୧ ଆୟାନାଣ୍ତିଙ୍ଗ୍ ଜିସୁ ଇଲ୍ତାନ୍ ସହସି ଗାଡା ପାଡ଼ି ସର୍ହାନ୍ । ଆବେ ୱାନ୍ ସିକିୟା ସିଦେଙ୍ଗ୍ ବାସ୍ତାନ୍ । ୨ [a]ୱାନି ସାରିବେଡ଼୍ତି ନାଣ୍ତ ଲୋକୁ ଉଣ୍ତାତା ମାର୍ହାର୍ ଜେ ୱାନ୍ ଉନ୍ଡ୍ରି ଡଙ୍ଗାଁଦୁ ସଲ୍ସି ବାସ୍ତାନ୍ । ଲୋକୁ ୱିଜେରେ ସାମ୍ଦୁର୍ ପାଡ଼ି ତେବାତାର୍ ମାରି ୱାନି ମାଟା ୱେର୍ଆର୍ । ୩ ୱାନ୍ କାତାଦାନ୍ ୱାରିଙ୍ଗ୍ ନାଣ୍ତ ମାଟେଙ୍ଗ୍ ସିକିୟା ସିତାନ୍ । ୱାନ୍ ଇର୍ହାନ୍, “ଅର୍ଲେନ୍ ଅରେନ୍ ଲୋକୁ ୱିତୁ ୱିତ୍ତେଙ୍ଗ୍ ସତାନ୍ । ୪ ୱାନ୍ କିଡ଼ିଇଦୁ ୱିତୁ ୱିତ୍ନିୱାଲେ ଏସ ୱିତୁ ସାରି ପାଡ଼୍କାଦୁ ଆର୍ତେ ଆକା ପଟିଙ୍ଗ୍ ୱାଜି ଆୟାୱିଜୁ ୱିତୁ ତିର୍ଏ । ୫ ମାରି ଏସ ୱିତୁ ଉଣା ସିକାଲାମାନି ପିଡ଼ିପି ବୁମିଦୁ ଆର୍ତାତ୍ । ମାରି ନାଣ୍ତ ସିକାଲା ସିଲେତାତ୍ ଆକା ୱିତୁ ଦାପ୍ରେ ନେରିତାତ୍ । ୬ ମାତର୍ ତାନି ୱେଲା ଆଡ୍ଗି ସଲ୍ଏତ୍ ମାର୍ହାତ୍ଆକା ୱେଡ଼ା ତେର୍ୱେଲ୍ତାନ୍ ୱେତାତ୍ ମାରି ସାତା ସର୍ହାତ୍ । ୭ ଏସ ୱିତୁ ସାମ୍କା ଦୁପା ଲୋଇ ଆର୍ତାତ୍ । ଇୟା ସାମ୍ ମାରାକ୍ ୱିଜୁ ପିର୍ଜି ପାଡ଼ାୱିଜୁଦିଙ୍ଗ୍ ତିଗିତେ ପକ୍ତେ । ୮ ମାତର୍ ମାରି ଏସ ୱିତୁ ନେଗି ବୁମିଦୁ ଆର୍ଜି ମାରାକ୍ଆଜି ପଲ୍ ଆସ୍ତାତ୍ । ଏସ ସହେ ଗୁଣୁ, ଏସ ସାଟେ ଗୁଣୁ, ମାରି ଏସ ତିରିସ୍ ଗୁଣୁ ପଲ୍ ଆସ୍ତାତ୍ ।”
୯ ଜିସୁ କାତା ୱିସ୍ସି ଇର୍ହାନ୍, “ଆମାୱାନିଙ୍ଗ୍ ୱେନ୍ଡ୍ରେଙ୍ଗ୍ ଗିତଣିଙ୍ଗ୍ମାନେ, ୱାନ୍ ୱେନିନ୍ ।”
୧୦ ୱେନ୍କା ସିସୁର୍ ଜିସୁଦି ଲାକ୍ତୁ ୱାଜି ୱେନ୍ବାତାର୍, “ଲୋକାଙ୍ଗ୍ ସିକିୟା ସିନିୱାଲେ ନିନ୍ ଏନ୍ଦା କାତାଦାନ୍ ୱେର୍ସିନି ?”
