1 इदुरसाटी हे मसीह वार्टुरा अदिक आकतींगेरा, नीव जो परमेश्वर उन द्वारा कारूकु आगिर नीव तान ध्यान यीशु मा हचकु ईटी यारी परमेश्वर प्रमुख याजक माळोर साटी कळुकु आगीदुन, आ अदुर मा नाव तान कबुली कोळतेव. 2 आव याव आऊक निवळुस्यान आ परमेश्वर उन प्रती विश्वासलायक ईरोन, ठीक हांगा ह्यांग मूसा तान क्याल्सा अन प्रती परमेश्वर उन घराना दा विश्वासलायक ईरोन. 3 ह्यांग भवन इन निर्माण माळावाळा अक खुद भवन से यक्कुल आदर सिकतद, हांग अच यीशु मूसा से यक्कुल आदर इन पात्र मान्सकु आदुन. 4 यतिकी हर ऊंद मान्ना अन्द यावारा ना यावारा माळावाळा ईरतान, लेकीन परमेश्वर रा सप्पा वस्तु उन माळावाळा हुन. 5 मूसा रा परमेश्वर उन मान्या सेवक घाई विश्वासलायक ईरोन, अदिक आव अव मातगोळी अंदुन जो भविष्य दा परमेश्वर उन द्वारा अंदकु आगोव ईरव. 6 लेकीन मसीह पार आगा नाता देल परमेश्वर उन मान्या विश्वासलायक आन. अदिक आऊन मान्ना नाव हुयेव, अगर नाव नाम साहस अदिक यदुर मा नाव घमण्ड माळतेव आ आशा मा मजबूती देल स्थिर ईरूल.
परमेश्वर उन लॉकुरी आराम
7 इदुरसाटी ह्यांग पवित्र आत्मा अनतद,
“अगर ईंद परमेश्वर उन आवाज केळी,
8 रा तान मन इक कठोर माळबाळेतीर,
ह्यांग कि निमोर पुर्वजगोळ याग आंदुर्द मरूस्थल दा परीक्षा आगोद
