1 Sa ma tuno ani po, ni ori gwardang ni tarsi me. 2 Akem uree ukuturu ma e ahira amee ma nonzome, magu, “Ugama sere, inki wa hem u zinu bari kpicom.” 3 Yeso ma witi tari madari me, magu, “Mahem u kpicuno.” Ahirame tikuturu tume tuhuma. 4 Yeso magunme, “Tarsa sekee kati ubuki uye iri mum senke uha ahira u nudang mabuku we uwuzi u sadiga barki we warusi, kasi gusi ubuka u musa. 5 Mazin inu ribe ukafar nahum makem ure vanu ruma ma' aye ahira ame innu pottiko ume tari. 6 Magu, “Ugomo Asere, vana um marari akura mawuno anire ni kira mazin nu zitto kan.” 7 Yeso magun me, “Indi e' in human me” 8 Vanuu ruma magu, “ugomo Asere, mabari u e' akura amba senke ubuki tizze vana um madi huma. 9 Barki mi cangi inra tari tiuye tini, anani kara nini kono maraa tari tum, senke ingu innu nuginome, 'Hana' amaha uye ingunme 'ayee' a-ma eye, ingu in nu ureree um, wuza ege mum a-ma wuzi.” 10 Sa yeso makunna anime, mabasa abanga magun nanu tarsa ume, inboshi kadure a'a nyimo isaraila cangi daa mu kem usa-sana uka dure kunu ge me ba. 11 In boshi, anu wdi e gwardang inna za nan na dizii wa cukuno in nare imummare nan ki Ibrahim, a Ishaku a yakubu Asesere. 12 Ahana ati gomo adi rekuwe ammareu abinime madi shi marumzi anyoo. 13 Yeso magun innu nani kame, “Dusa a ca uhemme sa wa hem ni u cukuno we anime.” Ahira me vana mahuma. 14 Sa yeso ma ribe akura a Bitrus, ma iri ugiri ubitrus ma rari uye si. 15 Ma dari me atari, ma humamari jen katuma kame. 16 U wun joro uwu wa ezzimen nanu agwerge ne gwardang, masu so we in tizee cas, mawu anu zattunu huma wa huma vat. 17 Agino me barki amyincikina ubuka u ishaya agi, inni cenu me ma inta u zatu uni huma niru, ma zika ti koni tiru.” 18 Sa yeso ma ira ni ori na kateme gwardang madusa mabu ki akuri u huru gino. 19 Ure unu dungara attaut ma e magun me, “Yeso indi tars a we vat ahira sa hana.” 20 Yeso magun me, ikukkure izin tuna tuwe i nyingin ma suu ma we vana unu ma zoo in kura ba. 21 Uye anyimo anu tarsa ume ma gunme, “Ugomo Asere da cekum inha inka vati ucokro um.” 22 Yeso ma gunme, “Tarsa ceki ande sa wa tawe Asere ba wa vatii anu u we sa tawe tize ta sere ba”. 23 Sa ma ribe ujirigi, anu tarsa u yeso wa tarsi me. 24 Upebu uhiri uraba udandang e barka imei hiri itonno itubi u mensi uzirgime, amen moroo. 25 Anu arsa umeme wa hirza me wagu, “Ugomo Asere buran duru tidi wi!” 26 Magun we, “Barki nyani ya kuna iyau ani me, anu hem u cin?” madiku hiri ma gwarika upebu nan meime, ahirame vat attonno dang. 27 Anu wa kunna biyau wagun, “Uyaa nu ma u dandang makunna me?” 28 Sama bi uhuru u ma nyanga ma garasiyawa, are ana ware in na gderigene wasuri anyimo anu cau waguri me, in wa in wa irawe imum ibi ya bini, ada tarsa me uname ba. 29 Wa'wu hunu wagun, “Nyani mei ma weni nan haru hu vana Asere? wa e ani barki uyumukon duru uganiya u daa?” 30 Ma haha cin ma iri nigo a nimaladu in nu kase. 31 Agdergene aburu wagu, “Inka wasuson duru utuburu kon duru ani go nimaladu.” 32 Magun we, “Hananii” bawa suri waribe amaladu wadusa nigome ukatino u raba udang waka rizzo amei wantiji.” 33 Anu kasen in maladu me wa sumi, wa ribe anipin wameki ukise imum be sa ya kem ana gberigene me. 34 Akem anani pinme wasuro wa gunna yeso, sa wa irame wa nyarme ma ce kuwe manyanga me.

<- Umatiyu 7Umatiyu 9 ->