୯ ନାସ୍ତିୱାଲେ ନାଣ୍ତ ଜିହୁଦି ଲୋକୁ ଜିସୁ ବେତନିଆଦୁ ମାନାନ୍‌ ଇଜି ନେସ୍‌ତେଙ୍ଗ୍‌ ଆଟ୍‍ସି ଆବ୍‍କା ଜିସୁଦି ଉଣ୍ତିଙ୍ଗ୍‌ ସିଲେ, ମାତର୍‌ ଏମେ ଲାଜାର୍‌ତିଙ୍ଗ୍‌ ୱାନ୍‌ ସାତିମାଣାନ୍‌ ନିକ୍‍ତାମାର୍ହାନ୍‍, ୱାନିଙ୍ଗ୍‌ ସୁଡ଼ୁଦେଙ୍ଗ୍‍ ବା ୱାତାର୍‌ । ୧୦ ମାତର୍‌ ଲାଜାର୍‌ତିଙ୍ଗ୍‌ ବା ଡାକ୍‌ତେଙ୍ଗ୍‍ଁ ଇଜି ପେରି ଜାଜକର୍‌ ଉପାୟ୍‌ କିତାର୍‍, ୧୧ ଇରିଙ୍ଗ୍‌ ୱାନି ଉଣ୍ତିଙ୍ଗ୍‌ ଜିହୁଦିର୍‌ ଲୋଇ ନାଣ୍ତ ଲୋକୁ ୱାରିଙ୍ଗ୍‌ ଡ଼ିସ୍‍ସିମାର୍ହାର୍‍ ମାରି ଜିସୁମାନୁ ସଲ୍‌ସି ବିସ୍‌ବାସ୍‌ କିଜିମାର୍ହାର୍‍ ।

୨୦ ପଣ୍ତୟ୍‌ ସମୟ୍‍ତୁ ଉପାସନା କିଦେଙ୍ଗ୍‌ ଇଜି ଜିରୁସାଲାମ୍‍ତୁ ୱାତି ମାର୍‍ଇ ଲୋକା ଲୋଇ ଏସୋ ଗ୍ରିକ୍‌ ଲୋକୁ ମାର୍ହାର୍‌ । ୨୧ ୱାର୍‌ ଗାଲିଲିଦି ବେତ୍‍ସାଇଦାଦୁ ତେବାନି ପିଲିପ୍‌ତି ଲାକ୍‌ତୁ ୱାଜି ୱାନିଙ୍ଗ୍‌ ମାଡ଼ିସ୍‌ କିଜି ଇର୍ହାର୍‌, “ଆଜ୍ଞା, ଜିସୁଙ୍ଗୁଁ ସୁଡ଼ୁଦେଙ୍ଗ୍‍ ମା ବଦା ।”

