1 Barki titi anu tarsa umeme u kirau in nana ware, ma nyawe ni kara nu suzo agberdene abit. Wa hummu zan inti koni sasas. 2 A na kadura ukirau na na wera tiza tiye, unu tuba saminu desa atissame bitrus nan nu henu me Andrawus, a yakubu vanu Zabadi, nan nu henu me yahaya. 3 A filibus, nan Bartamawus, nan Toma, a matiyu unu kabsa ikirfi, nan yakubu vanu Halfa, nan yahuza. 4 A saminu bakani ane, nan yahuda isikarayoti desa ma nya yeso atanri tana madini. 5 We ukirau inna na ware yeso matu mi we, mabuku we, magu, “Kati irebe a ma nyarga manu tame tize ta Asere nani ani ain ni masamariyawa. 6 Senke iha ahira itam anu isaraila. 7 I zin tanu in tize turunta, innugussa ti gomo taere ta aye mamu. 8 Humu zzni inna nu zatu nuhuma, i hirza anu wijo, i vissi makuturu, i suzo agbergene. Kasi gussi sa ya kem anime, anime ani idi nyin zi. 9 Kati i inta ikirfi ya zumo a wal-wal, ba nani a zumo alau, nani azumo abit, u cira ushime. 10 Kati iziki u badau atanu tishime, nani turunga kare, nani akwatak nan nu bina, yawuna uri unu ma ri anyimo akatuma kame. 11 Vat nipinme sa ya ribe, i nyari unu u tep i wuzi ni gen ni shine ni u shi. 12 Inki idi ribe akurame i gu ga aja u shi. 13 Inki akura ahuma ani, wadi kabi ni issi ni shime, inki a zoome ahuma ba idi kuri wada kababa. 14 Vat desa magame ubuka utize nan shi, nani makunna tize tishi, innu suro ushi ikuburukka ussusuru utubuna tishime idusa. 15 Kadundure kani, inboshi roni tize me adi tekki innu cekki uni pin nu sabo ma nan nu gomarata inni nipin niginome. 16 I ye, matumashi kasi itam atii amadaru. Anime cukuno ni jinji kasi iwa, anu zatu ticari kasi ihurbe. 17 Wuzani seke innanu, wadi hanshi ati gomo, wa cobi shi ati denge tini nonzo nuweme. 18 Wadi hanshi aje ati gomo barki mi, barki ibuki immum aje anu zatu urusa utize ta sere. 19 Uganiya sawa hannan shi, kati i wuzi ma aye matize sei di wuzi ba, nani imummu ubuka. 20 Dakki shewani idi buki tize meba, bibe ba coo ushime bini bukki ati nyo ti shime. 21 U henu madi nya uhenu ahume, a coo maddi nya vana. A' hana wadi wudi uzattu kunna wawu a hu anka coo. 22 Ko davi madi game shi barki mi, vat desa ma tonno in i kara me mani madi kem u bura. 23 In ki wagame u ira ushi ani pin me i akki uhana aje. Vannu nu madizee a shii da sarki ukatee uti pin-pin ti isaraila. 24 Unu tarsa u dungara mada akkame unu dungarame ba, urere madaa aggi zame una kura ame ba. 25 Yabari unu tarsa unu dungara ma cukkuno kashi unu dungara ume, ure re kassi una kura ame, in watitta una kura ba'al zabul, ana kuramee wadi titti me ani! 26 “Katti ikkunnabiyau ba, barki imum be sa i inpi idi pokino nani imum be sa izi nihunzi adi dezi ini. 27 Imumbe sa yakkunna abi bukkum inye ne assrer ibezi. 28 Katti kunna biyau banu huna unu, wadake wada huname bibeu buwe ba, senke ikunna biyau bide sa madake ma hu bibeu me nan ni pun vat akura ura. 29 Daa, vana ubi uyin ikobu ini re ini ba? bire bidi da wonome sarki u hem ume. 30 Marusa vat ugwardan utice ti shine. 31 Kati kunna biyau ba ugancan ushine uteki umu uyin gwardang. 32 Anabu wa be zum uhem, micangi indi bezi uhem ahira a coo uru asesere. 33 Desa magu na ma taa me, mi cangi indi gu in taamme amuhe nu ma nabu ahira ugomo Asere. 34 Kati iziki ma aye innu runta uni a nyomo unee um. U vira uni daa gi uruntaba. 35 Ma ayee ni inpati unu ishina nan ka coome, u ca nan ka inome, unee nan nu giri. 36 I di cukukono ana kura wani ani shina unu. 37 Desa mateki innu hemun inka coo nan ka ino daki ummani mazi ba, ane ani vana nan nu ca daki um mani ba. 38 Desa daki mazikka ugankirka utiti umeme ba, daa yawuna uri macukuno umba. 39 Vat desa ma hem inni ce nume, ma di diri nini. Vat desa madira nice nu me barki mi, madi kem asesere. 40 Desa maa hemmin shi, mahemmim mi, desa mahemmin mi mahemmin desa matuma. 41 Desa mahem in ureunu kurzuzo u tize madi kunna urunta unu kurzuzo tizee. Dedesa mahem innu adili madi kunna urunya uadili ne. 42 Vat desa ma nya ure vana uledai umei barki me unu tarsa ummani madi da dirame imum b a.

<- Umatiyu 9Umatiyu 11 ->