112
ZABULI YA 112
1 Mtogoleni Mndewa Imulungu!
Kamweda imunhu yomdumba Mndewa Imulungu,
imunhu yodeng'helela ng'hani kugoga malagizo gake.
2 Ulelo wake okuwa na nguvu mwiisi,
wana wa iwanhu wanogile omweda.
3 Mng'anda yake kokuwa na mali nyingi,
haki yake yosigala milele.
4 Munhu yanogile komwemweselwa mulenge kuziza,
munhu mwene bazi na moyo unogile na haki.
5 Munhu yokopesha bila kulonda nyongeza, komweda ng'hani,
munhu yotenda sang'hano zake kwa haki.
6 Mwene haki halemelwa ng'o,
heyo kokumbukwa milele.
7 Hadumba yahapata usenga wihile,
moyo wake ugangamala na komtamanila Mndewa Imulungu.
8 Moyo wake ugangamala na hadumba kinhu,
na kowona iwanhu omwihila olemelwa.
9 Kowagwaa wakiwa vinhu kwa moyo unogile,
haki yake yosigala milele.
Heyo kokuwa na nguvu na kotegelezwa.
10 Wanhu wehile ogona gago na ogevuzika,
odafuna meno kwa usungu na ohomba,