୨୨ ପିଲିପ୍‌ ସଲ୍‌ସି ଆନ୍ଦ୍ରିୟତିଙ୍ଗ୍‍ ଇର୍ହାନ୍‌, ମାରି ଆନ୍ଦ୍ରିୟ ନି ପିଲିପ୍‌ ସଲସି ଜିସୁଙ୍ଗୁଁ ଇର୍ହାର୍‌ । ୨୩ ଜିସୁ ୱାରିଙ୍ଗ୍‌ ଇର୍ହାନ୍‌, ମନୁସ୍ୟପୁତ୍ର ଦନ୍ୟବାଦ୍‌ ପୟ୍‌ଦେଙ୍ଗ୍‌ ଇଜି ସମୟ ଇଗା ୱାତାମାନାତ୍‌ । ୨୪ ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଗଦ୍‍ମୁପାଡ଼ୁ ଜଦି ସିକ୍‌ଲାଦୁ ଆର୍‍ଜି ସାଏତ୍‌, ଆରିଙ୍ଗ୍‌ ଆକା ଉଡ୍ରେନେ ତେବାନାତ୍‍, ମାତର୍‌ ଜଦି ସାନାତ୍‍, ନାଣ୍ତ ପାଡ଼ୁ ଆସ୍‍ନାତ୍‍ । ୨୫ [b]ଏନ୍‌ ନିଜେଦି ଜିବନ୍‌ତିଙ୍ଗ୍‌ ନାଣ୍ତ ଜିବନ୍‍ନୋନାନ୍‍, ୱାନ୍‌ ଆକା ଆରାକିନାନ୍‌, ମାରି ଏନ୍‌ ନିଜେଦି ଜିବନ୍‌ତିଙ୍ଗ୍‌ ଇୟା ଦୁନିଆଦୁ କାଡ଼୍‍ନାନ୍‍, ୱାନ୍‌ ଆକା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‌ ରକିୟା କିନାନ୍‌ । ୨୬ ଏନ୍‌ ନା ସେବା କିଦେଙ୍ଗ୍‌ ବଦାକିନାନ୍‌, ଆରିଙ୍ଗ୍‌ ୱାନ୍‌ ନା ୱାଲେ ରାପିନ୍‍; ମାରି; ନାନ୍ ଏମେନ୍‍ ମାନା, ନା ସେବାକିନିକାନ୍‍ ବା ଆବେ ତେବାନାନ୍‌; ଏନ୍‌ ଏସାଙ୍ଗ୍‍ ନା ସେବା କିନାନ୍‌, ଆରିଙ୍ଗ୍‌ ନା ବୁବା ୱାନିଙ୍ଗ୍‌ ମାନାନାନ୍‍ ।

୨୭ ଇଲେଇ ନା ଜିବନ୍‌ ଦୁକ୍‍ଦୁକ୍‍ ଆଜିନାତ୍‍, ମାରି ନାନ୍ ଇନିକା କିନା ? ବୁବା, ନାଙ୍ଗିଁ ଇୟା ସମୟ୍‌ତାନ୍‌ ରକିୟା କିଆ ? ମାତର୍‌ ଇୟାଉଣ୍ତିଙ୍ଗ୍‌ ତୋ ନାନ୍ ୱାତାମାନା । ଏଣ୍ତେସ୍‌ ଦୁକ୍‍ବଗାନି ସମୟକୁ କାସ୍ଟୁ ଆଦେଙ୍ଗ୍‍ ପକାତାମାନା । ୨୮ “ବୁବା, ନିନ୍‌ ଦର୍‌ ଦନ୍ୟବାଦ୍‌ କିଆ । ଆବେଟ୍‌ ବାଦଡ଼ତାନ୍‍ ଇୟା ବଲ୍ ୱାତାତ୍‍ ମାପ୍‌ ଆକା ମହିମାନିତ କିତାମାନାପ୍‍, ମାରିଡ଼େସି ମହିମାନିତ କିନାପ୍‍ ।”

୨୯ ଆଦେଙ୍ଗ୍‌ ଲାକ୍‌ତୁ ନିର୍‍ଇ ମାର୍‍ଇ ଲୋକୁ ୱିଜେରେ ଇକା ୱେନ୍‌ଜି ବାଦଡ଼୍‍ ଡିଡ଼ିତାତ୍‍ ଇଜି ଇର୍ହାର୍‌; ଆଇକାର୍‌ ଇର୍ହାର୍‌, “ଅରେନ୍‍ ଦୁତ୍‍ ୱେନିଙ୍ଗ୍‌ ମାଟା ଇର୍ହାମାନାନ୍‌ ।”

