୩ ୱାରି ଇୟା ମାଟା ୱେନ୍ଞ୍ଜି ରାଜା ହେରୋଦ ମାରି ଜିରୁସାଲାମ୍ତି ୱିଜେରେ ଲୋକୁ ନାଣ୍ତ କାବାଆତାର୍ । ୪ ହେରୋଦ ୱିଜେରେ ପେରି ଜାଜକର୍ ମାରି ଦାର୍ମୁଗୁରୁରିଙ୍ଗ୍ କୁକ୍ସି ୱାରିଙ୍ଗ୍ ୱେନ୍ବାତାନ୍, “ମସିହ ଆମାକାନ୍କି କ୍ରିସ୍ତ ଆମାନ୍ ଜନମ୍ ଆନାନ୍ ?”
୫ ୱାର୍ ଇର୍ହାର୍, ଜିହୁଦା ରାଜିଦି ବେତଲିହିମ୍ତୁ । ଇୟା ବିସୟ୍ତାନ୍ ଅରେନ୍ ବାବବାଦି ରାସ୍ତାମାନାନ୍ ।
୭ ଇକା ୱେନ୍ଞ୍ଜି ହେରୋଦ ପୁର୍ବଦେସ୍ତାନ୍ ୱାତି ମାର୍ଇୱାରିଙ୍ଗ୍ ଉଣ୍ତ୍ରି ମାର୍କ୍ସି ୱାର୍ଗିନିସାନି କୁଟୁମ୍ତୁ କୁକିସ୍ କିଜି ଟିକ୍ ଆମା ସମୟ୍ତୁ ସୁକା ସତାମାର୍ହାନ୍, ୱାରି ମାଣ୍କୁ ୱେନ୍ବାତାନ୍ । ୮ ୱେନ୍କା ୱାରିଙ୍ଗ୍ ବେତଲିହିମ୍ ଗାଡ଼୍କୁ ପୋକ୍ସି ଇର୍ହାନ୍, “ସାନ୍ଡ୍ରୁ, ଆୟା କଡ଼ଦିଙ୍ଗ୍ ନେଗେନ୍କିଜି ପୟ୍ଦୁ ମାରି ୱାନିଙ୍ଗ୍ ପୟ୍ତିଙ୍ଗ୍ ନାଙ୍ଗିଁ ୱେର୍ତୁ, ନାନ୍ ବା ସଲ୍ସି ୱାନିଙ୍ଗ୍ ମାଡ଼ିସ୍କିନା ।”
୯ ସୁକେଙ୍ଗ୍ ସୁଣିକାର୍ ରାଜାଦି ମାଟା ୱେନ୍ଜି ଆୟା ବାଡି ଡ଼ିସ୍ସି ମାରିଡ଼େସି ୱାରି ସନି ସାରିଦୁ ସନିୱାଲେ, ୱେଡ଼ା ସନି ତରିଟି ବାଦଡ଼୍ତୁ ସୁଡ଼ୁତିମାର୍ଇ ଆୟା ସୁକା ମାରିଡ଼େସି ତରାତାତ୍ । ୧୦ ସୁକାଦିଙ୍ଗ୍ ସୁଡ଼୍ଜି ୱାରି ଏସା ୱେଡ଼ିକା ଏସା ୱେଡ଼ିକା ଆଜି ନିଙ୍ଗିଁତାର୍ ୱାର୍ ୱାରି ଆଗ୍ଡ଼ି ଆଗ୍ଡ଼ି ବୁଲାଜି ସୁକା କଡ଼ ମାର୍ଇ ଇଲୁ ମୁସ୍କୁ ତେବାତାତ୍ । ୧୧ ୱାର୍ ଆୟା ଇଲୁ ଲୋଇ ଡ଼ୁଗିତାର୍ ମାରି କଡ଼ଦିଙ୍ଗ୍ ଆଇସି ମରିୟମ୍ତି ୱାଲେ ସୁଡ଼୍ଜି ମେଣ୍ତେଙ୍ଗ୍ଗଟ୍କିଜି ୱାନିଙ୍ଗ୍ ମାଡ଼ିସ୍କିତାର୍ ମାରି ଅର୍ସେ ତାତିମାର୍ଇ ବାଙ୍ଗାଁରାମ୍, କୁନ୍ଦୁରୁ ନି ବାସ୍ନା ନିୟୁ ସପ୍ସି ୱାନିଙ୍ଗ୍ ଦାନ୍ ସିତାର୍ ।
