୭ ଆବେଟାନ୍ କାଣ୍ତେକ୍ ଆକ ଦ୍ୱୀପ ବାଡିଦି ପେରି ପାଣିକିନିକାନ୍ ପବ୍ଳିୟତି ଇଲୁ ନି କିଡ଼ିଇ ମାର୍ହାତ୍ । ୱାନ୍ ମାଙ୍ଗିଁ କୁକ୍ତାନ୍ ମାରି ମାପ୍ ମୁନେନ୍ ସାନ୍ଦି ତାମେମାନୁ ତେବାତାପ୍ । ୮ ପବ୍ଳିୟସ୍ତି ବୁବାସି ନବ୍ ନି ଆମାସୟ୍ ରୋଗ୍ ଆତାମାର୍ହାନ୍ । ପାଉଲ ୱାନି ବାକ୍ରାଦୁ ସର୍ହାନ୍, ୱାନି ଉଣ୍ତିଙ୍ଗ୍ଁ ପାର୍ତନା କିଜି ୱାନି ମୁସ୍କୁ କିୟୁ ଇଡ୍ଜି ୱାନିଙ୍ଗ୍ଁ ନେଗେନ୍ କିତାନ୍ । ୯ ଇୟା ଗଟନା ୱେନ୍କା ଦିପଦି ରୋଗିଲୋକ୍ ୱିଜେରେ ପାଉଲ ଲାକ୍ତୁ ୱାଜି ନେଗେନ୍ ଆତାର୍ । ୧୦ ୱାର୍ ମାଙ୍ଗିଁ ନାଣ୍ତ ସାହାଜ୍ୟ ସିତାର୍ ମାରି ମାପ୍ ଆବେଟାନ୍ ଜାହାଜ୍ତୁ ବାସ୍ସି ସନିୱାଲେ ମା ସନି ଉଣ୍ତିଙ୍ଗ୍ଁ ଦର୍କାରି ମାନି ୱିଜୁ ୱାର୍ ତାସି ଜାହାଜ୍ତୁ ଇଟ୍ତା ସିତାର୍ ।
୧୭ ମୁନେଟି ୱେନ୍କା ପାଉଲ ଲାକ୍ତୁରି ଜିହୁଦି ନେତାରିଙ୍ଗ୍ଁ ଉନ୍ଣ୍ତ୍ରି ମିଟିଙ୍ଗ୍ଁ ମିସାଦେଙ୍ଗ୍ଁ ଇଜି କୁକ୍ତାର୍ । ୱାର୍ ଉଣ୍ତାତାର୍ଆକା ପାଉଲ ୱାରିଙ୍ଗ୍ଁ ଇର୍ହାନ୍ : “ଇସ୍ରାଏଲ୍ତି ତଡ଼ାନ୍କୁ, ମା ଲୋକା ବିରଦ୍ତାନ୍ ମାରି ମା ଡକ୍ରାଦାଦାରି ମାଣାନ୍ ମାପ୍ ପୟ୍ତିମାନି ରିତିନିତି ବିରଦ୍ତାନ୍ ନାନ୍ ଇନିକା କିଏତିଙ୍ଗ୍ଁ ବା, ଜିରୁସାଲାମ୍ତୁ ନାନ୍ ତରାୟ୍ଆଜି ରୋମିୟରି କିୟୁଦୁ ସର୍ପେ ଆତାମାନା । ୧୮ ନାଙ୍ଗିଁ ୱେନ୍ବାତି ୱେନ୍କା ସାନି ଉଣ୍ତିଙ୍ଗ୍ଁ ନାନ୍ ଇନି ଦସ୍ କିଏ ଇଜି ନେସ୍ତେଙ୍ଗ୍ଁ ଆଟ୍ସି ରୋମିୟ ଲୋକୁ ନାଙ୍ଗିଁ ଡ଼ିସିସ୍କିଜି ସିଦେଙ୍ଗ୍ ବଦାକିତାମାର୍ହାର୍ । ୧୯ [a]ମାତର୍ ଜିହୁଦି ଲୋକୁ ତେନି ବିରୁଦ୍କିତାର୍ଆକା, ନିଜେଦି ଲୋକା ବିରଦ୍ତାନ୍ ନା ଇନି ଦସ୍ ସିଲେତିଙ୍ଗ୍ ବା, ନାନ୍ ସମ୍ରାଟ୍ତିଙ୍ଗ୍ଁ ମାଡ଼ିସ୍ କିଦେଙ୍ଗ୍ଁ ରାଜି ଆତା । ୨୦ ଆୟାଉଣ୍ତିଙ୍ଗ୍ ଇୟା ବିସୟ୍ତାନ୍ ୱାର୍ଗିଜି ସାଦେଙ୍ଗ୍ଁ ନାନ୍ ମିଙ୍ଗିଁ କୁକିସ୍କିତାମାନା । ସତ୍ତାନ୍, ଆମାୱାନି ମୁସ୍କୁ ଇସ୍ରାଏଲ୍ତି ଲୋକୁ ଆସା କିତାମାନାର୍, ୱାରି ଉଣ୍ତିଙ୍ଗ୍ଁ ନାନ୍ ସିକ୍ଣି ଦାନ୍ ତରାତାମାନା ।”