୩୦ ଜିସୁ ୱାରିଙ୍ଗ୍‌ ଇର୍ହାନ୍‌, ନା ଉଣ୍ତିଙ୍ଗ୍‌ ଇୟା ବଲ୍ ଆଏତ୍‍, ମାତର୍‌ ମି ଉଣ୍ତିଙ୍ଗ୍‌ ଆତାମାନାତ୍‌ । ୩୧ ଇଲେଇ ଇୟା ଦୁନିଆଦୁ ବିସାର୍‌ ଇଗା ୱାତାତ୍‍; ଇଲେଇ ଇୟା ଦୁନିଆଦି ବିସାର୍‍ପତିଙ୍ଗ୍‌ ଆତ୍‌ରେ ପକାନାନ୍‍ । ୩୨ ମାରି, ନାନ୍ ଏସ୍ତିୱାଲେ ଦୁନିଆଦାନ୍‌ ମୁସ୍‌କୁ ପେରାଇଆନା, ନାସ୍ତିୱାଲେ ୱିଜେରିଙ୍ଗ୍‌ ଟାଣିସ୍‍ କିନା । ୩୩ ୱାନ୍‌ ଏଣ୍ତେସ୍‌ ସାଦେଙ୍ଗ୍‌ ସଲ୍‌ସିନାନ୍‌, ଆୟା ସିନା ସିଜି ଇକା ଇର୍ହାନ୍‌ ।

୩୪ ଆବେଟ୍‌ ଲୋକୁ ୱିଜେରେ ଇର୍ହାର୍‌, “ମସିହ ୱିଜୁଦିନ୍‌ ତେବାନାନ୍‌ ଇଜି ନିୟମ୍‍ତାନ୍‍ ମାପ୍‌ ୱେର୍‍ଆମାନାପ୍‍, ଆରିଙ୍ଗ୍‌ ମନୁସ୍ୟପୁତ୍ର ମୁସ୍‌କୁ ପେରାନାନ୍‌ ଇଜି ମିର୍‌ ଏଣ୍ତେସ୍‌ ଇଜିନିଦେର୍‌ ? ଇୟା ମନୁସ୍ୟପୁତ୍ର ଏନ୍‌ ?”

୩୫ ଆବେଟ୍‌ ଜିସୁ ୱାରିଙ୍ଗ୍‌ ଇର୍ହାନ୍‌, “ମାରି ଅଡ଼ପ୍‍ ସମୟ ମାତର୍‌ ଜାୟ୍‌ ମିବାନୁ ମାନାତ୍‌ । ସିକାଟି ଏଣ୍ତେସ୍‌ ମି ଡ଼ିଙ୍ଗ୍‍ଏତ୍‍, ଇୟାଉଣ୍ତିଙ୍ଗ୍‌ ମି ଲାକ୍‌ତୁ ଜାୟ୍‌ ମାନାପ୍ ମାନାପ୍ ବୁଲାସାଲା କିଦୁ; ଏନ୍‌ ସିକାଟିଦୁ ବୁଲାସାଲା କିନାନ୍‌, ୱାନ୍‌ ଏମେ ସଲ୍‌ସିନାନ୍‌, ଆକା ୱାନ୍‌ ନେସ୍‌ଏପ୍‌ । ୩୬ ମିର୍‌ ଏଣ୍ତେସ୍‌ ଜାୟ୍‍ତି କଡ଼ର୍‌ ଆଦୁ, ଆୟାଉଣ୍ତିଙ୍ଗ୍‌ ଜାୟ୍‌ ମି ଲାକ୍‌ତୁ ମାନାପ୍ ମାନାପ୍ ଜାୟ୍‍ତୁ ବିସ୍‌ବାସ୍‌ କିଦୁ । ଜିସୁ ଇୟାୱିଜୁ ମାଟା ଇନ୍‌ଜି ୱାରିମାଣାନ୍‌ ସଲ୍‌ସି ମାର୍‍ଗିଜି ତେବାତାନ୍‌ ।”

୩୭ ଜଦିବା ଜିସୁ ତାମେ ଆଗ୍‌ଡ଼ି ନିସା କାବାଆନି ପାଣି କିତାମାର୍ହାନ୍‌, ଆବେବା ୱାର୍‌ ୱାନିବାନୁ ବିସ୍‌ବାସ୍‌ କିଏତାର୍‌, ୩୮ ଏଣ୍ତେସ୍‌ ଜିସାଇୟ ବାବବାଦି ମାଣ୍‌କୁ ରାସାତି ବାକ୍ୟ ସତ୍‌ ଆନାତ୍‌ ।

