1 Aname abanga a u imum u orso imum ubenki anu tarsa Asere Asere, gusi imum be sa ma wuna shi ana ti denge ta Asere ta u ugalan tiya, ane ani idi wuzi. 2 Roni utuba utiye sunare, koya unu ma inki ire imum mazi nu orso asesere urosa u shi wuzani anime inki ma aye ine ini adi orso. 3 Inki ma aye, indi tumi vat ande sa ma hem in we in kadure kunyetike wa haan in kadure me urushalima. 4 Abine ani inki ya wuna urii mi ma indusa, wadi dusa nan mi. 5 Indi e ahira asime uganiya be sa ma wata u maki do niya, barki indi wata u maki do niya. 6 Inki idi wu in hira indi dendokino ahira ashime, in hira indi biki nikuzi nan shi, barki i benki ni mi atanu tume, vat ahira me sa in haza. 7 Ane ani inda nyaram uguna in iri shi uganiya ucigililin. Barki in nyara in zaki uganiya nigoo nan shi, inki ugomo Asere ma hem. 8 Abanna me indi tonno u afsus u hana batuu ahira anu kirau ina anu ware (pentakus). 9 Abanna me aronii ishine wa raa ni gbardang. 10 Uganiya sa timoti mā aye irosi mkuno sas anyimo a shi, sa ya cukuno katuma ku gomo Asere kani mazini gusi mime inzini. 11 Kati icukuno koda vi ma izii me, ca icukuno shi ya tibin me uhuu ma, barki mā kuro ahira am, barki in zinu ubẹ utina timeme nigoo nan nihenu. 12 Abanna me tize tuhe nu aru afollos mā nya me kadure ma kem shi woni henu. Barki ani mada nyara u aye ba. Inki uganiya wa aye madi ē. 13 Cukuno ni unu urosa, tonno nii anyimo a kadure. 14 I bezi iruba ya hana aruma, wuna ni ruba i huū ceki vat imum ni be sa idi wuzi i wuzi anyimo anyara acee. 15 shi sa rosa ahana a kura watubi wa kabi tize ta Asere, wakuri wa witit acce ahira u wuza u katuma, a'aname in zin nu tira ushi tani nibe nu. 16 Tarsan usasana anu agino me nan de vat sa mabengizi shi katuma, makuri ma zinu zito ni goo na harj. 17 Mā wuza iruba irum unu aye u istifanus, afotinas, akaikas, wa benkum u inta ushi. 18 Abanna me wa huma bibe nana shi, Barki anime, wuzan seke nan anage utize ta Asere me. 19 Ana tindenge ti manyanga mu asiya wa iso shi, Akila nan Bilkisu, ni goo nan udenga utize ta Asere sa mazinu tuburo meakura aweme, wazinu isso shi anyimo Asere. 20 Vat nihenu anu tarsautize ta Asere in isso shi. Isso na acee wanu gbindirko memeru. 21 mi Bulus, inzinu nyetike igeme in tari tum. 22 Vat de besa daki mā hem unu ugomo Asere ceki ma cukuno unu uzenzen, ugomo Asere uro aye! 23 Uronta ugomo Asere u cukuno nan shi. 24 Ceki uhēm um u cukuno nan shi vat anyimo aniza ni ugomo Asere. (icukuno anime).

<- Ukorontiyawa Utuba 15