1 Sa a hiraa sana ana katuma ka sere nan ana je wabari abanga agi wa hume. 2 Ba watiri me wa dusa in me, wa wa tii meatari ti Bitrus. 3 Sa Yahuda unu wito in guna ahume mairi aweki tize ti guna a hume, i mmume i wume nyei ma kurzo ikirfi me azumo awalwal akuro a taru. 4 Magu, “ma wuza imum izenzen sa ma nya unu ulau agi ahume”, Ba wagu, nyanini mgwei maruni? ade awe. 5 Ma samirka ikirfi azumo awal wal agino me udenge Asere, masuri maka cerike nice nume. 6 Anu agang akatuma kasere wa orso ikirfi me wa gu, “daki ya wuna uri tiwu ikirfi udenge Asere, barki ikirfi me ihunu. 7 Ba wa gamari tize wakpi masa ma hira uvarsi anu inni kirfi me. 8 Barki anime, u' aye uka nime atissa a hira me masa ma maye. 9 A nime a mgwinca ubuka uirimiya agi,” wa zika ikirfi azumo nawal wal akur ataru agino me uwal ataru uginome nan are a Israilawa wa wuzi a hira me gu uboo Asere. 10 Wa kpi masa munu bara umu haru ni, kasi gusi sa ugomo Asere ma buki. 11 Yeso ma tonno aje, ugomo ma ikki me. Aca hamani ugomo u ma yahudawa? Yeso ma gun me, “wa buka”. 12 Sa ana katuma ka sere nan ana je me in tize tume, daki ma buka imum ba. 13 Ba Bilatus ma gun me, dakki wa kunna bi gusa saw zinni ani ce niwe ba ? 14 A anime dakki makabirka me ani guran ni indai, ugomo me, biyau bi meki me kang. 15 U ganiya uidi una tigomo ma meyme ucensi uwe uni indai sa wa nyara. 16 U ganiya me atirzi uye nan me una niza Barnabas. 17 Sa wa orno Bilatus ma gun we, “Aveni i nyara in ceki shi ni? barnabas nani Yeso sa atisa me ugomo Asere?'. 18 Barki marusa malem mani mawu na a wito me. 19 Barki anime cangi, uganiya sa ma ciki azesere atigomo, une me ma tumi inka dura agi, suro abanga unu zattu abanga aburu agino me. ma zitton we atiroo. 20 Ba anu adang aka tuma ka sere wa rigiza anu inguna wa zauka Barnabas ahu Yeso. 21 Una tigomo me ma kuri ma gun we, “Aveni anyimo ana ware wa gino i nyara in ceki me?”, ba wa gu, Barnabas. 22 Bilatus ma gun we ani me ani indi wuzi, aveni Yeso sa atisa me mazaya? vat wa gu a gankirka me. 23 Mahgu iya imum? iya imum iburu ini ma wuza? wa kinki iyeze akme ra ni,” Agankirka me”. 24 Sa Bilatus ma ira daki ma mekin ace awe ba, ma kpici tari aje anbu magu, “mi ma suro in zoom in mgwei anyimo imum igeme, a ginop adee ashi”. 25 Anu wa kabrka vat wagu,' ni haiki nime ni ra ace aru nan ahana aru”. 26 Abini we madi cekuwe Barnabas, a mamu cobo Yeso ba ma nya a gankirka me. 27 Anani kara nini kono nu gomo me wa ha in Yeso a nyimo ani kubi nu gomo, wa wa ori ana ni kara nini kono ani ce ni me. 28 wa suso me turunga titi gomo as soki me things titi gomo. 29 Wa bari ni ire ni kana, wa sokki me wa witti me ubina a tari tinare, wa tunguno aje ame innu wuza ume ni bassa, innu gusa, “ivai idodonkino ugomo uma yahudawa! 30 Wa cof me tobi wa ziki ubina wa cofi me ani ce. 31 Sa wa mara uwuza ume nibassa, w suso udibi uti gomo me, wa soki me turunga ti meme, wa dusan me wa ka gankirka me. 32 Wa zi in tanu, wa gun nan ure unu nizame Saminu. Wa wu me ma han nu titi ugankirka u yeso. 33 Sa wa biki a hira me sa a tisa ani ugolgota, unu guna ukuku u nice. 34 Wa ketilke uwangu nan ire imum gban gban masi, sa ma donkino ma gaa me usa me. 35 Sa wa gankirka me wa wu awuzi bizawazawa a hira u hara me. 36 Wa cukuno wa zinnu bee ume. 37 Wa nyettike upuru unice, wagu,” me mani ugomo umayahudawa . 