୧୧ ଜିସୁ ଇର୍ହାନ୍, ମୁସ୍କୁପୁର୍ତି ମାର୍ଗିତିମାନି ବିସୟ୍ ନେସ୍ତେଙ୍ଗ୍ ଇଜି ମିଙ୍ଗିଁ ବୁଦି ସିଆଇ ଆତାମାନାତ୍, ମାତର୍ ୱାରିଙ୍ଗ୍ ସିଆଇ ଆଏତ୍ । ୧୨ [b]ଆମାୱାନିଙ୍ଗ୍ ମାନାତ୍, ୱାନିଙ୍ଗ୍ ନାଣ୍ତ ସିଆଇ ଆନାତ୍ ମାରି ଆବେଟ୍ ୱାନ୍ ନାଣ୍ତ ଲାବ୍ କିନାନ୍ । ମାତର୍ ଆମାୱାନିଙ୍ଗ୍ ସିଲେତ୍, ୱାନିଦି ଆମାକା ମାନାତ୍, ଆକାବା କୁତ୍ସି ଅଆୟ୍ଆନାତ୍ । ୧୩ ୱାରିଙ୍ଗ୍ ନାନ୍ କାତାଦାନ୍ ସିକିୟା ସିଜିନା, ଇରିଙ୍ଗ୍ ୱାର୍ ସୁଡ଼୍ବୁ ସୁଡ଼୍ବୁ ସୁଡ଼୍ଦେଙ୍ଗ୍ ଆଟ୍ଏର୍ ମାରି ୱେନ୍ବୁ ୱେନ୍ବୁ ବୁଜାଏର୍ । ୧୪ ବାବବାଦି ଜିସାୟ୍ଦି ବବିସତ୍ ମାଟା ୱାରି ଉଣ୍ତିଙ୍ଗ୍ ସତ୍ ଆଜିନାତ୍ ।
୧୬ [c]“ମିର୍ ଏସା ବାଗ୍ୟଦି ଲୋକୁ ! ମିର୍ ସୁଡ଼୍ଦେଙ୍ଗ୍ ଆଟ୍ସିନିଦେର୍ ମାରି ୱେନ୍ଡ୍ରେଙ୍ଗ୍ ଆଟ୍ସିନିଦେର୍ । ୧୭ ଇୟା ମାଟା ନାନ୍ ମିଙ୍ଗିଁ ସତ୍ ଇଜିନା, ଏସ ବାବବାଦିର୍ ନି ଏସ ମାପୁରୁଦି ଲୋକୁ, ମିର୍ ଆମାକା ସୁଡ଼୍ଜିନିଦେର୍; ଆକା ସୁଡ଼୍ଦେଙ୍ଗ୍ ଇଜି ମାରି ୱେନ୍ଜିନିଦେର୍; ଆୟାୱିଜୁ ୱାର୍ ୱେନ୍ଡ୍ରେଙ୍ଗ୍ ବଦାକିତାର୍, ମାତର୍ ୱେନ୍ଏତାର୍ ।
୧୮ “ଆରିଙ୍ଗ୍ ୱେନ୍ଡ୍ରୁ, ୱିତୁ ୱିତ୍ନିକାନ୍ କାତାଦି ଅର୍ତ ଇଜିନାନ୍ । ବୁଜାଦେଙ୍ଗ୍ ତେରେପେତେ ଆଦୁ । ୧୯ ଏର୍ ମୁସ୍କୁପୁର୍ତି ନେଗି କାବୁର୍ ୱେନାର୍, ମାତର୍ ବୁଜାଏର୍ । ୱାନ୍ ୱିତାତିମାନି ସାରି ଲାକ୍ତୁରି ବୁମିଦି ୱାଜା । ସୟତାନ୍ ୱାନି ଜିବନ୍ତୁ ୱିତାତିମାନି ଆୟା ବାକ୍ୟ ଡ଼ିବିସ୍କିନାଅନାତ୍ । ସାରି ଲାକ୍ତୁ ଆର୍ତିମାନି ୱିତୁଦି ଅର୍ତ । ୨୦ ଏମେକାର୍ ବାକ୍ୟ ୱେର୍ଇଦାପ୍ରେ ୱେଡ଼ିକାଦାନ୍ ଆସ୍ନାନ୍, ୱାର୍ ପିଡ଼ିପି ବୁମିଦୁ ଆର୍ତିମାନି ୱିତୁଦି ସାମାନ୍ । ୨୧ ୱାରି ମନ୍ତି ଲୋଇ ଇକା ସଲ୍ଏତ୍ ଆକା ୱାର୍ ତାନିଙ୍ଗ୍ ନାଣ୍ତ ସମୟ୍ ଆସ୍ସି ଇଡ୍ଦେଙ୍ଗ୍ ଆଟ୍ଏର୍ । ଇୟା ମାଟା ଉଣ୍ତିଙ୍ଗ୍ ଏସ୍ତିୱାଲେ କାସ୍ଟୁ ନି କାସ୍ଟୁ ୱାନାତ୍, ୱାର୍ ଦାପ୍ରେ ତାନିଙ୍ଗ୍ ଡ଼ିସ୍ନାର୍ । ୨୨ ଏନ୍ ବାକ୍ୟ ୱେନାନ୍, ମାରି, ଦୁନିଆଦି ସିନ୍ତା ମାରି ଦନ୍ତି ଆସା ୱାନିଙ୍ଗ୍ ତିଗ୍ନା ପକ୍ନାତ୍, ମାରି ୱାର୍ ପସଲ୍ ଆସ୍ଏର୍, ଆୟା ଲୋକ୍ ସାମ୍କା ଦୁପାଦୁ ୱିତାତିମାନି ବୁମିଦି ୱାଜା । ୨୩ ମାତର୍ ଏନ୍ ବାକ୍ୟ ୱେନ୍ଜି ବୁଜାନାନ୍, ଆୟାକାର୍ ୱିତାତିମାନି ନେଗି ବୁମିଦି ୱାଜା । ୱାର୍ ନାଣ୍ତ ପସଲ୍ ଆସ୍ନାର୍, ଏନ୍ ସହେ ଗୁଣୁ, ଏନ୍ ସାଟେ ଗୁଣୁ ଏନ୍ ତିରିସ୍ ଗୁଣୁ ।”
୩୧ ଜିସୁ ୱାରିଙ୍ଗ୍ ମାରିଉନ୍ଡ୍ରି କାତା ୱେର୍ସି ଇର୍ହାନ୍, “ମୁସ୍କୁପୁର୍ ଇୟାୱାଜା ଉନ୍ଡ୍ରି ସାର୍ସୁ ପାଡ଼ୁଦି ୱାଜା, ଆମାକା ଅସି ଅରେନ୍ ଲୋକୁ ନିଜେଦି କିଡ଼ିଇଦୁ ୱିତ୍ତାନ୍ ୩୨ ଆକା ତୋ ୱିଜୁ ୱିତୁ ପାଡ଼୍କା ମାଣାନ୍ ଇସ୍ରିକାତ୍, ମାତର୍ ଆକା ପିରିତିଙ୍ଗ୍ ୱିଜୁ କୁସାଦି ମାଣ୍କୁ ପେରିକା ଆଜି ଇୟାୱାଜା ମାରାନ୍ ଆନାତ୍ ଜେ, ବାଦଡ଼୍ତି ପଟିଙ୍ଗ୍ ୱାଜି ତାନି କମେଆଙ୍ଗ୍ଁ ଜାଲୁ ତର୍ସି ବାସାନେ ।”
୩୩ ଜିସୁ ୱାରିଙ୍ଗ୍ ମାରିଉନ୍ଡ୍ରି କାତା ୱେର୍ସି ଇର୍ହାନ୍, “ମୁସ୍କୁପୁର୍ ଇୟାୱାଜା । ଅରେତ୍ ଆଇମା କାଣ୍ତେକ୍ କମିର୍ ଅସି ଆଡା ଅଟା ଗୁଣ୍ତାଦୁ ମିସାକିଜି ପିଡ଼ିକ୍ସି ଇଟ୍ତାତ୍ । ଟିକ୍ ସମୟ୍ତୁ ୱିଜୁ ଦୁର୍ ଗୁଣ୍ତା ଆବେ ମିସାଜି ଉଦ୍ଜି ନିଙ୍ଗିଁତାତ୍ ।”
୩୪ ଜିସୁ ଇୟାୱିଜୁ ମାଟା କାତାଦାନ୍ ଲୋକାଙ୍ଗ୍ ୱେର୍ସିମାର୍ହାନ୍, ମାରି କାତା ୱେର୍ଏଣ୍ତା ୱାନ୍ ୱାରିଙ୍ଗ୍ ଇନିକା ଇନ୍ଏଜିମାର୍ହାନ୍, ୩୫ ଏଣ୍ତେସ୍ ବାବବାଦି ମାଣାନ୍ ରାସାତି ଇୟା ବାକ୍ୟ ସତ୍ ଆନାତ୍,
୩୭ ଜିସୁ ଇର୍ହାନ୍, ଏମେ ଲୋକୁ ନେଗି ୱିତୁ ୱିତ୍ତାନ୍, ୱାନ୍ ମନୁସ୍ୟପୁତ୍ର । ୩୮ ଇୟା ଦୁନିଆ ଆଜିନାତ୍ କିଡ଼ିଇ । ଏମେକାର୍ ମୁସ୍କୁପୁର୍ତି ଅଦିକାରି, ୱାର୍ ନେଗି ୱିତୁ । ଗଲୁତକାଲାଟେଙ୍ଗ୍ ସୟତାନ୍ତି ୱାଲେ ବୁଲାନିକାର୍ । ୩୯ ଏମେ ସାତ୍ରୁ ଗଲୁତକା ଲାଟା ୱିତ୍ତାନ୍, ୱାନ୍ ସୟତାନ୍ । ପାସି ଉଣ୍ତାକିନି ସମୟ୍ ଆଜିନାତ୍ ୱିଜ୍ନି ଜୁଗ୍ । ପାସି କୟ୍ନିକାର୍ ଆଜିନାର୍ ମୁସ୍କୁପୁର୍ତି ଦୁତ୍କୁ । ୪୦ ଗଲୁତକା ଲାଟେଙ୍ଗ୍ ଏଣ୍ତେସ୍ ଉଡ୍ରେମାନୁ କିଜି ଆଡ଼୍କାଇଆତେ, ଜୁଗ୍ ୱିଜ୍ନିୱାଲେ ଆୟାୱାଜା ଆନାତ୍ । ୪୧ ମନୁସ୍ୟପୁତ୍ର ୱାନି ରାଜିଦାନ୍ ୱିଜୁ ତାଗ୍ଇ ପାଣିକିନିୱାରିଙ୍ଗ୍ ନି ଏମେକାର୍ ଆଇୱାରିଙ୍ଗ୍ ପାପ୍ କିବିସ୍ କିଦେଙ୍ଗ୍ ଉତ୍ନାର୍, ୱାରିଙ୍ଗ୍ ଉଣ୍ତାକିଦେଙ୍ଗ୍ ଇଜି ମୁସ୍କୁପୁର୍ତି ଦୁତ୍କାଙ୍ଗ୍ ପକ୍ନାନ୍ । ୪୨ ୱାର୍ ଇୟା ୱିଜେରିଙ୍ଗ୍ କାସ୍ନି ସିସୁଦୁ ପକ୍ନେ । ଆବେ ଇୟା ଲୋକୁ ଆଡ଼୍ବାନାର୍ ମାରି ପାଲ୍କୁ କାତ୍ରେ କିନାର୍ । ୪୩ ନାସ୍ତିୱାଲେ ମାପୁରୁଦି ଲୋକୁ ମୁସ୍କୁପୁର୍ତି ବୁବାମାନୁ ୱେଡ଼ାଦି ୱାଜା ଜାୟ୍ ଆନାର୍ । ଏମେୱାନିଙ୍ଗ୍ ୱେନ୍ଡ୍ରେଙ୍ଗ୍ ଗିତଣିଙ୍ଗ୍ମାନେ, ୱାନ୍ ୱେନିନ୍ ।
୫୨ ଜିସୁ ୱାରିଙ୍ଗ୍ ଇର୍ହାନ୍, “ଏମେ ଇଲୁଦି ମାଲିକ୍ ନିଜେଦି ଗୁଦାମ୍ତାନ୍ ପୁନିକା ନି ପାଡ଼ିଇ ଜିନିସ୍ ସପ୍ନାନ୍, ଦାର୍ମୁଗୁରୁ ଏନ୍ ମୁସ୍କୁପୁର୍ତୁ ସିସୁଆତାମାନାନ୍ ୱାନ୍ ଇୟାୱାଜା ।”
୫୩ ଜିସୁ ଇୟାୱିଜୁ କାତା ୱିସ୍ତି ୱେନ୍କା ଆୟା ବାଡିଦାନ୍ ସର୍ହାନ୍ । ୫୪ ମାରି, ଜିସୁ ନିଜେଦି ବୁବାସି ଗାଡ଼୍ତୁ ୱାଜି ଲୋକାଙ୍ଗ୍ ୱାରି ପାର୍ତନା କିନି ଇଲୁଦୁ ଇୟାୱାଜା ସିକିୟା ସିତାନ୍ ଜେ, ୱାର୍ କାବାଆଜି ଇର୍ହାର୍, “ଇୟାୱାଜା ବୁଦି ମାରି ସାକ୍ତିଦି ପାଣି ଏମେଣ୍କୁ ପୟ୍ତାନ୍ ?” ୱାର୍ ୱେନ୍ବାତାର୍, “ଇୟା କାବାଆନିପାଣିଦି ବିସୟ୍ତାନ୍ ଇନିକା ?” ୫୫ ଇକାନ୍ ଇନିକା ଆୟା ବାଡ଼େଇତି ମାରିନ୍ ଆଏନ୍ ? ମରିୟମ୍ ଇନିକା ତାମେ ଆଇସି ଆଏତ୍ ? ଜାକୁବ, ଜସେପ୍, ସିମୋନ୍ ନି ଜିହୁଦା ଇନିକା ୱାନି ତଡ଼ାନ୍କୁ ଆଏର୍ ? ୫୬ ୱାନି ତାଙ୍ଗିଁକ୍ ଇନିକା ଇବେ ବାସାଉ ? ଇୟାୱିଜୁ ବୁଦି ନି ସାକ୍ତି ୱାନ୍ ପୟ୍ତାନ୍ ଏମେଣ୍କୁ ? ୫୭ [d]ଇକା ଇଜି ୱାର୍ ଜିସୁଙ୍ଗୁଁ ମାନାଏତାର୍ ।