1 ಮಿಯಾ ಪಾವ್ಲು ಕ್ರಿಸ್ತಾಚ್ಯಾ ಶಾಂತ್ಪಾನಾನ್ ಅನಿ ಬೊಳೆಪಾನಾನ್ ತುಮ್ಚ್ಯಾಕ್ಡೆ ಎಕ್ ವಯಕ್ತಿಕ್ ಉಪ್ಕಾರ್ ಮಾಗ್ತಾ, .ಮಿಯಾ ತುಮಿ ಸಾಂಗ್ತ್ಯಾಶಿ ತಶೆ, ತುಮ್ಚ್ಯಾ ಮದ್ದಿ ಹೊತ್ತ್ಯಾ ತನ್ನಾ ಭಿವಲ್ಲೊ ಖರೆ ತುಮ್ಚ್ಯಾಕ್ನಾ ಧುರ್ ರ್‍ಹಾತಾನಾ ಖಟೊರ್ ಹೊಲ್ಲೊ. 2 ಹ್ಯಾ ಜಗಾಚ್ಯಾ ಪರ್ಕಾರ್ ಅಮಿ ಚಲ್ತಾಂವ್ ಮನುನ್ ಮನ್ತಲ್ಯಾಕ್, ಕಸ್ಲೊ ಮನುನ್ ದಾಕ್ವುಚೆ ಮನುನ್ ಮಿಯಾ ಚಿಂತ್ಲಾ . ಖರೆ ತುಮ್ಚ್ಯಾ ಮದ್ದಿ ಮಿಯಾ ಯೆತಾನಾ ಮಿಯಾ ಖಟೊರ್ ರಿತಿನ್ ಬೊಲ್ತಲೊ ಅವಕಾಸ್ ತುಮ್ಚ್ಯಾ ವೈನಾ ಮಾಕಾ ಗಾವಿನಸ್ತಾನಾ ರ್‍ಹಾಂವ್ದಿತ್ ಮನುನ್ ಮಿಯಾ ಮಾಗ್ತಾ . 3 ಅಮಿ ಬಳ್ ನಸಲ್ಲ್ಯಾ ಸ್ವಬಾವಾತ್ ಜಿವನ್ ಕರ್ತಾಂವ್ ತೆ ಖರೆ ಹಾಯ್, ಸ್ವಬಾವಾಚ್ಯಾ ಅದಾರಾನ್ ಅಮಿ ಮಾರಾಮಾರಿ ಕರಿನಾವ್ . 4 ಅಮ್ಚ್ಯಾ ಮಾರಾಮಾರಿಚಿ ಹಾತಿಯಾರಾ ಹ್ಯಾ ಜಗಾತ್ಲ್ಯಾ ಸರ್ಕಿ ನ್ಹಯ್, ದೆವಾಚಿ ಹಾತಿಯಾರಾ ದೈವಿಕ್ ತಾಕತ್ ರ್‍ಹಾವ್ನ್ ಘಟ್ಮುಟ್ ಭಿತ್ತಿಯಾ ನಾಸ್ ಕರುಕ್ ಸಕ್ತಾತ್; ಸಗ್ಳ್ಯಾ ಝುಟ್ಯಾ ವಾದ್ ವಿವಾದಾಕ್ನಿ ಅಮಿ ನಾಸ್ ಕರ್ತಾತ್. 5 ದೆವಾಚ್ಯಾ ಶಾನ್ಪಾನಾಚ್ಯಾ ವಿರೊದ್ ಭಾಂದಲ್ಲ್ಯಾ ಗರುಕಿಚ್ಯಾ ಭಿತ್ತಿಯಾ ಅಮಿ ಕೊಸ್ಳುನ್ ಘಾಲ್ತಾವ್; ಮಾನ್ಸಾಚ್ಯಾ ಸಗ್ಳ್ಯಾ ಕಲ್ಪನ್ಯಾಕ್ನಿ ಘಟ್ ಧರುನ್ ಅಮಿ ಕ್ರಿಸ್ತಾಕ್ ಖಾಲ್ತಿ ಹೊಯ್ ಸರ್ಕೆ ಕರ್ತಾಂವ್. 6 ತುಮಿ ತುಮ್ಚ್ಯಾ ಖಾಲ್ತಿ ಮನಾಕ್ ಪುರಾ ರಿತಿನ್ ಒಪ್ಪುನ್ ದಿಲ್ಲ್ಯಾ ತನ್ನಾ ಹರ್ ಎಕ್ ಕರ್ನಿಕ್ ಶಿಕ್ಷಾ ಲಾವುಕ್ ಅಮಿ ಫಾಟಿ ಫಿಡೆ ಬಗಿನಾವ್.