38 A kuri a gankirka a kari ware nan me, unu indai a tari tinare unu indai a tari ti nan gure ti meme. 39 Anu agiza una wa aki innu boo u tize tu zattu runta innu zuro ace. Innu gusa, “Hu sa udi tuburko udenge 40 asere u bari ati ye ti taru bura nice niwe ti iri! Inki hu vana Asere mani tonno azere utiti me ni! 41 Anee ani anu adangdang aka tuma ka Asere nan na nu dungara ataurat nan ana je me wa mekki uwuza ume nibassa, wa zi innu gusa, 42 “Ma bursa aye, ca ma buri nice ni meme. me ugomo wa israilawa mani ca matu ana me tidi hem imme. 43 Barki Asere ani ma tonno, na Aserer me a buri me ana me, sa ma gussa agi me vanna Asere. 44 A karii agino me sa a gankirka we ni goo me wa zoogizi me cangi. 45 Innu wui atie ace a hira awu mareu uhana azumo kataru uwunjoro. 46 A zumo a taru me Yeso ma yeze nimigran magu, “Eloi Eloi lama sabaktani? Ugomo Asere Ugomo Asere nya nini ya wuna wa ce kum? 47 Aye wa turi maamu a hira me wa kunna, wa gu,” unu me ma zinnu tisa u Iliya mani”. 48 Ba uye anyimo awe ma hiri innu sum, maka rumzo usoso a mgwei ma gwarara, ma yeze innu bina ma nya me masi. 49 U kasu u aye anyimo awe me wagu cekki anime ti iri nani Iliya madi buri me. 50 Yeso ma kuri ma yeze nigwiran inni kara, ma diku nya nice. 51 Ugebtu me sa ura a nyimo udenge Asere me u wata kare inna zessere utino adizi. Adizi azuruno, apo awara. 52 Apokizo mucau, anu alau sawa wijo wa hirsa. 53 Wa sussi a nyimo amu cau, a mamu hira iwono me, wa ribe ani pin ni lau wa bezi ace awe me. 54 Sa una ni kara nini kono nan aaye ni go me sa wa zinnu bee uYeso me wa iri a hira azuruno imum be sa ya kem, biyau bi meki we, wa gu, “kadundere unu ge vanaa Asere mani. 55 Ara nu gwardang wa zi watarsa usuro uma nyanga mu Galili, innu wuza ume imum iriri. 56 A nyimo awe Maryamu magdaliya nan Maryamu a ino a yakubu nan Yusufu nan ka ino a hana a zabadi. 57 Innu wunjoro shew uru nu kem ma eh, unanu Armatiya, niza me Yusufu, me cangi unu tarsa u Yeso mani. 58 Ma ha ahira a Bitrus ma iki anya me nipum ni Yeso. Ba Bilatus ma wu anya me. 59 Yusufu maziki nipum me, matirzi innu malti ulau. 60 ma wu me. ara hira sama bara urobo nipo ma inko nice nu me ni, mavenki nipo ni dang ma inki me ni ma dussa. 61 maryamu magadaliya nan Maryamu ukure me wa ciki aje icau me. 62 Sa a hira asana, umara, ubara abanga me, anuj katuma ka sere nan nanu beezi urusa wa gunna a hira a bilatus. 63 Wa gu ugomo udang, taa ringi imum be unu rangigizaa nu a ginome sa maa vengize mabuki madi hiri a nyimo ati ye ti taru amu cau. 64 A nime buka aka be icau me u hana a tiye ti taru katti anu tarsa umeme w cuzi me, wa guin nanu agi a mahira a nyimo. icau ini, urangiza umaassiza udi tekki utuba. 65 Bilatus ma gun we, “A nee ani in tani an kara nini kono ika korso a hira me innin kara ni shi. 66 Wa dussa waka korso a hira. mu cau me, wa wu. u inko. ubezi. ahira me .

<- Umatiyu 26Umatiyu 28 ->