Esekiel

Isrel ämawebe ämatä komeken irirä Profet Esekieltä Anutu täŋo manbiŋam yäwetkuk

Äma täŋo nanak, gäk akuŋpäŋ iriri man kubä gäwerayäŋ yäk. 2 Ude näweränä Munapiktä näk magätpäŋ yäpmäŋ päŋaku nepmaŋpän käroŋ itkaŋ Anututä man ŋode yäŋirän nadäŋkut; 3 Äma täŋo nanak, Isrel äbotken gäwera api kwen. Äbot uwä peŋawäk täŋpanitä mäde ut namiŋkuŋ. Ämawebe apiŋo itkaŋ u äbekiye oraniyetä man bitnäk täŋ yäpmäŋ äbuŋo udegän ärowani pen täŋ namik täkaŋ. 4 Uwä gwäki kehäromi, manna nämoinik buramik täkaŋ. Unita Ekäni Yawe ärowani näkä man gäwerayäŋ täyat udegän kaŋ yäwet yäk.

5 Täŋpäkaŋ uwä äbot ärowaniinik unita yäweriri nadäŋpäŋ nämo käwep api nadäŋ gamineŋo upäŋkaŋ ŋode api nadäwä tumneŋ; Profet bureni kubätä bämopninken itkaŋ man niwetkuk yäŋ api nadäneŋ.

<- Esekiel 1Esekiel 3 ->