।”
୧୮ “ଆଲେକେ ୱିଜେୱିତାନ୍ ୱେଷଡ଼୍ କେଞ୍ଜାଟ୍ କେତୁତାନ୍, ବୁଜେମ୍ ଆତ୍ତାଙ୍କ୍ ଆଲ୍ସି ମାଡ଼ାଟ୍ । ୧୯ ବେନଡ଼୍ ସ୍ୱର୍ଗରାଜ୍ୟତେ ଗଟ୍ କେଞ୍ଜିତଡ଼୍, ଅଡ଼୍ ହୃଦୟତାଗାଙ୍କ୍ ଶୟ୍ତାନ୍ ଆଦ୍ ଟେଣ୍ଡି ଆଦ୍ତେ । ଆର୍ଦାଗ୍ ରାଲିମାନ୍ଦାନ୍ ୱିଜ୍ ଆତ୍ତେ ଇଦିନ୍ ତାତ୍ପର୍ଯ୍ୟ । ୨୦ ବେନଡ଼୍ ଗଟ୍ କେଞ୍ଜାନ୍ ସାଙ୍ଗେ ସାଙ୍ଗେ ଆଗ୍ରହତେ ଗ୍ରହନ୍ ମାଡ଼ିତଡ଼୍, ଆଦ୍ ପତୁରିଆ ପଡ଼ିୟେତାଗ୍ ରାଲିମାନ୍ଦାନ୍ ୱିଜେଲେକାମ୍, ୨୧ ଅଡ଼୍ ମାନ୍ଦେ ଲୋପେ ଆଞ୍ଜ୍ ମାନ୍ୱାଙ୍କ୍ ଅଡ଼୍ ଆଦିଙ୍କ୍ ନାର୍ଗେସମୟ୍ ପଇସ୍ ନେହେତେ ପାର୍ୱଡ଼୍ । ହିଦ୍ ଗଟ୍ ସେଙ୍ଗେ ବେସୁଙ୍କ୍ କଷ୍ଟ ନୁ ତାଡ଼ନା ୱାଦ୍ତେ, ଅଡ଼୍ ଆଦିଙ୍କ୍ ଯାପେ ୱିଡ଼୍ସିତ୍ ତଡ଼୍ । ୨୨ କୟେ ମାଡ଼ାକ୍ ବେଦ୍ଲେକାମ୍ ବେସ୍କିଙ୍କ୍ ୱିଜେତିଙ୍କ୍ ଆଦ୍ପ୍ତା ମାଡ଼ିଦ୍ତେ, ଆଦେଲେକାମ୍ ହିଦ୍ ଜଗତ୍ତେ ଜଞ୍ଜାଲ ନୁ ଦନ୍ ସମ୍ପତିତ୍ତେ ଆଶେ ବେସ୍କ୍ ନାରୁଡ଼ାଗ୍ ହେଉସ୍ ମାନ୍ଦାନ୍ ଗଟ୍ତିଙ୍କ୍ ନଷ୍ଟ ମାଡ଼ିଦ୍ତେ ନୁ ଅଡ଼୍ ବାତେଏ ସୁପଲ୍ ଦର୍ସ୍କେ ପାର୍ୱଡ଼୍ । ୨୩ ବେନଡ଼୍ ଗଟ୍ କେଞ୍ଜି ବୁଜେମ୍ ଆଦ୍ତଡ଼୍, ଲେକେତ୍ ୱାୟେତାଗ୍ ରାଲିମାନ୍ଦାନ୍ ୱିଜ୍ ଲେକାମ୍ ଆଦିନ୍ ଲେକାମ୍ ସୁପଲ୍ ଲାବ୍ ମାଡ଼ିତଡ଼୍ । ବେନଙ୍କ୍ ଦର୍କିତ୍ ଶହେ ଗୁନ୍, ବେନ ଷାଟିଏ ଗୁନ୍ ନୁ ବେନ୍ ତିରିଶ୍ ଗୁନ୍ ।”
୩୧ ଜିସୁ ୱେରଡ଼୍ ୱେଷଡ଼୍ ଇସ୍ କେତ୍ତାନ୍, “ୱେରନ୍ ନାରୁନ୍ ଅନ୍ ୱାୟେତାଗ୍ ସୋରିଷ ପେଡ଼େମ୍ ଲେକାମ୍ ୱେରଡ଼୍ ପେଡ଼େମ୍ ମିଚ୍ତନ୍ । ୩୨ ଆଦ୍ ପେଡ଼େମ୍ ସାର୍ରେ ତାଗାଙ୍କ୍ ଇସୁର୍ ଆତ୍ତେ ମିକା ଆଗାଙ୍କ୍ ବେନ୍ ମାଡ଼େ ଆତ୍ତେ, ୱାୟେତାଗ୍ ବାଗାତାଉ ସାରେ ମାଡ଼ାକ୍ ୱିଡ଼୍ସି ଗାଟି ଡେଙ୍ଗ୍ ନୁ ମାନ୍ଦେଆତ୍ ନୁ ତାନ୍ ପର୍ର ପିଟେ ତୁଉକା ତାର୍ତ୍ତା । ସ୍ୱର୍ଗରାଜ୍ୟତେ ପେର୍ସାନାଦ୍ ଇଦ୍ଲେକାମ୍ ।”
