୪ ମାରି, ୱାନ୍ ୱାନିଙ୍ଗ୍ ଆସ୍ସି ନେଗେଣ୍ତ୍ କିତାନ୍ ମାରି ୱାନିଙ୍ଗ୍ ୱାନି ଇନ୍ଡ୍ର ପୋକ୍ତାନ୍ । ୫ [a]ମାରି, ୱାନ୍ ୱାରିଙ୍ଗ୍ ଇର୍ଆନ୍, “ମି ଲୋଇ ଏନ୍ ନିଜେଦି ମାରିନ୍ ବା ଡ଼ାନ୍ କୁଇଁଦୁ ଆର୍ତିଙ୍ଗ୍ ଇନିକା ୱାନିଙ୍ଗ୍ ରମ୍ନିନାଣ୍ତିଙ୍ଗ୍ ଆୟାଦାପ୍ରେ ନିକ୍ଏନ୍ ନୋ ?”
୬ ମାରି, ୱାର୍ ଇୟାୱିଜୁ ମାଟାଦି ଇନି ଉତର୍ ସିଦେଙ୍ଗ୍ ଆଟ୍ଏତାର୍ ।
୧୨ ମାରି, ୱାନ୍ କୁକ୍ତି ମାର୍ଇ ଲୋକାଙ୍ଗ୍ ବା ଇର୍ଆନ୍, “ୱେଡ଼େ ବା ନାଡ଼ା ବୋଜି ସିତିଙ୍ଗ୍ ମି ତଡ଼୍ କି ଦାଦା କି ନିଜେଦି ଲୋକାଙ୍ଗ୍ କି ମାଜନ୍ତି ମି ଲାକ୍ତୁରି ଲୋକାଙ୍ଗ୍ କୁକ୍ମାଟ୍, ଏସ୍ତିୱାଲେ ୱାନ୍ ବା ମିଙ୍ଗିଁ ଡ଼େସି କୁକ୍ନାର୍ ମାରି ଡ଼େପ୍ନାସିନାର୍ । ୧୩ ମାତର୍ ବୋଜି କିତିଙ୍ଗ୍ କାକୁର୍ତି ଲୋକାଙ୍ଗ୍, ଇରାଜିବୁଲାନିୱାରିଙ୍ଗ୍, ସଟାରିଙ୍ଗ୍ ମାରି କାଣା ଲୋକାଙ୍ଗ୍ କୁକ୍ତୁ; ୧୪ ଆତିଙ୍ଗ୍ ମିର୍ ଦନ୍ୟ ଆନିଦେର୍, ଇରିଙ୍ଗ୍ ମିଙ୍ଗିଁ ଡ଼େସି ସିଦେଙ୍ଗ୍ ଇଜି ତାମେମାନୁ ଇନିକା ସିଲେତ୍; ମାରି, ଦାର୍ମୁ ଲୋକୁ ମାରିଡ଼େସି ନିଙ୍ଗ୍ନିୱାଲେ ମିଙ୍ଗିଁ ପୁରସ୍କାର୍ ପୁଟ୍ନାତ୍ ।”
୧୫ ଆକା ୱେନ୍ଜି ଜିସୁୱାଲେ ଉଣ୍ତେଙ୍ଗ୍ ବାସ୍ତି ମାର୍ରି ଲୋକା ଲୋଇ ଅରେନ୍ ୱାନିଙ୍ଗ୍ ଇର୍ଆନ୍, “ଆମା ଲୋକୁ ମାପୁରୁଦି ରାଜିଦୁ ଉଣ୍ତେଙ୍ଗ୍ ବାସ୍ନାନ୍, ୱାନ୍ ଦନ୍ୟ ।”
୧୬ ମାତର୍ ଜିସୁ ୱାନିଙ୍ଗ୍ ଇର୍ଆନ୍, ଅରେନ୍ ଲୋକୁ ଉଣ୍ତ୍ରି ପେରି ବୋଜି ସିଦେଙ୍ଗ୍ ବଦାକିଜି ନାଣ୍ତ ଲୋକାଙ୍ଗ୍ କୁକିସ୍ତାନ୍; ୧୭ ମାରି, ବୋଜି ଉଣି ସମୟ ଇଗା ୱାତାତ୍ଆକା, କୁକ୍ତି ମାର୍ଇ ଲୋକାମାନୁ ୱାନି ପାଣିକିନି ୱାନି ପୋକ୍ସି କୁକ୍ସୋ ତାତେଙ୍ଗ୍ ଇର୍ଆନ୍, ଇରିଙ୍ଗ୍ ବୋଜିୱିଜୁ ୱାର୍ତା ୱିସ୍ତାମାର୍ଆର୍ । ୧୮ ମାତର୍ ୱିଜେରେ ଅର୍ସେ ଇନ୍ଡ୍ରେଙ୍ଗ୍ ଆସ୍ତାର୍ । ପାର୍ତୁମ୍ ଅରେନ୍ ଇର୍ଆନ୍, ନାନ୍ କାଣ୍ତେକ୍ ବୁମି କଟାମାନା, ଆକା ନାଙ୍ଗିଁ ସୁଡ଼ୁନିକା ମାନାତ୍; ନାନ୍ ମାଡ଼ିସ୍ କିଜିନା, ନିନ୍ ନାଙ୍ଗିଁ ଡ଼ିସ୍ସିତିମାନି ଇଜି ଅଡ଼୍ବିଜିନା । ୧୯ ମାରି ଅରେନ୍ ଇର୍ଆନ୍, ନାନ୍ ପାସ୍ଗୋଟା ସେର୍କୁ ଡ଼ାକ୍ କୋଟାମାନା, ମାରି ନାନ୍ ୱାନିକାଙ୍ଗ୍ ମିତେଙ୍ଗ୍ ସଲ୍ସିନା; ମାଡ଼ିସ୍ କିଜିନା, ନିନ୍ ନାଙ୍ଗିଁ ଡ଼ିସ୍ସିତିମାନି ଇଜି ଅଡ଼୍ବିଜିନା । ୨୦ ମାରି ଆଇକାନ୍ ଇର୍ଆନ୍, ନାନ୍ ପୁନା ପେଡ଼ି ଆତାମାନା, ଆଦେଙ୍ଗ୍ ୱାଦେଙ୍ଗ୍ ଆଟ୍ଏ ।
୨୧ ମାରି, ଆୟା ଗତିମୁରୁଲି ୱାଜି ୱାନି ମାଲିକ୍ତିଙ୍ଗ୍ ଆୟାୱିଜୁ ଇର୍ଆନ୍, ଆବେଟ୍ ଆୟା ଇଲୁଦି ମାଲିକ୍ ରିସା ଆତାନୋ ୱାନି ଗତିମୁରୁଲିଙ୍ଗ୍ ଇର୍ଆନ୍, ବେଗି ଗାଡ଼ାକା ଦୁଆର୍କାଙ୍ଗ୍ ମାରି ସାକ୍ଡ଼ି ସାକ୍ଡ଼ି ସଲ୍ସି କାକୁର୍ତି ଲୋକାଙ୍ଗ୍, ଇରାଜିବୁଲାନିୱାରିଙ୍ଗ୍, କାଣାରିଙ୍ଗ୍ ମାରି ସଟାରିଙ୍ଗ୍ ଇବେ କୁକ୍ସୋ ତାଗା । ୨୨ ୱେନ୍କା ଆୟା ଗତିମୁରୁଲି ଇର୍ଆନ୍, ଏ ମାଲିକ୍, ନି ବଦାଦାନ୍ କିତାମାନା, ମାତର୍ ମାରି ବାଡି ମାନାତ୍ । ୨୩ ଆବେଟ୍ ମାଲିକ୍ ଆୟା ସାକର୍ତିଙ୍ଗ୍ ଇର୍ଆନ୍, ପେରି ଦୁଆର୍କାଙ୍ଗ୍ ମାରି କନା ମୁଲାଦୁ ସଲ୍ସି, ନା ଇଲ୍ତୁ ଲୋକୁ ଏଣ୍ତେସ୍ ବର୍ତି ଆନାର୍, ଆୟା ଉଣ୍ତିଙ୍ଗ୍ ଲୋକୁ ୱାଦେଙ୍ଗ୍ ଇନ୍ଡ୍ରୁ । ୨୪ ଏଣ୍ତେସ୍ ମିଙ୍ଗିଁ ନାନ୍ ଇଜିନା, ଆୟା କୁକ୍ତିମାର୍ଇ ଲୋକା ଲୋଇ ଏର୍ବା ନାନ୍ ବୋଜି କିତିମାନୁ ଉଣ୍ତେଙ୍ଗ୍ ଆଟ୍ଏର୍ ।
୨୫ ଅର୍ଲେନ୍ ନାଣ୍ତ ଲୋକୁ ଜିସୁୱାଲେ ସଲ୍ସିମାର୍ଆର୍, ମାରି ୱାନ୍ ୱେନ୍କା ମାର୍ଜିବେସ୍ସି ୱାରିଙ୍ଗ୍ ଇର୍ଆନ୍, ୨୬ [c]ଜଦି ଅରେନ୍ ଲୋକୁ ନା ଲାକ୍ତୁ ୱାଜି, ମାତର୍ ୱାନ୍ ଜଦି ନାଙ୍ଗିଁ ଡ଼ିସ୍ସି ନିଜେଦି ବୁବା ୟାୟାଏଙ୍ଗ୍, ଆଡ଼ିସିଙ୍ଗ୍, କଡ଼ରିଙ୍ଗ୍, ତାଙ୍ଗିଁ ତଡ଼ାନ୍କାଙ୍ଗ୍ ମାରି ଏଣ୍ତେସ୍ ନିଜେଦି ଜିବନ୍ତିଙ୍ଗ୍ ବା ନାଣ୍ତ ଜିବନ୍ନୋନାନ୍, ୱାନ୍ ନା ସିସୁ ଆଦେଙ୍ଗ୍ ଆଟ୍ଏନ୍ । ୨୭ [d]ଏନ୍ ଜଦି ନିଜେଦି କ୍ରୁସ ପିଣ୍ତ୍ଜି ନା ୱେନ୍କା ରେଏନ୍, ୱାନ୍ ନା ସିସୁ ଆଦେଙ୍ଗ୍ ଆଟ୍ଏନ୍ ।
