1 Uganiya me ugomo hiridus antitas makunna abanga a yeso. 2 Magun nanu aka tuma kameme yohana ubaptisma mani. A hirza me a hira ani wono, ine ini ya wuna mazin una bari u wuza uti mum tidandand. 3 I rusa hiridus mā meki yohana ma tirzizi me ma han me akura ani rer barki hirudiya, unee u henu u filibus. 4 Barki sa mā buki me idda rizi me ma wuzi anya nan Hirudiya ba usuro u, inko utize. 5 Hiridus ma nyari uhuna ume, ma kunna biyau barki sa anu wa ziki me unu kurzuzo utize ta Asere mani. 6 Sa uwui uyo uhiridus wa kete uca u hirudiya ma wuzi morso anyumo anu Hiridus ma kunna urunta kang. 7 Ma inki me tize nan itono agi madi nyame vat imum me sa ma ikmo. 8 A ino me gun uca me ma nyame nice yohana unu baptisma a'ana me ayumo iso. 9 Ugomo ma wu apuru abid, barki itono sa mamu wuza anyimo anu ma gu anyame. 10 Ma tuburko akura anirere me a ha aka yoro nice ni yohana. 11 A en nice me anyumo iso a nya uca me maka nya a ino me. 12 Anu tarsa ume me wa ziki ikizi me waka vatti wa ha wa ka buka yeso. 13 Sa yeso makunna ani me ma ribe uzirgi umei ma kata a ara hira sa madi cukuno in sisin me. Anu ati pinpin sassas wa tarsi me ati buna. 14 Sa ma tuno uzirgi me ma iri anu wa orno gbardang ma kunna ugogoni uwe ma hunzan are ana tikoni. 15 Sa uwunjoro wawuna anu tarsa ume me wa ka kem me wa gun me uwui wa mara ceki anu wa ka nyara ace awe imum yare ati hihira. 16 Yeso magu, “Dakiya cukunnu gbass wa dusa ba, nyani we ire ium wa dusa ba, nyari we ire imum wari.” 17 Wa gun me ubiredi unu cibi uni tizin nan icere ini ire cass. 18 Yeso ma gu nyani mi. 19 Yeso ma gun nanu me wa cuku ati kpe. Ma ziki ubiredi unu cibi nan ni cere ini ire me, ma yese aje aseseri ma ringirka ma pussi ubiredi me ma nya anu tarsa ume me wa nya niura na nume. 20 Vat wa re wa tii, wa orre ukasi me umyinca mugira belum. 21 Anu sa wa re wa biki aru cibi ahana aruma sarki ane nan ahana . 22 Sa wa mara yeso ma wu anu tarsa umeme wa ribe uzirgi mei bati wa kuri nikira, ma tonno bati ma gun we wa dusa. 23 Sa ma gunna we wa dusa ma nyene ani pana in nice nume uwuna ubiringara. A hira abee a me abini me in sisin me. 24 Uganiya me sa uzirgi me wa biki atii uraba udandang, i barka imei nun zuro uzirgime, upebu in nishina nan we. 25 In na rumu a taru aniye wa iri yeso ma haka asesere a mei me tantu aye ukem uwe. 26 Sa anu tarse umeme wa ira me in tannu asesere amei wa kunna biyau wa gu, “Imoli ini,” barki biyau wa wu uhunu. 27 Yeso ma buki we tize dibedibe ma gun we, “Katti ikunna biyau ba in mani natani muruba.” 28 Bitrus ma kabirka ma gun me “Ingi homani ugomo Asere wuna in ee ikem we asesere amei me. 29 Yeso ma gun me, “Aye.” Sa Bitrus ma suro anumo uzirgi me, ma tunguno tanu asesere amei tantu ka kem u yeso. 30 Sa Bitrus ma ira upebu me ma kunna biyau ma tubi upirsa ma wu uhunu ma gun, ''Ugomo Asere buram.” 31 Yeso ma witti tari, dibedibe ma meki me ma gun me'' Hu unu hem ucin nyanini ya wuna we uhara iruba? 32 Sa yeso nan Bitrus wa rube uzirgi me upebu me u tunno. 33 An de sa wa rani uzirgime wa nonzo Yeso wa gun me, “Kadundura hu vana Asere mani.” 34 Sa wa kafa wa tu a manyanga mu jansarat. 35 Sa ana nipin me wa rusa yeso mani wa tuni vat ana nyaga me a een na nu ati koni. 36 Wa ikki me ca w dari udibi ume me, vat de sa maz dāri ma huma.

<- Umatiyu 13Umatiyu 15 ->