1 Kati i cani uye uzatu kadure, barki kati a cani shi mani cangi. 2 Barki imum me sa ya weki, ine ini adi weki shini uyanga sa ya gutan, in une uni adi guti shini. 3 Barki yanini u hira ni kpeki ani je nu hume, da wa ira ukunti sa anuwe ni je me. 4 Aneni udi gu unu henu uwe, can inkari we nikpeki ani je nuweme, daki wa kara ni ge sa ni ra anwe nijeba. 5 Hu unu umum mu apuru, tuba kara nikpeki nini je nuweme, uduku iri riri uka kara unije nu henu uweme. 6 Kati inya iwoci imum igesa iri zi ba, kati ukuri i reki kapadari imum mu ihuma barki wadi patili, wa gamirka wa jani shi. 7 Ikoni ade yashi yara ni, idi kem nokini ade poki shini. 8 Vat desa ma iko adi yame, unu yara ma kenzi unu nosi u ana tukun a pogime ni. 9 Aveni ayimo shime, desa vana madi iki me imum are ma yame nipo. 10 Nani ingi ma iko me be cere, madi yame bi we. 11 A' anime shi adesa izin mu riba mu buri irusa uyiza a hana ashime imum iriri anime, akodi aco ashime sa mara Aseseri, sa ma yiza a desa wa iko me imum iriri. 12 A' anime vat imum me sa i yara anu wa wuzi shine, shi cangi wuzani weni, ane ani u inko u tize me uzi. 13 Ribeni aku na ku cin, barki una upas una iwono ini anu gwardang wa zwrsa uni. 14 Kuna ku me irere kune kuni una be sa idi han haru Aseseri, anu tarsa kuni wada ori me ba. 15 Rusani in na anu kurzozo utize a ma cico, a de sa wa eze shi unu subu i tam, a anime kadure ka zome ahira aweba. 16 A hira atanu ti we me tidi rusi we, adi wusi ane ni anu wa ori bisana ayimo ikana nyani uyo upom ukintu. 17 Ane ana vat utiti uriri uyozo ahana ariri, ane ani utiti uzenzeng uyozo ahana azenzeng. 18 Utiti uriri uda yiza me ahana azenzeng ba, ane ani utiti uzenzeng uda yizame ahana ariri ba. 19 Vat utiti ugebe sa unyinza ahana aririba adi koriko uni a punsi-ura. 20 Barki anime ani usuro ahana a we me adi rusi we. 21 Da koda aveni sa ma gusan mi, Asere Asere, madi ribe Aseseriba, an de wani sa wa wuza katuma ka aco am cas wadi ribe Aseseri. 22 Anu gwardang wadi gusin me runo ugino me, Asere Asere, data wuza katuma ayimo ni za nuwe me baa, ayimo aniza nuweme ta suzo agwergene, ta kuri ta wuza katuma ka dang ayimo ni nuwe mee. 23 Abine ani mi indi gun we, in tam inshi ba hirani abame shi ana katuma kaburk. 24 A, ani vat desa ma kunna tize tum ma tarsa madi cukuno gusi desa ma bari a kura aseseri anipo. 25 Ure rubi mei ma eh, upebu u hiri vat ani me akura agino me da arizo ba, barki sa a bari ani aseseri anipo 26 De sa ma kunna tize tum da ma tarsa ba mazi gusi ubabana ugino me sa ma bari akura Aseseri a b i kiki. 27 Ingi ure wa aye, mei ma tunno upebu w hure utuburko akura me, a rizi urizo udandang. 28 Sa yeso ma mari uboo utize ti ginome, anu gwardang wa hem unu dungara umeme. 29 Madunguri we kashi de sa ma bari, da kashi anu uyetike awe me ba.

<- Umatiyu 6Umatiyu 8 ->