Kepma pähap kubä bureni-inik api ahäwek. Kepma uken ämawebe inita nadäŋirä ärowani täŋpanikät wakiwaki täŋpani unitä mup kubit täwani ude äworeŋirä kädäptä kudup api ijiŋ paotneŋ. Kokoki täpuri kubä nämo api itneŋ. 2 [b] Täŋ, näk wäpna biŋam oraŋ namik täkaŋ inken näkŋo yäpä-siwoŋtak piä kehäromitä edap dapuritä-yäŋ abäŋ tamiŋpäŋ yäpätägaŋ tamek. Ude täŋ tamiŋirän oretoret bumta, bulimakau nanakitä yewa gänaŋ naniktä äpämaŋ päŋku täŋoret täk täkaŋ ude api täneŋ. 3 [c] Kadäni piä ude täŋpayäŋ täyatken inä äma wakiwaki yärepmitpäŋ kugun ude parirä uterak yeŋtäŋ kuŋ äbäk api täneŋ. Yawe kehäromi mähemi näkä ude yäŋkehärom täyat.

4 Unita in näkŋo baga man, piä ämana Mosesta Sinai pom terak imiŋkuro unita nämo guŋ täneŋ. Man imiŋkuro u Isrel ämawebe in kuduptagäntä iwatneŋta imiŋkut.

5 [d] Täŋpäkaŋ Yawe näkŋo kadäni umuri pähap unitä nämo ahäŋirän intäjukunä profet Elaija api taniŋ kirewet. 6 Elaija u taniŋ kireŋira nädanani täŋo kokwawak yäpän-siwoŋ tawäpäŋ api yepmaŋpek. Ude täŋkentäŋ tamikta nadäk nämo peyat yäwänäku äbä komejin täŋpa wakkäneŋ.

<- Malakai 3