1 ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ ಲೊಕಾಕ್ನಿ ಪಾಪಾತ್ ಪಾಡ್ವುತಲಿ ಕಾಮಾ ಹೊವ್ಕುಚ್ ಪಾಜೆ, ಖರೆ, ಹಿ ಪಾಪಾತ್ ಪಡಿಸರ್ಕೆ ಕತರ್ಲಿ ಕಾಮಾ ಕರ್ತಲ್ಯಾಚಿ ಗತ್ ಮಿಯಾ ಕಾಯ್ ಸಾಂಗು! 2 ಎಕ್ಲ್ಯಾನ್ ಪಾಪಾತ್ ಪಡುಕ್ ಕಾರನ್ ಹೊತಲ್ಯಾ ಬದ್ಲಾಕ್ ತೆಕಾ ತೆಚ್ಯಾ ಗಳ್ಯಾತ್ ಎಕ್ ಮೊಟೊ ಜಾತ್ಯಾಚೊ ಗುಂಡೊ ಭಾಂದುನ್ ಸಮುಂದರಾತ್ ನ್ಹೆವ್ನ್ ತಾಕ್ತಲೆ ಲೈ ಬರೆ. 3 ತುಮ್ಚ್ಯಾ ಕರ್ನ್ಶಾಂಚ್ಯಾ ವಿಶಯಾತ್ ಉಶಾರ್ಕಿನ್ ರ್ಹಾವಾ. ಜರ್ ತರ್ ತುಜ್ಯಾ ಭಾವಾನ್ ಪಾಪ್ ಕರ್ಲ್ಯಾನ್ ತರ್, ತೆಕಾ ಬುದ್ಬಾಳ್ ಸಾಂಗ್, ತೆ ಆಯ್ಕುನ್ ತೊ ಬದಲ್ಲ್ಯಾರ್ ತೆಕಾ ಮಾಪ್ ಕರ್.
4 ಜರ್ ತರ್ ಎಕ್ ದಿಸಾಚ್ಯಾ ಪೊಟಾತ್ ಸತ್ತ್ದಾಬಿ ತೊ, ತುಜ್ಯಾ ವಿರೊದ್ ಪಾಪ್ ಕರ್ತಾ, ಅನಿ ಯೆವ್ನ್ ಚುಕ್ ಮಾಗ್ತಾ, ತರ್ ತೆಕಾ ಮಾಪ್ ಕರ್.
6 ತನ್ನಾ ಜೆಜುನ್, “ತುಮ್ಕಾ ಖಾಲಿ ಎಕ್ ಸಾಸಾವಾಚ್ಯಾ ಭ್ಹಿಂಯಾ ಎವ್ಡೊ ವಿಶ್ವಾಸ್ ರ್ಹಾಲ್ಯಾರ್, ತುಮಿ ಎಕ್ ವಡ್ಡಾಚ್ಯಾ ಝಾಡಾಕ್ ತಿಯಾ ಬೆರಾ ಸಮೆತ್ ಉಪ್ಸುನ್, ಸಮುಂದರಾತ್ ಜಾವ್ನ್ ಇಬೆ ರ್ಹಾ, ಮಟ್ಲ್ಯಾರ್ ತೆ ಜಾವ್ನ್ ಇಬೆ ರ್ಹಾತಾ”, ಮನುನ್ ಜಬಾಬ್ ದಿಲ್ಯಾನ್.
14 ಜೆಜುನ್ ತೆಂಕಾ ಬಗಟ್ಲ್ಯಾನ್, ಅನಿ “ಜಾವಾ, ಯಾಜಕಾನಿಕ್ಡೆ ಜಾವ್ನ್ ತಪಾಸುನ್ ಬಗುನ್ ಘೆವಾ” ಮಟ್ಲ್ಯಾನ್.
17 ತನ್ನಾ ಜೆಜುನ್, “ಅತ್ತಾ ಗುನ್ ಹೊಲ್ಲಿ ಧಾ ಲೊಕಾ ನ್ಹಯ್? ಹುರಲ್ಲಿ ನ್ಹವ್ ಲೊಕಾ ಖೈ ಹಾತ್? 18 ದುಸ್ರ್ಯಾ ದೆಸಾತ್ಲೊ ಎಕ್ಲೊಚ್ ದೆವಾಕ್ ಧನ್ಯವಾದ್ ದಿವ್ಕ್ ಮನುನ್ ಪರ್ತುನ್ ಯೆಲೊ ಕಾಯ್?” ಮಟ್ಲ್ಯಾನ್.
