2 Ani handa ho wiwaria dege iba solowara ngalayi handalehe ira deaore bimaga ho wiaria handaru. Ogoni hondowa handalu hewaria wali agalime nogo tara biagobi ibuni kagobiore wabu wiyagobi ibunaga mini wiradagua daga mbira wia aribia helo wini kago ibunibi ti ibu baba wai bialu wayali hai hene bibahende hayaru hearia handaru. Tigua iba solowara ngalayi handalehe wiagoria heyu howa ga̱wa̱ timbuni Ngode Datagaliwabehanda tihondo miniru yu hea.[b] 3 Yu howa tigua Ngode Datagaliwabenaga biabe bia haga Mosese ibunaga iba ganabi Nogo Sibi Igini biagonaga iba ganabi lalu hea. Iba gana layadagoni ogo,[c]
5 Ogoni hondowa handalu hewaria dahuliya andagani Ngode Datagaliwabenaga anda panga dugua ho wia. Panga dugua ho wiyadagoni tamuha Ngode Datagaliwabe ka manda bilonaga Balai Anda Loma Bia Heneore heago handaru.[e] 6 Dahuliyali kariali bolene hongo karia yu hayaru anda ogoniha howa tagira ibiya. Ti aga dodo nahe peweleore buwa nogo dongone ngolome wabiniru tinaga galuhombeneni wuwabi ibiyago handaru.[f] 7 Ibiyagola holenehe mariali helene biaru aria mbiragome dahuliyali kariali biaruhondo ndisi ngolome wabini kariaru uruniha Ngode Datagaliwabe ha dege bidane ha ho wiaabo kagonaga keba holene to̱laihe miya.[g] 8 Ani miyagola Ngode Datagaliwabenaga wá taraore holeneha howabi ibunaga hongo holeneha howabi hagua ibunaga anda ogoniha to̱lai haya. Ani to̱lai hayagola howa bolene hongo karia dahuliyali kariali biarume yalu ibiyaru bamaro nabiaha mbirali anda biagoha anda pobe nahe haya.[h]
<- MO WALIA 14MO WALIA 16 ->- a LBM 26.21, Mo 12.1-3, 14.10, 15.6-7, 21.9
- b Mo 4.6, 5.8, 13.15-17, 14.2, 21.18
- c Har 15.1, Man 31.30, Iba 92.5, 111.2, 139.14, 145.17, Mo 11.17, 14.3, 16.7
- d Iba 86.9, Ais 66.23, Yar 10.7
- e Har 38.21
- f Mo 15.1
- g 2 Te 1.9, Mo 4.6, 4.9, 10.6, 14.10
- h Har 40.34, 1 Kin 8.10-11, 2 Bit 5.13-14, Ais 6.4, Ese 44.4, 2 Te 1.9