3 Inanaga biabe bialu kamago mbiralime hondowa nakarulape bialu kamane nahendelo iname beramagome ti mo pila holigo lowa bayuwaore bialu haramali.[c] 4 Ani bialu iname bibahende beremaligo bialu howa tandaga nalubi genda halubi tai bigi bialubi harugo lowa ema nabiore howa iname Ngode Datagaliwabenaga biabe biagaore kamagoni lalu walia haramali.[d] 5 Marume ina kangome ba garabaya andaha haru puwa hela dewalime ina ho mabu buwa ba bia bigi bini. Iname ha̱lo nahe biabe biaabo halu ubi napale tomobi nane haabo harima.[e] 6-7 Ani bialu mini gahengeore wuwabi Ngode Datagaliwabe mana bayuwa yani howabi ema nabi howa hibu lalubi maruhondo biamogo bialubi gubalini henene halubi uruni bibahende birimagomebi mana henene lameramagomebi Ngode Datagaliwabe Dininimebi Ngode Datagaliwabenaga hongomebi ina ibunaga biabe biagaore kamago lalu walia harimagoni. Iname mini tigabi wulenenaga wai biagane ale yu howa waitigi karia puwa balubi ti ina kamaria ibiragola ba dai bialubi haramali.[f][g] 8 Marume ina mitangi bialu tigabi ka lalu haga marume ina guraga marume inahondo mege biaga marume inahondo ka̱i̱ laga. Iname bi henene lalu kamagola marume. Tí ke̱ haga kami, laga. 9 Agali bibahendeoreme ina manda biai haga howa marume ina nahendenehondo biradagua biaga. Ina homabeheore winigo nahome harimago dehendedemi. Ina mo tandaga dege henego homole ba nabi helene.[h] 10 Marume ina mo genda haragola iname turu dege haabo haramali. Iname yagibano howa wali agali dewanaga bu mini mo homogo haramali. Ina mbirale mbira nayiore kamagoni howa bu mininaga ngagoni yu hai kama, laramali.[i]
11 Inanaga nenege turubiore Korindini kamiru-o iname inanaga bu miniha tí gubalini timbuniore halu tíhondo tiga tigaore langialu harimagoni. 12 Iname inanaga bu mini tíhondo hangai nahe harimago tígua tíninaga bu mini inahondo hangai harimi. 13 I̱na i̱ waneiginihondo bi lamiradagua bialu tíhondo bi langerogo. Iname tíhondo gubalini haramadagua tígua nde inahondo aniore bilimu. Tínaga bu mini hada ho halimu.[j]
17 Ani lowa Anduane Homogo ibugua lalu,[m]
- a 1 Ko 3.9, 2 Ko 5.20, Hi 12.15
- b Ais 49.8, Lg 4.19-21
- c Lm 14.13, 1 Ko 9.12, 10.32
- d 2 Ko 4.2
- e Ab 16.23, 2 Ko 11.23-27
- f 1 Ti 4.12
- g 1 Ko 2.4, 2 Ko 10.4, Eb 6.11-13, 2 Ti 4.7
- h Iba 118.18, 1 Ko 4.9, 2 Ko 4.2, 4.9-10
- i 2 Ko 7.4, Pb 2.17, Kl 1.24
- j 1 Ko 4.14
- k Man 7.2-3, 1 Sml 5.2-3, 1 Ko 5.9, Eb 5.7, 5.11
- l LBM 26.12, Ese 37.27, 1 Ko 3.16, 6.19
- m Ais 52.11, Ese 20.34, 2 Ko 7.1, Mo 18.4
- n 2 Sml 7.14, 1 Bit 17.13, Ais 43.6, Yar 31.9, Mo 1.8, 21.7