୮ ଇତ୍କେ ଇଞ୍ଜେ ମିକିଙ୍କ୍ କପାମ୍, ହିଂସା, ପାସ୍କାନାଦ୍, ଇସତାୱୁ ୱିଡ଼୍ସାନଙ୍କ୍ ଆଦ୍ତେ । ମିଡ଼୍ ଅପମାନ୍ ଗଟି ବା କାରାପ୍ ଗଟି ବେସୁଙ୍କ୍ କେଲ୍ମାଟ୍ । ୯ [a]ନିଜେ ନିଜର୍ ଲପେ ମିଚ୍ କେଲ୍ମାଟ୍, ବାତେଙ୍କ୍ ଇତ୍କେ ମିଡ଼୍ ପାଃନ୍ତେ ଅବ୍ୟାସ୍ ନୁ ବ୍ୟବହାର୍ ୱିଡ଼୍ସ୍ତିଡ଼୍, ୧୦ [b]ମେଣ୍ଡେ ପୁଃନେ ଅବ୍ୟାସ୍ ପୟ୍ତ୍ତିଡ଼୍ । ନାରୁଡ଼ାୱୁ ଇୱୁ ପୁନାୱୁ, ସୃଷ୍ଟିକର୍ତାଲ୍ ଇଶ୍ୱର୍ ନିଜେ ନିଜର୍ ଲେକାମ୍ ବାରମ୍ବାର୍ ତିୟାର୍ ମାଡ଼ୁତନ୍ । ଇଦିନ୍ ସେଙ୍ଗେ ମିଡ଼୍ ଅନ୍ ବିଷୟତେ ସାରେଲେକାତ୍ ଜ୍ଞାନ୍ ପାଏମ୍ ଆଦୁତିଡ଼୍ । ୧୧ ପେର୍କେ, ଇହୁଦିଡ଼୍, ଅଣଇହୁଦୀଡ଼୍, ସୁନ୍ନତ ନୁ ଅସୁନ୍ନତ, ନିଷ୍ଠୁର୍, ବୟଙ୍କକାର୍, କ୍ରିତଦାସ ବା ସ୍ୱାଦିନ୍ ନାରୁଣ୍ଡ୍ ଲପେ ମେଣ୍ଡେ ବାତ୍ବା ୱେରେ ଇଲେ । ଇତ୍କେ କ୍ରିଷ୍ଟ ସାରେତଡ଼ାଗେ ମିନ୍ଦେନ୍ ନୁ ଅଣ୍ଡ୍ ଆଦୁତନ୍ ସାର୍ରେ । ୧୨ [c]ମିଡ଼୍ ଇଶ୍ୱର୍ତେ ନାରୁଡ଼ି । ଅଣ୍ଡ୍ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍ ଜିୱେତଣ୍ଡ୍ ନୁ ଗାଡ଼୍ସ୍ତାୱୁ ଚକା କେର୍ମୁଟ୍ । ୧୩ [d]ନିଜର୍ ନିଜର୍ ଲପେ ଦୟା ମାଡ଼ାଟ୍ ନୁ ଯଦି ବେନନ୍ ମେଣ୍ଡେ ଅର୍ତୁନ୍ ବିରୁଦ୍ଦତେ କେତାନାଦ୍ ମାନ୍ନ୍ତେ, ଆଲେକେ ନିଜର୍ନିଜର୍ ଲପେ କ୍ଷମା ମାଡ଼ାଟ୍ । ୧୪ ମେଣ୍ଡେ ଇୱୁ ସାରେ ଗୁଣାମ୍ ତଡ଼୍ ପ୍ରେମତିଙ୍କ୍ କାଲ୍ପାଟ୍ । ପ୍ରେମ ସାରେ ବିଷୟତିଙ୍କ୍ ପୁରା ମାଡ଼ି ଅଣ୍ଡୟ୍ତାଗ୍ ମାଡ଼ିତ୍ । ୧୫ କ୍ରିଷ୍ଟ ଇତ୍ତେ ଶାନ୍ତି ମିୟାଦ୍ ଆଲ୍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍ ମିକିଙ୍କ୍ ଅଣ୍ଡୟ୍ତାଗ୍ ଅଣ୍ଡୟ୍ ମେନ୍ଦୁଲ୍ ଆଦାନ୍ ସେଙ୍ଗେ କାର୍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍ମୁଟ୍ । ୧୬ [e]କ୍ରିଷ୍ଟନ୍ ଗଟିନେ ନାର୍ଗେ ତେର୍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍ତଡ଼୍ ନିଜର୍ନିଜର୍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍ତେ ସେଙ୍ଗେ ପାଟେ, ପାରାଟ୍ । ୧୭ ମିଡ଼୍ ବାକ୍ୟ ବା କାମ୍ତାଗ୍ ବାତେ ବା ମାଡ଼୍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍ତେ ମାଡ଼ି ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍ ଇମୁଟ୍ ।
୧୯ [g]ଅ ମୁଦ୍ପାଲଡ଼ି, ମିୟାୱ୍ ମୁତେକିଙ୍କ୍ ପ୍ରେମ ମାଡ଼ାଟ୍ । ଆୱିଙ୍କ୍ କାରାପ୍ ବ୍ୟବହାର୍ ମାଡ଼୍ମାଟ୍ !
