NOTAǤANAǤAXI ANE IDÍ MATEUS Jesus eledi enidite Mateus niɡ̶ijo maleekoka iolatedicoace niɡ̶ijoa dooze ɡ̶oneleegiwadi modiotibece. Jesus maleedaɡ̶a eniditeta, Mateus libakedi me dibatibigege dinyeelo anoyajigota ninionigi-eliodi romaanotedi, idaaɡ̶ida me judeu. Odaa joaniɡ̶idaa leeɡ̶odi me neleɡ̶edi eletidi judeutedi. Mateus eledi oyatigi me Levi. (Awiniteloco miditaɡ̶a Mateus 9.9; Marcos 2.14). Mateus me idí naɡ̶adi notaɡ̶anaɡ̶axi didikotibige noiigi judeu me ikeetiogi mewi Jesus niɡ̶ijaaɡ̶ijoa niɡ̶icoa ane niiɡ̶e Aneotedoɡ̶oji me Ǥonewikatitoɡ̶odi. Elioditibece me yalaɡ̶atalo Aneotedoɡ̶oji ane lotaɡ̶a miditaɡ̶a liwai oxiiɡ̶odi Aneotedoɡ̶oji lotaɡ̶anaɡ̶axi ane yalaɡ̶ate Jesus, midiwataɡ̶a notaɡ̶anaɡ̶axiidi ane iditedini Moisés, maditaɡ̶a lotaɡ̶anaɡ̶axi enaco, codaa midiwataɡ̶a notaɡ̶anaɡ̶axiidi anoidí niɡ̶ijo anoyeloɡ̶oditedibece lowooko Aneotedoɡ̶oji. Mateus iditedini liiɡ̶axinaɡ̶aneɡ̶eco Jesus aneneɡ̶egi ida ane jaoɡ̶ate. Liiɡ̶axinaɡ̶aneɡ̶eco Jesus ane yalaɡ̶ata: (1) Ane leeditibige me ee lewiɡ̶a niɡ̶ina oko Aneotedoɡ̶oji baanaɡ̶a iiɡ̶e laaleɡ̶enali, codaa niɡ̶ica ane yajigotediogi Aneotedoɡ̶oji. (2) Niɡ̶ica ane iiɡ̶ete Jesus niɡ̶ijo anodiotibece mowo niɡ̶ijo me imonya moyeloɡ̶oditedibece nibodicetedi anele aneetece Jesus, codaa me iiɡ̶e moicilatidi eelotaginadi. (3) Natematiko Jesus anida ane iciaceeketetege me ɡ̶odiiɡ̶axi. (4) Liiɡ̶axinaɡ̶aneɡ̶eco Jesus anoyalaɡ̶ata gela loiigi Aneotedoɡ̶oji. (5) Liiɡ̶axinaɡ̶aneɡ̶eco Jesus anoyalaɡ̶ata niɡ̶icoa owidijedi nokododi, codaa niɡ̶ica anodaaɡ̶ee nige dopitedijo. Mateus eledi yalaɡ̶ata lanikegi Jesus, codaa me loenataka anoikee anijoa. Eledi yalaɡ̶ata anodaaɡ̶ee neloɡ̶ododipi noɡ̶oyakadi moyeloadi, codaa eledi yatemati niɡ̶ica anodaaɡ̶ee naɡ̶a yewiɡ̶atace.
1Ica jotigide laamipi Jesus Cristo (Lucas 3.23-38)1 Niɡ̶idi noiigi joaniɡ̶idiaa jotigide laamipi Jesus Cristo. Jesus ida aneetetege licoɡ̶egi Davi, ane licoɡ̶egi Abraão.