୨୧ ୱାର୍ ୱାନିଙ୍ଗ୍ ଇର୍ହାର୍, “ମାପ୍ ଜିହୁଦା ଦେସ୍ତାନ୍ ନି ବିସୟ୍ତାନ୍ ଇନି ସିଟିଆକୁ ପୟ୍ଏପ୍, କିନି କାବୁର୍ ଅସି ମାରି ନି ବିସୟ୍ତାନ୍ ଇନି ଦସ୍ କିଜି ଇନ୍ଡ୍ରେଙ୍ଗ୍ଁ ମା ତଡ଼ାନ୍କା ଲୋଇରାନ୍ ଏନ୍ ଇବେ ରେଏନ୍ । ୨୨ ଆୟା ଆମାକାଆପିତ୍, ମାପ୍ ନି ମାଟା ୱେନ୍ଡ୍ରେଙ୍ଗ୍ଁ ବଦାକିନାପ୍, ଇରିଙ୍ଗ୍ଁ ମାପ୍ ନେସ୍ନାପ୍ ୱିଜୁ ଲୋକୁ ନି ଦଲ୍ ବିରଦ୍ତାନ୍ ମାଟା ଇଜିନାର୍ ।”
୨୩ ୱାର୍ ଉନ୍ଣ୍ତ୍ରି ଦିନ୍ ତିଆର୍ କିଜି ମାରି ୱାରି ଲୋଇ ନାଣ୍ତ ଲୋକୁ ଆୟାନାଣ୍ତିଙ୍ଗ୍ ପାଉଲ ତେବାଜିମାନି ବାଡିଦୁ ୱାତାର୍ । ସାଲ୍ଦିରାନ୍ ନାଡ଼ା ସାନ୍ଦି ପାଉଲ ୱାରିଙ୍ଗ୍ଁ ମାପୁରୁଦି ରାଜିଦି ବିସୟ୍ତି ବାକ୍ୟ ପ୍ରଚାର୍ କିଜି ସାକି ସିତାନ୍ ମାରି ମୋସାଦି ନିୟମ୍ ନି ବାବବାଦିରି ମାଣାନ୍ ରାସାତି ବାକ୍ୟ ସପ୍ସି ଜିସୁଦିମାନୁ ୱାର୍ ବିସ୍ବାସ୍ କିଦେଙ୍ଗ୍ଁ ଚେସ୍ଟାକିତାନ୍ । ୨୪ ୱାରି ଲୋଇ ଏସ ଲୋକା ଜିବନ୍ ବାଦେଲ୍ ଆତାତ୍, ମାତର୍ ଆଇକାର୍ ବିସ୍ବାସ୍ କିଏତାର୍ । ୨୫ ଇୟା ବିସୟ୍ତାନ୍ ୱାରି ଲୋଇ ନାଣ୍ତ ଜାଟି ସତାତ୍ । ୱାର୍ ସନି ଆଗ୍ଡ଼ି ପାଉଲ ଉନ୍ଣ୍ତ୍ରି ମାଟା ମୁସ୍କୁ ଦିୟାନ୍ସିଜି ଇର୍ହାନ୍ : “ପବିତ୍ର ଆତ୍ମା ମି ଡକ୍ରାଦାଦାରିଙ୍ଗ୍ ବାବବାଦି ଜିସାୟଦି ୱେୟୁଦାନ୍ ଟିକ୍ ମାଟା ଇର୍ହାମାର୍ହାନ୍ ! ୨୬ ୱାନ୍ ଇର୍ହାନ୍ :
୨୮ ସାରାସାରି ପାଉଲ ଇର୍ହାନ୍, “ମିର୍ ନେସ୍ସ ମାନ୍ଡ଼୍ରୁ, ପରିତ୍ରାଣ ଉଣ୍ତିଙ୍ଗ୍ଁ ମାପୁରୁଦି ସୁସମାଚାର୍ ଅଣଜିହୁଦି ଲୋକା ଲାକ୍ତୁ ପକାୟ୍ଆତାମାନାତ୍ । ୱାର୍ ଆକା ୱେନାର୍ ।” ୨୯ ମାରି, ପାଉଲ ଇୟାୱିଜୁ ମାଟା ଇର୍ହାନ୍ଆକା, ଜିହୁଦି ଲୋକୁ ଆପ୍ଣା ଆପ୍ଣା ଲୋଇ ସୁରି ୱାର୍ଗିଜି ୱାର୍ଗିଜି ସର୍ହାର୍ ।
୩୦ ପାଉଲ ଉନ୍ଣ୍ତ୍ରି ଇଲୁ ବାଡ଼ା ଅସି ଦୁଇ ବାର୍ସେକ୍ ସାନ୍ଦି ତେବାତାନ୍ ମାରି ୱାନିଙ୍ଗ୍ଁ ସୁଡ଼ୁଦେଙ୍ଗ୍ ୱାଜିମାନି ୱିଜୁ ଲୋକାଙ୍ଗ୍ କୁକ୍ସି ମାର୍ହାନ୍ । ୩୧ ଦର୍ଜ ନି ସାହାସ୍ତି ୱାଲେ ୱାନ୍ ମାପୁରୁଦି ରାଜି ବିସୟ୍ତାନ୍ ପ୍ରଚାର୍ କିଜି ପ୍ରବୁ ଜିସୁ କ୍ରିସ୍ତଦି ବିସୟ୍ତାନ୍ ସିକିୟା ସିଜି ମାର୍ହାନ୍ ।
<- ପ୍ରେରିତ 27- a ପ୍ରେରିତ ୨୫:୧୧.