୪୪ ଜିସୁ ଆଉଲି ଆଜି ଇର୍ହାନ୍‌, “ଏନ୍‌ ନାବାନ୍‍ ବିସ୍‌ବାସ୍‌ କିନାନ୍‌, ୱାନ୍‌ କେବଲ୍‌ ନାବାନ୍‍ ବିସ୍‌ବାସ୍‌ କିଏନ୍‍, ମାତର୍‌ ନା ପକ୍‍ତିୱାନିମାନୁ ବିସ୍‌ବାସ୍‌ କିନାନ୍‌ । ୪୫ ମାରି, ଏନ୍‌ ନାଙ୍ଗିଁ ସୁଡ଼ୁତାମାନାନ୍‌, ୱାନ୍‌ ନାଙ୍ଗିଁ ପକ୍‍ତିୱାନିଙ୍ଗ୍‍ ସୁଡ଼ୁତାମାନାନ୍‌ । ୪୬ ଇୟାଉଣ୍ତିଙ୍ଗ୍‌ ନାନ୍ ଦୁନିଆଦି ଜାୟ୍‍ଆଜି ୱାତାମାନା, ଏନ୍‌ ନାବାନ୍‍ ବିସ୍‌ବାସ୍‌ କିନାନ୍, ୱାନ୍‌ ଏଣ୍ତେସ୍‌ ସିକାଟିଦୁ ବାସାଏନ୍‍ । ୪୭ ଏନ୍‌ ଜଦି ନା ବାକ୍ୟ ୱେନ୍‌ଜି ମାନାଏନ୍‌, ଆରିଙ୍ଗ୍‌ ନାନ୍ ୱାନି ବିସାର୍‌ କିଏ; ଇରିଙ୍ଗ୍‌ ନାନ୍ ଦୁନିଆଦି ବିସାର୍‌ କିଦେଙ୍ଗ୍‍ ରେଏନ୍‍ଣ୍ତା ମାତର୍‌ ଦୁନିଆଦିଙ୍ଗ୍‍ ରକିୟା କିଦେଙ୍ଗ୍‌ ୱାତାମାନା । ୪୮ ଏନ୍‌ ନାଙ୍ଗିଁ ଡ଼ିସ୍‌ସି ନା ମାଟା ମାନାଏନ୍‌, ନା ୱେୟୁଦି ବାକ୍ୟ ୱାନି ବିସାର୍‍କିନିକାତ୍‍ ଆନାତ୍‌ । ଆୟା ବାକ୍ୟ ୱିଜ୍‍ନି ଦିନ୍‍ତୁ ୱାନି ବିସାର୍‌ କିନାତ୍‌ । ୪୯ ଇୟା ମାଟା ସତ୍‌, ଇରିଙ୍ଗ୍‌ ନାନ୍ ନା ନିଜେଦି ଅଦିକାର୍‍ତାନ୍‍ ଇନିକା ଇନ୍‌ଏ, ମାତର୍‌ ନାନ୍ ଇନିକା ଇନା ମାରି ଇନିକା ୱେକ୍‍ନା, ଆକା ନାଙ୍ଗିଁ ପକ୍‍ତିମାନି ବୁବା ନାଙ୍ଗିଁ ମାଟା ସିତାମାନାନ୍‌ । ୫୦ ମାରି ନାନ୍ ନେସ୍‌ନା, ୱାନି ଆଦେସ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‌ । ନା ବୁବା ନାଙ୍ଗିଁ ଆମାକା ଇନ୍‌ଡ୍ରେଙ୍ଗ୍‌ ଆଦେସ୍‌ ସିତାମାନାନ୍‌, କେବଲ୍‌ ନାସ ନାନ୍ ଇଜିନା ।”

<- ଜୋହନ 11ଜୋହନ 13 ->