19 ಅನಿ ಜೆಜುನ್ ತೆಕಾ “ಉಟ್, ಅನಿ ಚಲ್, ತುಜ್ಯಾ ವಿಶ್ವಾಸಾನುಚ್ ತುಕಾ ಬರೆ ಕರ್ಲ್ಯಾನ್”, ಮಟ್ಲ್ಯಾನ್.
20 ಎಗ್ಧಾ ಉಲ್ಲ್ಯಾಸ್ಯಾ ಫಾರಿಜೆವಾನಿ, ಜೆಜುಕ್, “ದೆವಾಚೆ ರಾಜ್ ಕನ್ನಾ ಯೆತಾ” ಮನುನ್ ಇಚಾರ್ಲ್ಯಾನಿ.
22 ತನ್ನಾ ತೆನಿ ಶಿಸಾಕ್ನಿ, ಎಕ್ ಎಳ್ ಯೆತಾ, ಮಾನ್ಸಾಚೊ ಲೆಕ್ ಯೆತಲೆ ಹ್ಯಾ ದಿಸಾತ್ನಿ ಅಮಿ ಬಗ್ತಾಂವ್, ಮನುನ್ ತುಮಿ ಯವ್ಜುನ್ ಘೆವ್ನ್ ರ್ಹಾತ್ಯಾಶಿ, ಖರೆ, ತೊ ದಿಸ್ ತುಮ್ಕಾ ಬಗುಕ್ ಗಾವಿನಾ.
23 ಲೈ ಜಾನಾ ತನ್ನಾ “ಹಿತ್ತೆ ಬಗಾ! ಥೈ ಬಗಾ, ಮನುನ್ ತುಮ್ಕಾ ಸಾಂಗ್ತ್ಯಾತ್,ಖರೆ ತುಮಿ ತೆ ಸಗ್ಳೆ ಬಗುಕ್ ಜಾವ್ನಕಾಶಿ”. 24 ಕಶ್ಯಾಕ್ ಮಟ್ಲ್ಯಾರ್ ಮಳ್ಬಾ ವರ್ತಿ ಎಕ್ ದಿಕ್ಕಾಕ್ನಾ, ಅನಿಎಕಾ ದಿಕ್ಕಾ ಪತರ್ ಮಿಂಚ್ ಮಾರುಕ್ ಲಾಗಲ್ಲ್ಯಾ ತನ್ನಾ,ಮಿಯಾ ಮಾನ್ಸಾಚೊ ಲೆಕ್ ಯೆತಲಿ ದಿಸಾ ಮನುನ್ ಹೊಲೆ. 25 ಖರೆ, ಅದ್ದಿ ತೊ ಕಸ್ಟ್ ಸೊಸುಕ್ ಪಾಜೆ, ಅನಿ ಅತ್ತಾಚ್ಯಾ ಕಾಲಾಚ್ಯಾ ಲೊಕಾನಿ ತೆಕಾ ಧುರ್ ಕರುಕ್ ಪಾಜೆ. 26 ನೊಯೆಚ್ಯಾ ಕಾಲಾತ್ ಹೊಲ್ಲ್ಯಾ ಸರ್ಕೆಚ್, ಮಾನ್ಸಾಚೊ ಲೆಕ್ ಯೆತಲ್ಯಾ ಕಾಲಾತ್ ಹೊತಾ. 27 ನೊಯೆ ಢೊನಿತ್ ಭುತ್ತುರ್ ಗುಸಿ ಪತರ್, ಸಗ್ಳೆ ಜಾನಾ ಖಾವ್ನಗೆತ್, ಫಿವ್ನಗೆತ್, ಅನಿ ಘೊಮನ್ಸಾ ಬಾಯ್ಕೊಮನ್ಸಾ ನಗಿನ್ ಹೊವ್ನಗೆತ್ ಹೊತ್ತ್ಯಾನಿ, ಅನಿ ಸಗ್ಳ್ಯಾಕ್ಡೆ ಪಾನಿ ಭರುನ್ ಯೆಲೆ, ಅನಿ ತೆಂಕಾ ಜಿವಾನಿ ಮಾರುನ್ ಟಾಕ್ಲ್ಯಾನ್. 28 ಲೊಟಾಚ್ಯಾ ಕಾಲಾತ್ ಹೊಲ್ಲ್ಯಾ ಸರ್ಕೆ, ಸಗ್ಳೆ ಜಾನಾ ಜೆವ್ನಗೆತ್, ಫಿವ್ನಗೆತ್, ಇಕುನ್ಗೆತ್-ಇಕಾತ್ ಘೆವ್ನ್ಗೆತ್, ಶೆತಾ ಕರುನ್ಗೆತ್, ಅನಿ ಭಾಂದುನ್ಗೆತ್ ಹೊತ್ತ್ಯಾನಿ. 29 ಖರೆ ಲೊಟ್ ಸೊದೊಮಾತ್ನಾ ಭಾಯ್ರ್ ಪಡಲ್ಲ್ಯಾ ತನ್ನಾ, ಮಳ್ಬಾ ವೈನಾ ಆಗ್ ಅನಿ ಆಗಿಚ್ಯಾ ಇಂಗ್ಳ್ಯಾಂಚೊ ಪಾವ್ಸ್ ಯೆಲೊ, ಅನಿ ತೆಂಕಾ ಸಗ್ಳ್ಯಾಕ್ನಿ ಜಿವಾನಿಚ್ ಮಾರುನ್ ಸೊಡ್ಲ್ಯಾನ್. 30 ಮಾನ್ಸಾಚೊ ಲೆಕ್, ಯೆತಾನಾಬಿ ತಸೆಚ್ ಹೊತಾ.
