1 Yeso ma kuri ma wuzi we tizze ma bati we ire imum magu. 2 Adi bati tigomo ta Asere nan ure ugomo desa ma wuzi vana umeme igab. 3 Matumi anu utarsa umeme wa titi andesa aboo we wa ēh ahira igab me andesa aboo. 4 Makuri ma tumi are anu tarsa umeme ukure, magun we, ka bukani we mamu mara ubara imumare a wesi ina wan bige be sa a inta bini akura, vat a mara ubara ukodi nyani ayeni igab me. 5 A' ani me wa game uwna uni cheni, wa dusa we imum iwe, uye madusa me uru uye madusa uziza adadu. 6 Ukasu me wa miki arere una akura me, wa duri we wa hoo we. 7 Ugomo ma wu iriba, ma tuburko anani kara nini kono numeme, wa ka huna an desa wa wuza me anime wa punsi ku pin me vat. 8 Magun in nanu utarsa umeme, nigura me na cukuno nigora an desa aboo we ni da wa ha nam ba. 9 Barki anime hanani ana tukun ani pin, boo ni vat adesa ya kem, wa ē anigora me. 10 Anu tarsa umeme wa dusa utarsa uti naa, wa urso vat an desa we kem ana aburi nan ariri vat a urso we a ēni, ahira anigora a myinca ina ganu. 11 Sa ugomo ma ribe u ira unigora ma iri ure unu da ma suki udibi u aye unigora ba. 12 Ugomo ma gun me, unu-ubu aneni wa aye bame sarki udibi unigoraa unu me da kem imum i buka ba. 13 Ugomo magun inanu utarsa umeme, tirani me tibuna nan tari i vengime anyimo mare mabibiti abini me adi shi a rummizi ahini. 14 Atiti anu gwardang anyimo aweme azauka ana acin. 15 Mafarisawa wa gomirka imumu i gebe sa idi cara tizemeni. 16 Wa tumi anu tarsa umeme ahira mer nan adesa wa zinan Hiridus, wa gu, unu ubu haru ti rusawe una kadure mani, uzini udungara tize ta Asere gwem barki wa zika kodavi. 17 Bukan duru imumme sa wa ira, ya wuna uri ti nya imumme sa izi ikasari nani ani. 18 Sa yeso ma tinka imumu imu riba mu weme, ma gun we nyanini wuna inyara imansam shi ana mu riba muburyi. 19 Bezi mi ikirfi, wa dusa wa ēn me in bikirfi. 20 Yeso magun we, ihuri igeme nan niza ini geme na veni. 21 Wagun me, ni kaisar nini ba magun we, nyani kaisar imum be sa izi i kaisar Asere imum be sa izi ya Asere. 22 Sa wa kunna anime, wa kunna biyau wa dusa we. 23 Uwui uginome mara masa dukiya wa (an desa wa gusa, ingi wa wono uka hira uzoni) wa ē ahira ameme, wa ikime. 24 Wagun me, unubu musa magun, ingi unu ma wono da ma ceki uye aduma ba, uhenu me madi cukuno nan uneme anime barki ma yoo uhenu ahana. 25 A wuzi aye anu usunare ahana aruma ani henu nu weme, unu utuba ma wuzi ya sa ma wono barki da ma yooba ma ceki uhenu umemeni uneme. 26 Ane ani unu ukureme ma wuzi nan unu utaru me, awuzi anime uka biki unu su sunareme. 27 Sa wa mara uwuza ugino me, une madusa ma wi. 28 Uwui uhira a yimo iwono, une wa aveni madi zi anyimo aweme anu usunare uginome barki vat uwe wa wuzi aya nan me. 29 Yeso makabirkawe magun, ya camani barki sa ida rusani tize ta Asere ba, ida kuri irusi shi ubari Asere ba. 30 Barki uwui uhira anyimo iwono, anyā azoni uwuza anyā uzoni, ti di cukuno kasi ibe ika dura ka Asere sa wara aseseri. 31 Abanga uhira anyimo iwono, dayamu iraba imum me sa Asere a gushiba agi. 32 Mimani Asere aweme ma vengize dā anu zatu uvengize waniba. 33 Sa anu wa kunna anime, wa kunna biyau ini mumme. 34 Mafarisawa sa wa kunna mā maran in masadukiyawe, ba wa urno. 35 Unu inde anyimo aweme, ure unu bezi urusa barki ma mansa me ma iki magu. 36 Unu dungara, nyanini itteki in nikara anyimo tize ta Asere. 37 Yeso magun me, hem in na Asere aweme ini riba iwe me me vat nan nice nuweme. 38 Ine ini imumu idan dan in nu tuba . 39 I kure izi gusi ituba ini, hem inu henu uweme gusi nice nuweme. 40 Ahira imum kare kagino vat tize ta Asere nan ta anu dungara ta hem in. 41 Datti afarisawa wa uri ahira a inde, ba yeso ma iki we. 42 Magun we i ciram aveni, mi vana aveni ba wagun me vana udauda mani. 43 Yeso magun we, aneni Me Dauda me unu bari u bi be biriri ba Asere ma kuri magu. 44 Asere agunka Asere am, cukuno a tari tinare tum, indi tari we aseseri ade sa wada nyara u ira uweba. 45 Ingi Dauda matita Asere anime, adi wu aneni ma cukuno vana umeme. 46 Ba desa ma kuri mā buki tize, abini me unu iriba ihu mazoni sa madi kuri ma iki me iri mum.

<- Umatiyu 21Umatiyu 23 ->