୧୨ ଇୟା ୱେନ୍କା ୱାର୍ ଆଇ ଉଣ୍ତ୍ରି ସାରି ସିଜି ନିଜେଦି ଦେସ୍ତୁ ସର୍ହାର୍ । ଇରିଙ୍ଗ୍ ହେରୋଦଦି ଲାକ୍ତୁ ଡ଼େସି ସଲ୍ଇ ଉଣ୍ତିଙ୍ଗ୍ ମାପୁରୁ ୱାରିଙ୍ଗ୍ ଲବେରୁ ଆଦେସ୍ ସିତାମାର୍ହାନ୍ ।
୧୪ ଜୋସେପ୍ ନିଙ୍ଗିଁଜି କଡ଼ ନି ୱାନି ଆଇସିଙ୍ଗ୍ ଅସି ଆୟାନାଡ଼ା ମିସର୍ତୁ ସନ୍ଡ଼୍ରେଙ୍ଗ୍ ସତାର୍ । ୧୫ ହେରୋଦଦି ସାନି ସାନ୍ଦି ଆବେ ୱାର୍ ତେବାତାର୍ । ଇୟାୱିଜୁ ଗଟାନି ମାଣ୍କୁ ବାବବାଦିଦି ମାଣାନ୍ ପ୍ରବୁଦି ମାଟା ସତ୍ ଆତାତ୍ । ୱାନ୍ ଇର୍ଆ ମାର୍ହାନ୍, “ନା ମାରିନ୍ତିଙ୍ଗ୍ ନାନ୍ ମିସର୍ ଦେସ୍ତାନ୍ କୁକ୍ତା ତାତା ।”
୧୭ ନାସ୍ତିୱାଲେ ଜିରିମିୟ ବାବବାଦି ମାଣାନ୍ ରାସ୍ତିମାର୍ଇ ଇୟା ବାକ୍ୟ ସତ୍ ଆତାତ୍ ।
୨୨ ମାତର୍ ହେରୋଦଦି ୱେନ୍କା ୱାନି ମାରିସି ଆର୍କିଲାୟ, ଜିହୁଦାଦି ରାଜା ଆତାମାନାନ୍ ୱେନ୍ଞ୍ଜି ୱାନ୍ ଗାଲିଲି ସନ୍ଡ଼୍ରେଙ୍ଗ୍ ତିଲାତାର୍ । ୨୩ [a]ମାତର୍ ଲବେରୁ ମାଟା ୱେନ୍ଞ୍ଜି ୱାନ୍ ଗାଲିଲି ରାଜିଦୁ ସର୍ହାନ୍, ମାରି ନାଜରିତ ଦର୍ତି ଗାଡ଼୍ତୁ ଇଲୁ କିଜି ତେବାତାନ୍ । ଆବେଟ୍ ବାବବାଦିରି ମାଣାନ୍ ରାସାତି ଉଣ୍ତ୍ରିବାକ୍ୟ ସତ୍ ଆତାତ୍ । “ୱାନ୍ ନାଜରିୟତିୟ ଇଜି ୱେଙ୍ଗ୍ଁନାନ୍ ।”
<- ମାତିଉ 1ମାତିଉ 3 ->- a ମାର୍କ ୧:୨୪; ଲୁକ ୨:୩୯; ଜୋହନ ୧:୪୫.