୩୩ ମେଣ୍ଡ୍ନ୍ ଦାମ୍ ଜିସୁ ଉଦାରନ୍ ଇସ୍ କେତ୍ତାନ୍, “ୱେରଡ଼୍ ନାଟାଡ଼୍ ସୁଦୁଟ୍ କମିର୍ ଆସ୍ ଦୁଡ଼୍ବାସ୍ତା ନିଇସ୍ ମହିଦାତାଗ୍ କାଲ୍ପ୍ତନ୍ । ଟିକ୍ ସମୟ୍ତେ ସାରେ ମହିଦା ତାଲିତାଗ୍ କାହିଲି ତୟ୍ତେ । ସ୍ୱର୍ଗରାଜ୍ୟ ହିଦ୍ଲେକାମ୍ ନାର୍ଗେ ଆଦ୍ତେ ।”
୩୪ ଜିସୁ ଇଦ୍ଲେକାମ୍ ୱେଷଡ଼୍ ଇସ୍ ଶିକ୍ଷା ହିସମାତ୍ତନ୍ । ୱେଷଡ଼୍ ହିୱକଟ୍ ଅଣ୍ଡ୍ ବେନେମିକା ଶିକ୍ଷା ହିୱେମାତ୍ତନ୍ । ୩୫ ଇଦିନ୍ ତଡ଼୍ ବାବବାଦୀନଡ଼୍ ହିଦ୍ ବବିଷ୍ୟତ୍ବାଣି ସାରେ ଆତ୍ତେ ।
୩୭ ଜିସୁ ଉତ୍ତର୍ ହିତ୍ତନ୍, “ବେନ୍ ନାରୁନ୍ ଲେକେତ୍ ୱିଜ୍ ୱିତ୍ତନ୍, ଅଣ୍ଡ୍ ନାରୁନ୍ ପିଲେ ।” ୩୮ ହିଦ୍ ଜଗତ୍ ଆଦୁତ୍ତେ ୱାୟେ । ବେନଡ଼୍ ସ୍ୱର୍ଗରାଜ୍ୟ ଆଦିବାସିଡ଼୍, ଅଡ଼୍ ଲେକେତ୍ ୱିଜ୍ । ବାଲୁଙ୍ଗା ଆଦ୍ତେ ଶୟତାନ୍ତାଦ୍ ଉଡ଼ାନାଦ୍ । ୩୯ ବେନ୍ ଶତ୍ରୁଡ଼୍ ବାଲୁଙ୍ଗା ୱିତ୍ତନ୍, ଅଣ୍ଡ୍ ଶୟ୍ତାନ୍ । ପାଣ୍ଡାନ୍ ଦିନାମ୍ ଆଦୁତ୍ତେ ତେରାନ୍ ଦିନ୍ । ଶସ୍ୟକହିଦାନଡ଼୍ ଆଦୁତ୍ତେ ଦୂତ । ୪୦ ବାଲୁଙ୍ଗା ବେଦ୍ଲେକାମ୍ କଇସ୍ କାର୍ୱିମାନ୍ତା, ଯୁଗାନ୍ତ କାଲ୍ ଆଦେଲେକାମ୍ ଆଦ୍ତେ । ୪୧ ନାରୁନ୍ ପିଲେ ତାନ୍ ରାଜ୍ୟତାଗାଙ୍କ୍ ସାରେ ଅପରାଦ୍ ପାଡ଼ିୟିଦେ ନଡ଼୍କ୍ ନୁ ବେନଡ଼୍ ବାଗାତଡ଼୍କ୍ ପାପ୍ ମାଡ଼ାଙ୍କ୍ କେତିତଡ଼୍, ଅଡ଼୍କ୍ ଅଣ୍ଡୟାଗେ ମାଡ଼ାନ୍ ସେଙ୍ଗେ ଦୂତକିଙ୍କ୍ ରହତିତଡ଼୍ । ୪୨ ଅଡ଼୍ ହି ସାରେତଡ଼୍କ୍ ନିଡ଼୍ତାନାଦ୍ କିସ୍ତାଗ୍ ହେସିତଡ଼୍ । ଆଗେ ଇ ନାରୁଡ଼୍ କେଇତଡ଼୍ ନୁ ତିପାଲ୍ତେ ଆଗେ ପାଲ୍କ୍ କିଟ୍ରୁମ୍ କାଟ୍ରୁମ୍ ମାଡ଼ିତଡ଼୍ । ୪୩ ଆଦ୍ ସମୟ୍ତେ ଦାର୍ମିକ୍ ନାରୁଡ଼୍ ସ୍ୱର୍ଗରାଜ୍ୟତାଗ୍ ପଡ଼ଦ୍ଲେକାମ୍ ୱେଇସ୍ ଆଦ୍ତଡ଼୍ । କେଞ୍ଜାନଙ୍କ୍ ଇଚ୍ଛା ମାତ୍କେ କେୱୁଇସ୍ କେଞ୍ଜାଟ୍ ।
୫୨ ଜିସୁ ଅଡ଼୍କ୍ କେତ୍ତାନ୍, “ବେଦ୍ଲେକାମ୍ ୱେରନ୍ ଲନ୍ମାଲିକ୍ ତାନାଦ୍ ବଣ୍ଡାର୍ ଲୋନ୍ତାଗାଙ୍କ୍ ବାତ୍ତେ ଇଲ୍ୱେ ଲେକାମ୍ ପୁନେଲାୱ୍ ନୁ ପାହାନ୍ତାଲାୱ୍ ନିୟ୍ ପେସ୍ପିତଣ୍ଡ୍, ସ୍ୱର୍ଗରାଜ୍ୟ ସେଙ୍ଗେ ତାଲିମ୍ ଆସ୍ମାନ୍ଦାନ୍ ୱେରନ୍ ଦର୍ମଗୁରୁ ଟିକ୍ ଆଦେଲେକାମ୍ ମାଡ଼ିତନ୍ ।”
୫୩ ହିଉସାରେ ୱେଷଡ଼୍ କେସ୍ ତେର୍ସ୍ପାନ୍ ପେର୍କେ ଜିସୁ ନିଜେ ମାନ୍ଦାନ୍ ଲୋନ୍ ମାଲ୍ସ୍ ଆତ୍ତନ୍ । ୫୪ ଆଗେତ୍ ପ୍ରାର୍ତନାଲୋନ୍ ଅନ୍ ଶିକ୍ଷା କେଞ୍ଜି ନାରୁଡ଼୍ ବାକ୍ୱା ଆସ୍ କେତ୍ତଡ଼୍, “ହିସର୍ ବୁଦ୍ତେ ଅଣ୍ଡ୍ ବେଗେ ଦର୍ସ୍କ୍ତନ୍ ? ହିଉସାରେ ବାକ୍ୱା ପାଡ଼୍ୟି ମାଡ଼ାନଙ୍କ୍ ଅଂକିଙ୍କ୍ ବେନ ଶକ୍ତି ହିତ୍ତନ୍ ? ୫୫ ହିଦ୍ ବାତେଏ ଅଣ୍ଡ୍ ବଡ଼େଇ ତେ ମାର୍ ଆୟନ୍ ? ମରୀୟମ୍ ବାତ୍ ତାମ୍ ୟାୟ୍ ଆୟ୍ୟ ? ଯାକୁବ୍, ଯୋସେପ୍, ଶିମୋନ୍ ନୁ ଯିହୁଦା ବାତେଏ ତାନ୍ ତାମୁଣ୍ଡ୍ ଆୟନ୍ ? ୫୬ ତାନ୍ ଏଲାଡ଼୍ ବାତେଏ ଇଗେ ଇଲା ? ହିଉସାରେ ଶକ୍ତି ଅଂକିଙ୍କ୍ ବେଗେ ଦର୍କ୍ତେ ?” ୫୭ [d]ହିଦ୍ କେସ୍ ଜିସୁଙ୍କ୍ କେପ୍ତଡ଼୍ । ଜିସୁ ଅଡ଼୍କ୍ କେତ୍ତାନ୍, “ୱେରନ୍ ବାବବାଦୀ ନିଜେତ୍ ପରିବାର୍ ନୁ ନାର୍ ୱିଡ଼୍ସି ମେଣ୍ଡେ ସାରେତାଗ୍ ତନ୍ଦିତନ୍ ।”
୫୮ ଅଡ଼୍ ଅଂକିଙ୍କ୍ ଅବିଶ୍ୱାସୀ ଆଇନାଙ୍କ୍ ଅଣ୍ଡ୍ ଆଗେ ଅନାହୁ ବାକ୍ୱା ପାଡ଼୍ୟି ମେଣ୍ଡେ ଅଦିକ୍ ମାଡ଼ନ୍ ।
<- ମାତିଉ 12ମାତିଉ 14 ->