୬ [a]ମିର୍ ଇୟାୱାଜା ଗର୍ବ କିନିକା ନେଗେତ୍ ସିଲେ । ମିର୍ ଇନିକା ନେସ୍ଇଦେର୍ ଜେ, କାଣ୍ତେକ୍ନେ କମିର୍ ୱିଜୁ ଅଟାଗୁଣ୍ତୁତିଙ୍ଗ୍ ସଇସ୍ କିନାତ୍ ? ୭ ମି ଲୋଇରାନ୍ ପାଡ଼ିଇ ପାପ୍କମିର୍ତିଙ୍ଗ୍ ସୋପ୍ସ ପୋକ୍ତୁ । ଆର୍ତିଙ୍ଗ୍, ମିର୍ କମିର୍ସିଲି ପୁନି ନେଗିଅଟାଗୁଣ୍ତୁ ୱାଜା ଆନିଦେର୍ ମାରିବା ନାନ୍ ନେସ୍ନା, ମିର୍ ଇଲେଇ ଆୟାୱାଜା ମାନିଦେର୍ । ନିସ୍ତାର୍ ପଣ୍ତୟ୍ତି ତିଆର୍କିନିକା ୱିଜିତାମାନାତ୍ । ମା ନିସ୍ତାର୍ ପଣ୍ତୟ୍ତି ମେଣ୍ତାପିଲା ୱାଜା ନିଜେ କ୍ରିସ୍ତ ପୁଜାସିନି ୱାଜା ସର୍ପେ ଆତାମାନାନ୍ । ୮ ଆର୍ତିଙ୍ଗ୍ ରାଦୁ, ମାଡୁ ପାଡ଼ିଇ କମିର୍ ମାରି ପାପ୍ ମାରି ତାଗ୍ଇପାଣି ୱାଜାଦି କମିର୍ତାନ୍ ପଣ୍ତୟ୍ କିଏଣ୍ଗା ନେଗେନ୍ତାନ୍ ମାରି ସତ୍ତାନ୍ କମିର୍ସିଲି ରୁଟିଦାନ୍ ଇୟା ପଣ୍ତୟ୍ କିନାଟ୍ ।
୯ ଦାରିପାଣିକିନିୱାରି ୱାଲେ ସଙ୍ଗ୍ କିଈ ଉଣ୍ତିଙ୍ଗ୍ ନାନ୍ ମିଙ୍ଗିଁ ନା ଆଗ୍ଡ଼ିରି ଆକୁଦୁ ରାସ୍ତାମାର୍ଆ; ୧୦ ତାନି ଅର୍ତ ଆଏତ୍ ଜେ ଇୟା ଦୁନିଆଦାନ୍ ଦାରିପାଣି, ଦନ୍ଆସା, ଡଙ୍ଗାଁକିନିକା ମାରି ବମା ପୁଜାକିନିୱାରି ୱାଲେ ମୁଡ଼ୁକେ ସଙ୍ଗ୍ କିମାଟ୍ । ଆୟାୱାଜା ଆତିଙ୍ଗ୍, ମିଙ୍ଗିଁ ଦୁନିଆଦାନ୍ ସୋସ ସନ୍ଡ୍ରେଙ୍ଗ୍ ପଡ଼ାନାତ୍ । ୧୧ ମାତର୍ ନାନ୍ ଆକୁତୁ ଇକା ରାସ୍ତା ମାର୍ହା ଜେ, ଜଦି ଆମା ଲୋକ୍ ସଙ୍ଗ୍ ଇଜି ଜାଣାସିନା କିଜି ଦାରିପାଣି, ଦନ୍ଆସା, ବମା ପୁଜାକିନିକାନ୍, ଆକାର୍, ମଦୁଆ ମାରି ଡଙ୍ଗାଁର୍ଏନ୍ ଆନାନ୍, ଆର୍ତିଙ୍ଗ୍ ଇୟାୱାଜାଦି ଲୋକ୍ତି ୱାଲେ ତଡ଼୍ କିମାଟ୍, ମାରି ଇୟାନାନି ଲୋକ୍ତି ୱାଲେ ଉଣୁମାଟ୍ ।
୧୨ ଇରିଙ୍ଗ୍ ଆତ୍ରେରି ଲୋକାଙ୍ଗ୍ ବିଚାର୍ କିଦେଙ୍ଗ୍ ନାନୁ ଏନ୍ ? ମାତର୍ ମା ମଣ୍ତଲିଦୁ ମିସାତିମାନି ଲୋକାଙ୍ଗ୍ ବିଚାର୍ କିନି ଦାଇତ୍ ଇନିକା ମାଦି ସିଲେ ? ୧୩ ମାପୁରୁ ୱାରି ବିଚାର୍ କିନାନ୍, ଦର୍ମସାସ୍ତ୍ରଦୁ ରାସ୍ତାମାନାତ୍, “ଆୟା ତାଗ୍ଇ ଲୋକାଙ୍ଗ୍ ମି ଲୋଇରାନ୍ ସୋପ୍ତୁ ।”
<- ୧ କରିନ୍ତିୟ 4୧ କରିନ୍ତିୟ 6 ->- a ଗାଲାତିୟ ୫:୯.