2 Abraão jiɡ̶ijaa eliodi Isaque, Isaque jiɡ̶ijaa eliodi Jacó. Jacó jiɡ̶ijaa eliodi Judá ijaa nioxoadipi Judá. 3 Judá ijoa itoataale lionigipi ɡ̶oneleegiwadi, onijoteci liboonaɡ̶adi Peres ijaaɡ̶eledi Zera, ajaa eliodo Tamar. Peres jiɡ̶ijaa eliodi Esrom, Esrom jiɡ̶ijaa eliodi Arão. 4 Arão jiɡ̶ijaa eliodi Aminadabe, Aminadabe jiɡ̶ijaa ane eliodi Nasam. Nasam jiɡ̶ijaa eliodi Salmom. 5 Salmom jiɡ̶ijaa eliodi Boaz, Boaz eliodo liboonaɡ̶adi Raabe. Boaz jiɡ̶ijaa eliodi Jessé. 6 Jessé jiɡ̶ijaa eliodi Davi, Davi anijo me inionigi-eliodi. Davi eliodi Salomão, eliodo Salomão naɡ̶ajo anijo me lodawa Urias. 7 Salomão jiɡ̶ijaa eliodi Roboão, Roboão jiɡ̶ijaa eliodi Abias, Abias jiɡ̶ijaa eliodi Asa. 8 Asa jiɡ̶ijaa eliodi Josafá, Josafá jiɡ̶ijaa eliodi Jorão, Jorão jiɡ̶ijaa eliodi Uzias. 9 Uzias jiɡ̶ijaa eliodi Jotão, Jotão jiɡ̶ijaa eliodi Acaz, Acaz jiɡ̶ijaa eliodi Ezequias. 10 Ezequias jiɡ̶ijaa eliodi Manassés, Manassés jiɡ̶ijaa eliodi Amom, Amom jiɡ̶ijaa eliodi Josias. 11 Josias jiɡ̶ijaa eliodi Jeconias ijaaɡ̶ijo nioxoadipi. Niɡ̶ijo malee yewiɡ̶a Josias, odaa niɡ̶ijo laxakawepodi loiigi Israel joɡ̶oyadeegi loiigi Israel digoida niiɡ̶otedi Babilônia midiaaɡ̶i me niwilogojedipi. 12 Niɡ̶ijo noiigi noɡ̶oyadeegiticogi Babilônia, odaa Jeconias jiɡ̶ijaa eliodi Salatiel, Salatiel jiɡ̶ijaa eliodi Zorobabel. 13 Zorobabel jiɡ̶ijaa eliodi Abiúde, Abiúde jiɡ̶ijaa eliodi Eliaquim, Eliaquim jiɡ̶ijaa eliodi Azor. 14 Azor jiɡ̶ijaa eliodi Sadoque, Sadoque jiɡ̶ijaa eliodi Aquim, Aquim jiɡ̶ijaa eliodi Eliúde. 15 Eliúde jiɡ̶ijaa eliodi Eleazar, Eleazar jiɡ̶ijaa eliodi Matã, Matã jiɡ̶ijaa eliodi Jacó. 16 Jacó jiɡ̶ijaa eliodi José, José jiɡ̶ijaa lodawa Maria. Maria jaɡ̶ajaa eliodo Jesus, ane liboonaɡ̶adi Cristo.17 Jiɡ̶idaaɡ̶ee jiɡ̶ijoa catooze noiigi ixomaɡ̶atijo anida aneetege licoɡ̶egi Abraão neɡ̶epaaɡ̶icota Davi, odaa idaaɡ̶ee ijoa catooze noiigi ixomaɡ̶atijo anida aneetege licoɡ̶egi Davi neɡ̶epaaɡ̶icota Jeconias anoyadeegiticogi Babilônia. Idaaɡ̶ee ijoa catooze noiigi ixomaɡ̶atijo anida aneetege licoɡ̶egi Jeconias neɡ̶epaaɡ̶icota José, niɡ̶ijo lodawa Maria eliodo Jesus.
Lanikegi Jesus (Lucas 2.1-7)18 Jiɡ̶idaaɡ̶ee neɡ̶enitedini Jesus. Maria, ane eliodo Jesus, eka doletibige me lodawa ica José. Pida anaɡ̶a lodawa niɡ̶ipileɡ̶e, codaa Maria aniɡ̶ica daɡ̶a nadi ɡ̶oneleegiwa. Pida Liwigo Aneotedoɡ̶oji eo me ipileɡ̶e. 19 José, niɡ̶ijo ane doletibige me lodawa Maria, ɡ̶oneleegiwa ane iɡ̶enaɡ̶a, codaa mele. Ja domaɡ̶a lowoogo me ika Maria, pida adomaɡ̶a yemaa me ibolikatidi Maria lodoe niɡ̶idi noiigi. Joaniɡ̶idaa leeɡ̶odi me domaɡ̶a lowoogo me ika Maria me diɡ̶ica ane yowooɡ̶odi niɡ̶ica oko. 20 Niɡ̶ijo naɡ̶a lowoogo me daɡ̶adiaa lodawa Maria, odaa ja dige. Igee ica niaanjo Aneotedoɡ̶oji me dinikeeta. Odaa oneeta, “José, anida anenitege licoɡ̶egi Davi, jinaɡ̶a domaɡ̶a adoiita me ɡ̶adodawa Maria. Igaataɡ̶a Liwigo Aneotedoɡ̶oji aneo nigaanigi catiwedi Maria le. 21 Odaa Maria dinigajetece nigaanigawaanigi, odaa awii me liboonaɡ̶adi Jesus, leeɡ̶odi jiɡ̶ijaa napitaɡ̶adi loiigi libeyaceɡ̶eco.”
