Ufilimon

1 Mi Bulus, vana inyang anyimo a Yessu nan Timoti uhenu uru uhana Ufilimon uhenu iriba iru, u roni ukatuma. 2 Uhana Aufiya ku henu kuru, nan unu tarsa Asere anyimo akura. 3 Imumu i ruma iriba ishew ahira Asere nan i vana me Yesu i cukuno anyimo ashi. 4 Ma guna Asere ankwoi barki shi anyimo abi ringara bum. 5 Barki ukunnna uhem ushi me nan unu ahira Asere nan aka tuma kameme. 6 Inzin in biringara barkin u inko iriba ishi me nan umuta ace ashi me, i cukuno imumu ibezi ubari nan ure aje utize tiriri sa tizi tiru, barki Asere. 7 Ma wuna iriba irum, iriba im ya totto barki uhenu umeme, mu riba ma hana Asere ma cukuno was barki hu. 8 Barki ani me, ca in gu barki Yesu, in zin in nikara in gun hu uwuzi vat imum be sa izi ihuma. 9 Vat anime barki uhem, iteki in nnoki inmyira, mi Bulus ucokoro ana me be vana inyang barki Yesu. 10 In zini u igizo ushi abanga avana um Unisimas desa mazi mazi aco ameme uganiya ma raa anyimo inya. 11 Uganiya me mazi imum ba ahira aweme ana me mazi imum ahira aru mi nan hu. 12 Mi monno ma tuburko me ahira aweme kasi nigoro ni iriba im. 13 Mazin uguna in inta me ahira am, ma wuzim katuma anyo aweme, uganiya sa ma raa anyimo inyan. 14 Ani me in da nyara in wuzi iri mum sarki uhem uwe me ba, kati imum be sa u wuza i cukuno dake unu hem uweme ba. 15 Nani ine ini ya wuna ya harzina cingili, barki ikuri i gurna sarki ukuru harzina. 16 Da kasi urerenba, ma aka ahira u rere, ma cukuno imumu wunairiba, ahira am nan a hira awe ahira atuma kani pum nan ka Asere. 17 Barki ani me ingi wa zikam uroni utanu kaba me kasi mime. 18 Ingi wa wuna imum i cara iriba, nani u tarsa me ire imum, kurzo ini ani ce num. 19 Mi Bulus, mi mani ma nyertike in tari tum, indi kurzo we ni, katti u iri imum me sa ma wuza ani ce ni weme. 20 U henu um, hem in kem iri mum sa inda perkem ba ahira aweme barki Asere, ca in kem imum be sa udi natim iriba barki Yesu. 21 Ma hem imumum be sa uwuzam, ine ini ya wunam ma nyertike, barki in rusa udi wuzi i aki imum be sa ma buka. 22 A'ani me barkam ahira utotto, in inso iriba ahem in mi u aye ahira ashi me barki biringara bishi me. 23 Abafaras, uroni um sa atirin duru nan me barki Yesu, ma iso shi. 24 Ane ani Markus, Aristarkus, Dimas, nan Luka aroni aka tuma kam wa isoshi. 25 Ca mu riba mu shi me mu cukuno lau anyimo niza ni Yesu. Ni cukuno ani me.