82
Ngode Datagaliwabe ibu Haguane Duniniore kago ogo
1 Dahuliya andagani dahuliyali hondo hagaru ngoai ho bedagoria
Ngode Datagaliwabe ibuni duniniore howa haru ka.
Ibugua dahuliyali o biarume bi lararu hale howa
tinaga bi dabaki bialu lamiaga ka.
2 Ibugua lalu, Tígua godi dabaramiligo
tigatiga ndo ke̱ howa daba ko haramiligo nahalimu.
Tígua agali ko biaga karunaga laharamiligo wahalimu.
3 Tígua wali agali yagibano karubi waneigini ti ai̱ya abala homene karubi
biamogo bialu halimu.
Wali agali maru genda yu howa hako karubi hongo nahe karubi
ti mitangi bialu tihondo mana bayale bialu halimu.
4 Wali agali uruni mbirale burupale howa
ti agali ko biaga karunaga giha karia haru daibu helalimu.
5 Tí mini nawi howa manda nabiore bu kamigoni.✡Iba 11.3, 75.3
Tí ko biaga howa arumaha ibagabu kamigola
wali agalime mana tigabi talialu bulene ngago nabiaga ka.
6 Tí dahuliyali howa✡Yo 10.34
Daligaorene Daliga i̱ kogonaga iginiore kamigoni ndobe laro.
7 Tí ani kamigoyu
wali agali dindini karu homagadagua dege homoleberemi.
Kini waneiginiru homagadagua dege tíbi homoleberemi, lene.
8 Ngode Datagaliwabe-o dindi bibahendeni wali agali bu karu
handameho hole í̠ abale ibabe.