31 “ತ್ಯಾ ದಿಸ್ ಜೊ ಮಾನುಸ್, ಅಪ್ನಾಚ್ಯಾ ಘರಾಚ್ಯಾ ಮ್ಹಾಳ್ಗಿರ್ ಬಸ್ಲಾ, ತೊ ಅಪ್ನಾಚಿ ಸಾಮಾನಾ ಹಾನುಕ್ ಮನುನ್ ಉತ್ರುನ್ ಘರಾತ್ ಜಾಯ್ನಸ್ತಾನಾ ರಾಂವ್ದಿತ್, ತಸೆಚ್ ಜೊ ಮಾನುಸ್ ಭಾಯ್ರ್ ಶೆತಾತ್ ಹಾಯ್, ತೊ ಅನಿ ಪರ್ತುನ್ ಘರಾಕ್ ಯೆಯ್ನಸ್ತಾನಾ ರಾವ್ನದಿತ್. 32 "ಲೊಟಾಚ್ಯಾ ಬಾಯ್ಕೊಚಿ ಖಬರ್ ಕಾಯ್ ಹೊಲಿ ಮನುನ್ ಯಾದ್[a] ರ್ಹಾಂವ್ದಿತ್!”
33 “ಜೆ ಕೊನ್ ಅಪ್ನಾಚೊ ಜಿಂವ್ ರಾಕುನ್ ಘೆವ್ಕ್ ಬಗ್ತಾ, ತೊ ತೆ ಕಳ್ದುನ್ ಘೆತಾ, ಅನಿ ಜೆ ಕೊನ್ ಅಪ್ನಾಚೊ ಜಿವ್ ಕಳ್ದುನ್ ಘೆತಾ ತೊ ಹುರ್ವುನ್ ಘೆತಾ”.
34 “ಮಿಯಾ ತುಮ್ಕಾ ಸಾಂಗ್ತಾ, ತ್ಯಾ ದಿಸ್ ರಾಚ್ಚೆ, ಎಕ್ ಹಾತ್ರಾನಾತ್ ನಿಜಲ್ಲ್ಯಾ ದೊಗ್ಯಾ ಜಾನಾನಿತ್ಲ್ಯಾ ಎಕ್ಲ್ಯಾಕ್ ಘೆವ್ನ್ ಜಾವ್ನ್ ಹೊತಾ. ಅನಿ ಅನಿ ಎಕ್ಲ್ಯಾಕ್ ಸೊಡುನ್ ಜಾವ್ನ್ ಹೊತಾ. 35 ಅನಿ ಜಾತ್ಯಾ ವರ್ತಿ ದಳುಕ್ ಬಸಲ್ಲ್ಯಾ ದೊಗೆ ಜಾನಾ ಬಾಯ್ಕೊಮನ್ಸಾನಿತ್ಲ್ಯಾ ಎಕ್ಲಿಕ್ ಘೆವ್ನ್ ಜಾವ್ನ್ ಹೊತಾ, ಅನಿ ಅನಿ ಎಕ್ಲಿಕ್ ಥೈಚ್ ಸೊಡುನ್ . ಹೊತಾ” ಮನುನ್ ಸಾಂಗಟ್ಲ್ಯಾನ್. 36 [b]
37 ಶಿಸಾನಿ ಜೆಜುಕ್, “ಹೆ ಸಗ್ಳೆ ಖೈ ಘಡ್ತಾ! ಧನಿಯಾ?” ಮನುನ್ ಇಚಾರ್ಲ್ಯಾನಿ.