1 Yeso magu nanu tarsa umem, ya cukono animetire timumu tiwuzan duru tipiko, senke ushi sa udi eh anice ni uye. 2 Uteki in ka a wuna nipa ni iriri, a soki we a nyimo a niwun, kati ma wu a hana wa rizi. 3 Hira nice ni weme, inka uhenu uwe me ma chama, gbarka me, inka ma gamirka, kati iriba iweme. 4 Inka ma chara we iriba kanu sunare, ma kuro kanu sunare, unu guna, ''Maceki'' ya cukumo iriri, kara iriba. 5 Anu tarsa wa gu imme, ''Kinki duru nikara ni tarsa uwe me,'' 6 Unaa kura magu, ''Inka izinni inlo iriba gu biho bi titi u mastad, idi gu unnutiti, ''Ta rufa,'' a nuka a nyimo ani gwin,'' udi wu imumsa wa buka. 7 Senke aveni a nyimo a shi me, ma zinnu rere in katuma uuu nani itom, madi buki me, inka ka aye usuro anijaa, aye uri, imun are? 8 Ma nyari me u buka urere me, siram ire imumare tira nitira a tiruma tiwe me, uhem in mari are me. Hu uri inna dumo 9 Ma gunme u guna urere me tononzo barki ma wuzi imumsa a dungurkame, ma wu? 10 Shi me cengi, inka ya wuza vat imum udungurka me, idigu, ''Taa bari ba,'' ti wunn imumsa a buka duru. 11 A biki uganiya a sa maaribe Urshalima, ma ha ubinani usamariya nan uGalilee. 12 Sa maribe a nyimo anigiro, monno ma gurna nan are anu ukirau a kuturu. Wa tonno piit. 13 Wa yeze a mgmirang wa gu, ''Kunna ngogoni uru, Yeso.'' 14 Sa ma iri we ma gu in we, hana ni ika bezi unu inusa tizeta sere. 15 Unu inde a nyimo a we me sa ma huma, ma gamirka innu gmirang ni dandang innu honzo Asere. 16 Maa tunguno a tibuna ti Yeso, inna puru arom, uSamariyawa mani. 17 Yeso ma gu, ''In gusa ani kirau wani wa huma? anu uuro wa ra? 18 Daki akan uyesamakuri wa nonzo Asere ba Senki ugenu ugeme? 19 Ma gu imme, Hira u dusa! Kadura kawu me ya wuna wa hum.'' 20 Sa anu ubazi urusa wa iki, rono u aye Asere Yeso ma kabirka we magu,'' A kura Asere ada aye barki ugamara a nu ba. 21 Nani wadi gu, ira, iyenne! nani, ira a birko, Akura Asere a raa anyimo a shime. 22 Ma gu inna nu atarsa umeme, tiye ti eze sa idi inki iriba u ira u vanna sere, idi kaa ira me ba. 23 Wadi gu inshi, ira, a birko, ira, a banna, kati isuri a matara nani itar si we ba; 24 Gu u wuna a hira mel-mel a hira a zesere uhana are me, a nine ani vana Asere madi zo rono uwui umeme. 25 Senke utuba me madi zitti atinaa sasas ani wadi nyari me. 26 U ganiya ugeme, gu a tiye ti Nuhu anime ani atiye ti vana unubu. 27 Waari, iva sizi, wa wuzi anya, a nyizi we anya senke rono sa Nuhu ma ribo a nyimo u zirgi, urigawa ma eh mahuu wevat. 28 A nime ani ya kem ani atiyet Lot, wa zin tire, ukpija nan nu ziga, tibira nan asoh. 29 Senke rono sa Lot ma suri a nyimo u Sodom, a rubi ure ura a zesere wa huu we vat. 30 A ne ani idi zi rono u aye uvana unu. 31 A nyimo rono me, katli iceki unu sa ma raa azesure a kura matuu uzika tirannga a kura ba, kati a ceki unu uge sa mara a masa a makuriba. 32 Ringin une u Lot. 33 Unu uge sa ma zinnu nyara wai imeme madi diri ini senke unu uge sa madira ivai imeme madi kem ini. 34 Ma buka shi, aniye nigeme adikem ana ware warari ukomi, inde aziki unu inde a ceki unu inde. 35 A di kem ane ware iti nanzu, a ziki unu inde a seki unu inde. 36 Anu war a uruu, adi ziki unu inde a ceki unu inde. 37 Wa iki me, abba una kura? ma gu in we, a hira sa ikizi irani magbuluk cangi wadi ornon.

<- Uluka 16Uluka 18 ->