22 Odaa jiɡ̶idaaɡ̶ee niɡ̶ica niciagi eo me icotece niɡ̶ijoa lotaɡ̶a niɡ̶ijo ane yeloɡ̶oditedibece lowooko Aneotedoɡ̶oji niɡ̶ijo jotigide, niɡ̶ijo naɡ̶a yalaɡ̶ata aneeteta Ǥoniotagodi, mee, 23 “Digawini! Ani awicije anicota me ipileɡ̶e, pida aniɡ̶ica me nadi ɡ̶oneleegiwa. Odaa jiɡ̶idi lionigi, odaa joɡ̶owo me liboonaɡ̶adi ‘Emanuel’.” “Emanuel” niɡ̶ina anejinaɡ̶a iniwa “Aneotedoɡ̶oji mokotaɡ̶a”.
24 Naɡ̶a nioodi José, odaa jeɡ̶eo niɡ̶ijo niaanjo Aneotedoɡ̶oji ane iiɡ̶eta meo. Odaa José ja lodawa Maria. 25 Pida aniɡ̶ica daɡ̶a loomatewa Maria neɡ̶epaa dinigajetece odoejegi lionigi. Odaa José jeɡ̶eo me liboonaɡ̶adi Jesus.
MATEUS 2 ->
1 Niɡ̶idi noiigi joaniɡ̶idiaa jotigide laamipi Jesus Cristo. Jesus ida aneetetege licoɡ̶egi Davi, ane licoɡ̶egi Abraão.
17 Jiɡ̶idaaɡ̶ee jiɡ̶ijoa catooze noiigi ixomaɡ̶atijo anida aneetege licoɡ̶egi Abraão neɡ̶epaaɡ̶icota Davi, odaa idaaɡ̶ee ijoa catooze noiigi ixomaɡ̶atijo anida aneetege licoɡ̶egi Davi neɡ̶epaaɡ̶icota Jeconias anoyadeegiticogi Babilônia. Idaaɡ̶ee ijoa catooze noiigi ixomaɡ̶atijo anida aneetege licoɡ̶egi Jeconias neɡ̶epaaɡ̶icota José, niɡ̶ijo lodawa Maria eliodo Jesus.
18 Jiɡ̶idaaɡ̶ee neɡ̶enitedini Jesus. Maria, ane eliodo Jesus, eka doletibige me lodawa ica José. Pida anaɡ̶a lodawa niɡ̶ipileɡ̶e, codaa Maria aniɡ̶ica daɡ̶a nadi ɡ̶oneleegiwa. Pida Liwigo Aneotedoɡ̶oji eo me ipileɡ̶e. 19 José, niɡ̶ijo ane doletibige me lodawa Maria, ɡ̶oneleegiwa ane iɡ̶enaɡ̶a, codaa mele. Ja domaɡ̶a lowoogo me ika Maria, pida adomaɡ̶a yemaa me ibolikatidi Maria lodoe niɡ̶idi noiigi. Joaniɡ̶idaa leeɡ̶odi me domaɡ̶a lowoogo me ika Maria me diɡ̶ica ane yowooɡ̶odi niɡ̶ica oko. 20 Niɡ̶ijo naɡ̶a lowoogo me daɡ̶adiaa lodawa Maria, odaa ja dige. Igee ica niaanjo Aneotedoɡ̶oji me dinikeeta. Odaa oneeta, “José, anida anenitege licoɡ̶egi Davi, jinaɡ̶a domaɡ̶a adoiita me ɡ̶adodawa Maria. Igaataɡ̶a Liwigo Aneotedoɡ̶oji aneo nigaanigi catiwedi Maria le. 21 Odaa Maria dinigajetece nigaanigawaanigi, odaa awii me liboonaɡ̶adi Jesus, leeɡ̶odi jiɡ̶ijaa napitaɡ̶adi loiigi libeyaceɡ̶eco.”
22 Odaa jiɡ̶idaaɡ̶ee niɡ̶ica niciagi eo me icotece niɡ̶ijoa lotaɡ̶a niɡ̶ijo ane yeloɡ̶oditedibece lowooko Aneotedoɡ̶oji niɡ̶ijo jotigide, niɡ̶ijo naɡ̶a yalaɡ̶ata aneeteta Ǥoniotagodi, mee, 23 “Digawini! Ani awicije anicota me ipileɡ̶e, pida aniɡ̶ica me nadi ɡ̶oneleegiwa. Odaa jiɡ̶idi lionigi, odaa joɡ̶owo me liboonaɡ̶adi ‘Emanuel’.” “Emanuel” niɡ̶ina anejinaɡ̶a iniwa “Aneotedoɡ̶oji mokotaɡ̶a”.
24 Naɡ̶a nioodi José, odaa jeɡ̶eo niɡ̶ijo niaanjo Aneotedoɡ̶oji ane iiɡ̶eta meo. Odaa José ja lodawa Maria. 25 Pida aniɡ̶ica daɡ̶a loomatewa Maria neɡ̶epaa dinigajetece odoejegi lionigi. Odaa José jeɡ̶eo me liboonaɡ̶adi Jesus.
MATEUS 2 ->