1 Kiŋ Jerusalemŋa Adonisedek gêŋô Josua kêku malac Ai tulu to geseŋ malac tau samucgeŋ su ŋawae. Josua gêgôm malac Ai to ŋakiŋ kêtôm gêgôm gêdêŋ malac Jeriko to ŋakiŋ. Kiŋ tau gêŋô biŋ teŋ gêwiŋ gebe Lau Gibeonŋa sê wama gêdêŋ lau Israel ma sêmoa sêwiŋ êsêac. 2 Eŋ gêŋô biŋ tonaŋ ma kêtêc tau gebe Gibeon malac kapôêŋ kêtôm kiŋnêŋ malac ŋagêdô, ma malac tau kapôêŋ kêlêlêc Ai su ma nêŋ lau samob lau toŋaclai. 3 Kêtu tonaŋŋa kiŋ Jerusalemŋa Adonisedek kêsakiŋ biŋ gêdêŋ kiŋ Hebronŋa Hoham to gêdêŋ kiŋ Jarmutŋa Piram ma gêdêŋ kiŋ Lakisŋa Japia to gêdêŋ kiŋ Eglonŋa Debir ma kêsôm gebe 4 “Api andêŋ aê amêŋmaŋ ma anam aê sa. Aêac tanac Gibeon gebe êsêac sê wama gêdêŋ Josua to lau Israel.” 5 Go lau Amor nêŋ kiŋ lemeŋ teŋ tonec, kiŋ Jerusalemŋa to kiŋ Hebronŋa ma kiŋ Jarmutŋa to kiŋ Lakisŋa ma kiŋ Eglonŋa sêkac nêŋ siŋwaga sa ma êsêac tonêŋ siŋwaganêŋ toŋ samob sêpi jasêgi malac Gibeon auc ma sêjac siŋ gêdêŋ malac tau.

6 Ma lau Gibeonŋa sêkêŋ biŋ gêdêŋ Josua gêja Gilgal ma sêsôm gebe “Ôŋgamiŋ taôm êndêŋ nêm sakiŋwaga atom. Ôpi ôndêŋ aêac ômôêŋ sebeŋ ma ônam aêac kêsi to ônam aêac sa. Gebe lau Amor nêŋ kiŋ samob, taŋ sêŋgôŋ gamêŋ lôcŋa naŋ, sêkac sa sêmêŋ gebe sênac siŋ êndêŋ aêac.” 7 Ma Josua gêdi aŋga Gilgal ma kêpi gêja. Siŋwaga to lau toŋaclai samob sêsêlêŋ sêwiŋ eŋ. 8 Ma Apômtau kêsôm gêdêŋ Josua gebe “Ôtêc êsêac atom, gebe aê kakêŋ êsêac sêsêp aôm lêmam sugac. Êsêacnêŋ ŋac teŋ oc êkô aôm auc atom.” 9 Josua gêdi aŋga Gilgal ma kêsêlêŋ gêdêŋ gêbêc samuc tonaŋ ma gêô lasê gêdêŋ êsêac e têtakê. 10 Ma Apômtau gêgôm êsêacnêŋ meloco kêsa e sêc lau Israel, taŋ sêjac êsêac ŋanô aŋga Gibeon naŋ su. Lau Israel sêjanda êsêac sêsêp intêna Bet-Horonŋa, ma sêjac êsêac e jadêdêŋ Aseka to Makeda. 11 Gêdêŋ taŋ êsêac sêc lau Israel su sêsêp intêna Bet-Horonŋa sêja naŋ, Apômtau tau kêbaliŋ poc kapôêŋ aŋga undambê jakêtuc êsêac e jasêô lasê Aseka, ma êsêac sêmac êndu. Lau taŋ sêmac êndu kêtu kom pocŋa naŋ, taêsam sêlêlêc lau, taŋ lau Israel sêjac ŋa siŋ êndu naŋ su.

12 Gêdêŋ bêc, taŋ Apômtau kêkêŋ lau Amor sêsêp lau Israel lemeŋ naŋ, Josua kêkô lau Israel laŋôŋnêm ma kêsôm gêdêŋ Apômtau gebe

Biŋ tonaŋ teto gêc Jasarnê buku gebe Oc tau kêkô umboŋ ŋaluŋ ma kêkac tau gebe naêsêp atom, kêkôgeŋ kêtôm bêc samuc teŋ. 14 Bêc teŋ kêtôm tonaŋ gêc gêmuŋ atom ma gêc atom e mêŋgêdêŋ galoc. Gêdêŋ bêc tonaŋ Apômtau kêkêŋ taŋa ŋac teŋ awa ŋam gebe Apômtau gêjac siŋ gêjô Israel.

15 Go Josua ma lau Israel samob sêc sêmu sêja nêŋ gamêŋ Gilgal kêtiam. 16-43 [a]

<- JOSUA 9JOSUA 11 ->