୨୦ [h]ପିଲାନଡ଼ି, ସାରେଦାମ୍ ମିଡ଼୍ ମିଇ ୟାୟବାବଡ଼୍ ଗଟି କେଞ୍ଜାଟ୍ । ଇଦ୍ ମିୟାଦ୍ କ୍ରିଷ୍ଟିୟାନ୍ ପାଡ଼୍ୟି, ବାତେଙ୍କ୍ ଇତ୍କେ ଇଗେ ଇଶ୍ୱର୍ ୱେଡ଼୍କେ ଆଦ୍ତନ୍ ।
୨୧ [i]ଅ ୟାୟବାବାନଡ଼ି, ମିୟାୱୁ ପିଲାକିଙ୍କ୍ କିଜ୍ରା ମାଡ଼୍ମାଟ୍ । ବାତେଙ୍କ୍ଇତ୍କେ ଇଦିନ୍ ମାୟ୍ଦିଙ୍କ୍ ଅଡ଼୍ ସାର୍ଦେ ଆୟଡ଼୍ ।
୨୨ [j]ଅ ଗତିନଡ଼ି, ସାରେ ବିଷୟତାଗେ ମୀଇ ମାଲିକିଡ଼୍ ଗଟି କେଞ୍ଜାଟ୍ । ମାତର୍ ଅଡ଼୍ ମିଇ ପର କଣ୍ଡେ ୱାଟିମାନ୍ଦାନ୍ ୱେଲେ ଅଡ଼୍କିଂଙ୍କ୍ ସାର୍ଦେ ମାଡ଼ାନ୍ ସେଙ୍ଗେ ଆୟ, ମାତର୍ ପ୍ରବୁନ୍ ସେଙ୍ଗେ ମିୟାଦ୍ ବକ୍ତି ସେଙ୍ଗେ ସରଲ୍ ହୃଦୟତେ ଇଦ୍ ମାଡ଼ାଟ୍ । ୨୩ ମିଡ଼୍ ବାତେ ମାଡ଼ିତିଡ଼୍, ଆଦ୍ ନାରୁଡ଼୍ ସେଙ୍ଗେ ମାଡ଼କଟ ଇଶ୍ୱର୍ତେ ସେଙ୍ଗେ ମାଡ଼ୁତିଡ଼୍ ଇଞ୍ଜ ଏର୍କେ ମାଡ଼ି ପୁରା ଜିୱୁଣ୍ଡ୍ ଅପି ମାଡ଼ାଟ୍ । ୨୪ ଏର୍କେ ନେହେମୁଟ୍, ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ବାତେ ନେଃଏତଣ୍ଡ୍, ଆଦ୍ ଅଣ୍ଡ୍ ମିକିଙ୍କ୍ ପୁରସ୍କାର୍ ଲେକାମ୍ ଇଦ୍ତଣ୍ଡ୍ । ବାତେଙ୍କ୍ଇତ୍କେ କ୍ରିଷ୍ଟକେ ମିୟାଦ୍ ନିଜାତଣ୍ଡ୍ ପ୍ରବୁ, ବେନନାଦ୍ ସେବା ମିଡ଼୍ ମାଡ଼ୁତିଡ଼୍ । ୨୫ [k]ମେଣ୍ଡେ ସାରେ କାରାପ୍ ନାରୁଡ଼୍ ଅନାଦ୍ ଅପ୍ୱାଦ୍ ପାଡ଼୍ୟି ସେଙ୍ଗେ ଦଣ୍ଡ୍ ଦର୍କିତ୍, ବାତେଙ୍କ୍ଇତ୍କେ ଇଶ୍ୱର୍ ବେନନ୍ ପାକେ ଆୟ୍ୱେ ସାରେତଡ଼୍କିଙ୍କ୍ ବିଚାର୍ ମାଡ଼ିତଣ୍ଡ୍ ।
<- କଲସୀୟ 2କଲସୀୟ 4 ->