1 Kaassian ken bendissionannatayo koma iti Dios ken pagraniagenna ti rupana kadatayo Selah 2 tapno maipakaammo koma dagiti wagasmo iti rabaw ti daga, ti panangisalakanmo kadagiti amin a nasion. 3 Idaydayawdaka koma, O Dios; idaydayawdaka koma dagiti amin a tattao. 4 O, agragsak ken agkanta koma sirarag-o dagiti nasion, ta ukomemto dagiti tattao iti patas ken iturayam dagiti nasion iti rabaw ti daga. Selah 5 Idaydayawdaka koma, O Dios; idaydayawdaka koma dagiti amin a tattao. 6 Pinataud ti daga ti apitna ken binendisionannatayo iti Dios. 7 Benendisionannatayo ti Dios, ken idaydayaw isuna ti amin a suli ti daga.