7 ಡೊಳ್ಯಾಕ್ನಿ ದಿಸ್ತಾ ತೆ ಎವ್ಡೆಚ್ ತುಮಿ ಪಸಂದ್ ಕರ್ತ್ಯಾಶಿ ಕೊನ್ ತರ್ ಎಕ್ಲೊ ಅಪ್ನಿ ಕ್ರಿಸ್ತಾಚೊ ಮನುನ್ ಅಪ್ನಾಚಿಚ್ ಬಡಾಯ್ ಬೊಲ್ತಾ ಹೊಲ್ಯಾರ್, ತೊ ಅನಿಪರ್ತುನ್ ಚಿಂತುನ್ ಬಗುಂದಿತ್; ತೊ ಕ್ರಿಸ್ತಾಚೊ ಹೊಲ್ಯಾರ್ ಅಮಿಬಿ ಕ್ರಿಸ್ತಾಚೆಚ್. 8 ತುಮ್ಚ್ಯಾಸಾಟ್ನಿ ನ್ಹಯ್, ತುಮ್ಚ್ಯಾ ವಾಡಾವಳಿಸಾಟ್ನಿ ಧನಿಯಾನ್ ಮಾಕಾ ದಿಲ್ಲ್ಯಾ ಅಧಿಕಾರಾಚ್ಯಾ ವಿಶಯಾತ್ ಮಿಯಾ ಉಲ್ಲಿ ಬಡಾಯ್ ಚಿಂತ್ಲಾ ರ್‍ಹಾವ್ಕ್ ಫಿರೆ ; ಖರೆ ಅಶೆ ಯವಜಲ್ಲ್ಯಾ ವೈನಾ ಮಾಕಾ ಕಾಯ್ ಲಜ್ಜಾ ದಿಸಿನಾ . 9 ತಸೆ ಮನುನ್ ಚಿಟಿಚ್ಯಾ ವೈನಾ ತುಮ್ಕಾ ಬೆಸ್ಡುಕ್ ಬಿ ಮಿಯಾ ಮನ್ ಕರಿನಾ. 10 ಉಲ್ಲೆ ಜಾನಾ ಮನುಕ್ ಫಿರೆ;" ಪಾವ್ಲುಚ್ಯಾ ಚಿಟಿಯಾ ಬಡಾಯೆಚ್ಯಾ ಅನಿ ತಾಕ್ತಿಚ್ಯಾ; ಖರೆ ತೊ ಅಮ್ಚ್ಯಾ ಮದ್ದಿ ರ್‍ಹಾತಾನಾ ಬಳ್ ನಸಲ್ಲ್ಯಾಚ್ಯಾ ಸಾರ್ಕೊ ದಿಸ್ತಾ .ಅನಿ ತೆಚ್ಯಾ ಗೊಸ್ಟಿಯಾತ್ನಿಬಿ ಅರ್ಥ್ ನಾ ಸಾರ್ಕೆ ದಿಸ್ತಾ . 11 ಅಶೆ ಮನ್ತಲ್ಯಾನಿ ಎವ್ಡೆಚ್ ಮನಾತ್ ಥವ್ನ್ ಘೆವ್ಚೆ; ಧುರ್ ರ್‍ಹಾತಾನಾ ಅಮ್ಚ್ಯಾ ಚಿಟಿಯಾಂಚ್ಯಾ ವೈನಾ ಕವ್ಡೆ ಅಮಿ ಖಡ್ತರ್, ತವ್ಡೆಚ್ ಇದ್ರಾಕ್ ರ್‍ಹಾತಾನಾ ಅಮ್ಚ್ಯಾ ಕರ್ನ್ಯಾತ್ನಿ ಖಡ್ತರ್.

