1 I Yesubma tubi inwe in ze torusa, magu unu nubu mabari imum uru imeme maketi a hirama in matiti ma henzi uwa coco makarsi madini makuri mabari ahira uzu mei urun uma titi, madusa a tanu ta piit. 2 Imum yanyame matonue anakadura kameme ura ma owawane ore sa makakaba ibru imatitima ma meki vana me watri wahu arume. 3 Koma wazekime, watirime, wa birko me wa dusa sarki iri mum. 4 Wa sake utumma aye ahira awame una kadura, watri me wakunna me iwowo anice wacekime in mu e. 5 Makuri matumi u ye unu inde ahu, wagumari aye awa me, watiri watiri wahuwatuzi we. 6 Mazi uni inde sa madi tumi, una adimo me ma guana unadumo sa madi tumime, wadi kunna biyau bi meme. 7 Anaka tuma waguana vana uyo ume mazi geme cati hu me ti cati imum ya choo me. 8 Wa meki me wa hu wa vingi me a ni kira ni ru. 9 Nyanini unu ru me, madi wu, madi huzi anu inta uru me, ma nya aye. 10 Da ya basa ihori ige me sa, nipo sa anyarime nini, ni neni na cukuna nipo ni tuba uru tini. 11 Tize uwatu Asere imumu ibiyau a je aru me. 12 Watubi unyarsa umaki Yesu. 13 Wa tuburko ma Farisiyawa wana Hiridiyawa, wa nyarisi me intize. 14 Sa wa e, wagumme, unudungara, inzome iri imumbe sa mabizema sizi anime, mazi neziwe nibaba nigome Asere ma nya kaisar imumsa izi kaisa. 15 Matinka malim mawa me nyanini i we me wa pattum. unyam imum sa mari ini. 16 Wa nya Yesu unu inde, mabukwe, muhenu maveni ma zige me, wa gu muhenu ma kaisar. 17 Yesu magu nya kisari imumbe sa izi kisari unya Yesu, imeme nyani imum be sizi ya Asere inyan Asere. 18 A Sadukiyawa e ahira a! eme wa debe sa maguna u hira uzoni wa iki me. 19 Uni bizizi Musa ma nyetike durin ingi uhenu ma womo maceki unej umeme, sarki vana anyimo uni henu, a uye mazi uneh me bayi mayo vana unu neti unanu me. 20 Anu sunare anihenu, wazi anya unu ne u inde unu tuba uzika me ma wii, ma ceki me sarki vana. 21 Unu ure ma wii maceki ine me sarki vana unu uku taru cangi ma wii. 22 Unu usunare ma wii ma ceki me sarki ahana u aye adumo me une ma wii. 23 Romo be sa Ugomo Asere madi e une me madi wa veni. 24 Yesu magu ine ini ya wuna i carsa abangan, barki uzatu urusa uni kara na Asere. 25 Rono u zauka anabuu, anya adi zoni, vat uru tidi cukunomana kadura Asere. 26 Abanga iwono, nanu uhirza ibe daki ya bassani ihori i Musa sa ma nyetike anyimo anijaa unu guna immani Asere Ibrahim, Asere a Ishaku, nan Asere a Yakubu. 27 An, debe sa Asere mazi Asere a weme anu vengize mani, wazome anu vengize mani wazome u guna aginwe mukizi muni ya hurna shi gbardang. 28 Uye ma e mazi kunna imum be sa wazi unu boo me, ma iri Yesu makabarka ma iki we, tiye tize yini tiduandang. 29 Yesu makabirka we tize ti dandang, kunna ni, anu IrailamUgomo Asere azia inde. 30 Udi tafna nan na Asere, Ugomo Asere vat ini riba iwe me, nanbi be biweme, wa nikara. 31 Tize tu kure, tine tini in taa uroni utura uwe me gusi nice nu we me, ure ukuri uka zoni sa uteki ugeme. 32 Unu nyetike, magu, rep unu urusa, ka dura kani Asere azi a inde, ara Asere azo ni. 33 Uhem me vat ini riba inde wanu rusa, vat nikara uhem uroni utura gusi ni wome ine ini itaki uni ure, ubonza adodu nan wiro udi roronga. 34 Sa Yesu ma iri, ukabirka umeme urisi, magun we uzo we piit nan nakura Asere abini ani daki uye makuri ma iki me iri mum. 35 Yesu mara udenge Asere magi unu boo uwe ti ze ta Asere, vana u Dauda. 36 Dauda biriri ba gunana, Asere, cukuno atinare tam indi kurzo aroni ishine iwome ati buna tiwome. 37 Dauda nice ni meme magu una kaba uru “Asere”, nyani ya wu a gum me vanu Dauda?, ni ori na nu kunna anyimo iri ba irum. 38 Yesu unu bezizi haka sake ina nu unyeyike anu unyara uniza uni sansani uni izini we ajira ani gura. 39 Anu nyara ahira ticukuno ti dandang ati denge ta Asere wanti hira tu tanda. 40 Wadi ribize ati kura ta neti a koro wa kuri wa wusi bi ringara bi joko bati uwuna ugino me imum izenze ini. 41 Ba abini me Yesu ma cukuno a nikuri a nyimo udenge Asere, unu hira anu unu rezi ikirfi anyimo ani kuri, anu gbardang wa rezi ikirfi idandang anyimo imumbesa wazini. 42 Ure ukoro une ma e ma reki anini ana re cas. 43 Ma titi anu tarsa umeme magu we, kudura ka zigeme imboo shi, imumbe ukoro uweri ugeme, mareki iso igeme iteki ukasu anume. 44 Wa nyaniza anyino ukem uwe, sa wazin, me anyimo udira ume uni, ma nya vat, mum be sa mazi.

<- Umarkus 11Umarkus 13 ->