୨୮ ଇରିଙ୍ଗ୍ ମି ଲୋଇ ଏନ୍ କାପ୍କିନି ଇଲୁ ତିଆର୍ କିଦେଙ୍ଗ୍ ବଦାକିଜି ଆକା ୱିସ୍ତେଙ୍ଗ୍ ଇଜି ୱାନିମାନୁ ଡାବୁଙ୍ଗୁଁ ମାନେ ନୋ ସିଲୁ, ଇକା ପାର୍ତୁମ୍ ବାସ୍ସ ଏସୋ ଡାବୁଙ୍ଗୁଁ ତାକ୍ନେ ଲେକିସ୍ କିଏନ୍ ନୋ ? ୨୯ ଆନାତ୍ ୱାନ୍ କୁନାଦି ପୋକ୍ସି ୱିସ୍ତେଙ୍ଗ୍ ଜଦି ଆଟ୍ଏନ୍, ଲୋକୁ ଆକା ସୁଣାର୍, ୱିଜେରେ ୱାନିଙ୍ଗ୍ ସେମାର୍ କିଜି ଇନ୍ଡ୍ରେଙ୍ଗ୍ ଆସ୍ନାର୍, ୩୦ ଇୟାକାନ୍ ତିଆର୍ କିଦେଙ୍ଗ୍ ଆରାମ୍ କିଜି ମାତର୍ ୱିସ୍ତେଙ୍ଗ୍ ଆଟ୍ଏତାନ୍ ।
୩୧ ମାରି ଏମେ ରାଜା ଆଇ ଅରେନ୍ ରାଜାୱାଲେ ଜୁଦ୍ କିଦେଙ୍ଗ୍ ସନିୱାଲେ, ଦାସ୍ ହାଜାର୍ ସନ୍ୟରିଙ୍ଗ୍ ଆସ୍ସି, ୱାନି ବିରଦ୍ତାନ୍ ୱାଜିମାନି କଡ଼େ ହାଜାର୍ ସନ୍ୟରିଙ୍ଗ୍ ଅସି ଜୁଦ୍ କିଦେଙ୍ଗ୍ ୱାଜିମାନି ରାଜାୱାଲେ ଜୁଦ୍ କିଦେଙ୍ଗ୍ ଆଟ୍ନାନ୍ ନୋ ଆଟ୍ଏନ୍, ଆକା ଆଗ୍ଡ଼ିନେ ଅଡ଼୍ବିଏନ୍ ନୋ ? ୩୨ ଜଦି ଆଟ୍ଏନ୍, ଆଇ ରାଜା ଆକ ମାନ୍ବୁନେ ୱାନ୍ ୱାନି ଲୋକାଙ୍ଗ୍ ପୋକ୍ସି ଆୟା ରାଜାୱାଲେ ସାନ୍ତି କିନାନ୍ । ୩୩ ଆୟାୱାଜା ମି ଲୋଇ ଏନ୍ ଜଦି ନିଜେଦି ୱିଜୁ ଡ଼ିସ୍ଏନ୍, ୱାନ୍ ନା ସିସୁ ଆଦେଙ୍ଗ୍ ଆଟ୍ଏନ୍ ।
୩୪ ସର୍ ତୋ ନେଗିକା; ମାତର୍ ସର୍ ଜଦି ତାନି କାରିୟା ଆନିକା ସିଲେତ୍ଆନାତ୍, ଆରିଙ୍ଗ୍ ଆକା ଆମାନ୍ ବା କାରିୟା କିଦେଙ୍ଗ୍ ଆଟ୍ଏତ୍ । ୩୫ ତେନିଙ୍ଗ୍ ମିର୍ ଇୟାୱାଜା ବୁମିଦି ଉଣ୍ତିଙ୍ଗ୍ ବା ଗାତାମ୍ କିଦେଙ୍ଗ୍ ଆଟ୍ଇଦେର୍ । ଲୋକୁ ଆକା ଆତ୍ରେ ପୋକ୍ନାର୍ । ଆମାୱାନିଙ୍ଗ୍ ୱେନ୍ଡ୍ରେଙ୍ଗ୍ ଗିତଣିଙ୍ଗ୍ମାନେ, ୱାନ୍ ୱେନିନ୍ ।
<- ଲୁକ 13ଲୁକ 15 ->