12 ಅಪ್ನಾಚೆಚ್ ಮೊಟೆಪಾನ್ ಬೊಲ್ತ್ಯಾತ್ ತೆಂಚ್ಯಾ ಸರ್ಕೆ ಹೊವ್ಕ್ ನಾ ಹೊಲ್ಯಾರ್ ಅಮ್ಕಾಚ್ ತೆಂಚ್ಯಾ ಸಮಾಸಮಾ ಕರುಕ್ ಅಮ್ಕಾ ಧೈರೊ ಪಾವಿನಾ. ಅಪ್ನಿ ಮೊಟೆ ಮನುನ್ ಚಿಂತುನ್ ನಾಹೊಲ್ಯಾರ್ ಎಕಾಮೆಕಾಕ್ ಸಮಾ ಕರುನ್ ತೆನಿ ಅಪ್ಲೆಚ್ ಪಿಶೆಪಾನ್ ದಾಕ್ವುತ್ಯಾತ್ . 13 ಖರೆ ಅಮಿ ಅಮ್ಚಿ ಗಡ್ ಉತ್ರುನ್ ಅಮ್ಚೆಚ್ ಮೊಟೆಪಾನ್ ಬೊಲಿನಾವ್. ದೆವಾನುಚ್ ಅಮ್ಚ್ಯಾ ಕಾಮಾಕ್ ಘಾಟಲ್ಲಿ ಗಡ್ ಹಾಯ್ ಅನಿ ತುಮಿ ಹ್ಯಾ ಗಡಿಚ್ಯಾ ಭುತ್ತುರ್‍ಲೆ . 14 ಅನಿ ಅಮಿ ಹ್ಯಾ ಗಡಿಚ್ಯಾ ಭುತ್ತುರ್‍ಲೆ ತಸೆ ಮನುನ್ ಅಮಿ ಕ್ರಿಸ್ತಾಚಿ ಬರಿ ಖಬರ್ ಘೆವ್ನ್ ತುಮ್ಚ್ಯಾ ಮದ್ದಿ ಅದ್ದಿ ಯೆಲ್ಲಾವ್. ಅನಿ ತುಮಿ ಭಾಯ್ಲೆ ಹೊಲ್ಲ್ಯಾಶಿ ಜಾಲ್ಯಾರ್ ಬಿ ತುಮ್ಚ್ಯಾ ಕಡೆ ಯೆಲ್ಲ್ಯಾ ವೈನಾ ನಿರ್ದಾರ್ ಕರಲ್ಲಿ ಗಡ್ ಮಿಯಾ ಉತರಲ್ಲ್ಯಾ ಸಾರ್ಕೆ ಹೊಯ್ ಹೊತ್ತೆ. 15 ದುಸ್ರ್ಯಾನಿ ಕರಲ್ಲೆ ಕಾಮ್ ಅಮಿಚ್ ಕರಲ್ಲೆ ಮನುನ್ ದಾಕ್ವುನ್ ದಿವ್ಕ್ ಗಡ್ ಉತ್ರುನ್ ಅಮ್ಚಿ ಬಡಾಯ್ ಬೊಲುಕ್ ಅಮಿ ತಯಾರ್ ನಾವ್. ಖರೆ ಬರೊಸೊ ಎವ್ಡೊಚ್ ತುಮ್ಚೊ ವಿಶ್ವಾಸ್ ವಾಡುನ್ಗೆತ್ ಯೆತಾ, ತಶೆಚ್ ಅಮ್ಚೊ ಪ್ರಭಾವ್ ತುಮ್ಚ್ಯಾ ವರ್‍ತಿ ಲೈ ಅನಿ ಲೈ ಪಡುಂದಿತ್. 16 ಅಶೆ ಕರಲ್ಲ್ಯಾ ಗಡಿಚ್ಯಾ ಭುತ್ತುರುಚ್ ರ್‍ಹಾವ್ನ್ ತುಮ್ಚ್ಯಾ ಗಾಂವಾಂಚ್ಯಾ ಭಾಯ್ರ್ ಪತರ್ ಬರಿ ಖಬರ್ ಪರ್‍ಚಾರ್ ಕರುನ್ ಹೊತಾ ಮನ್ತಲೊ ಬರೊಸೊ ಅಮ್ಕಾ ಹಾಯ್. .ಜಾಲ್ಯಾರ್ ಬಿ ಅನಿಎಕ್ಲ್ಯಾಚ್ಯಾ ಗಡಿಚ್ಯಾ ಭುತ್ತುರ್ ಗಾವ್ಲಾ ತೆ ಪಿಕ್ ಅಮ್ಚ್ಯಾ ಸ್ವಂತ್ ರಾಬ್ನುಕಿಚೊ ಫಳ್ ಮನುನ್ ಬಡಾಯ್ ಬೊಲುಕ್ ಅಮಿ ತಯಾರ್ ನಾವ್.

17 ಪವಿತ್ರ್ ಪುಸ್ತಕ್ ಮನ್ತಾ ಕೊನ್ ಬಿ ಬಡಾಯ್ ಬೊಲ್ತಾ ಜಾಲ್ಯಾರ್, ಧನಿಯಾಚಿ ತೊ ಬಡಾಯ್ ಬೊಲುಂದಿತ್. 18 ಕಶ್ಯಾಕ್ ಮಟ್ಲ್ಯಾರ್ ಅಪ್ನಾಚಿಚ್ ಬಡಾಯ್ ಬೊಲ್ತಾ ತೊ ನ್ಹಯ್, ಕೊನಾಚೆ ಮೊಟೆಪಾನ್ ಧನಿ ಸಾಂಗ್ತಾ ತೊ ಮಾನುಸ್ ಯೊಗ್ಯ್.

<- 2 ಕೊರಿಂಥ್ 92 ಕೊರಿಂಥ್ 11 ->