1 इदुरसाटी इसहाक याकूब उक आशीष कोट्टुन अदिक अंदुन: “कि कनानी पोरगोळ से मदा माळबाळेत. 2 लेकीन पद्दनराम[a] दा तान आजा बतूएल उन मान्या होगकु अल तान मामा लाबान उन ऊंद पोर इक हिंग्स माळ कोमेत. 3 सर्वशक्तिमान परमेश्वर नीनी आशीष कोळुल, अदिक फलवंत माळकु नीनी वाळुसुल, अदिक नी राज्य राज्य अन मंडली इन मूल आगुल. 4 परमेश्वर नीनी अद आशीष कोळुल जो अब्राहम उक कोटीदुन, नीनी अदिक नीन वंश इक, आ द्याश इक अधिकारी माळुल.”[b] 5 ई सप्पा आशीषित वचन इन सांगुळ इसहाक याकूब उक सार माळदुन. याकूब तान अदिक एसाव इन मोय रिबका अन वार्ट अरामीवासी लाबान इन मान्या होटोदुन, जो पद्दनराम इन बतूएल अन चिकोर ईरोर.
16 आग याकूब येद्दुन, अदिक अनली कुरतुन, “सही दा ई जागा दा यहोवा आन; अदिक ना ई मात इक ईला जानसीन.” 17 अदिक अंजकु आव अंदुन, “ईद जागा येन ईद भयानक आद! ईद रा परमेश्वर उन भवन उक बीळ अदिक येनु आगसकाल; बल्की ईद स्वर्ग इन फाटक अच आगीदाद.”
18 व्हातर्याका याकूब येद्दुन, अदिक तान ऊसा अन कल्ल हुडुकु अदुर्द खंबा नीदरूसदुन, अदिक आव अदुर ताल्ला मा याण्णा हाक्क कोंडुन. 19 अदिक आव आ जागा अन हेसुर बेतेल[f] ईटदुन; लेकीन आ नगर इन हेसुर पयले लूज ईरोद. 20 याकूब ईद मन्नत ताकोंडुन, “अगर परमेश्वर नान सांगुळ ईतकु ई यात्रा दा नान रक्षा माळुल, अदिक नानी तीनोर साटी रोट्टी, अदिक हाक्कोर साटी कपळा कोळुल, 21 अदिक नानी नान आप्प उन मान्ना ताका सुरक्षित पोहचुस्यान, यहोवा अच नान परमेश्वर आदान. 22 ईद कल्ल, यदरी ना खंबा माळकु निदरूसीन, परमेश्वर उन मान्ना आदीत अदिक नी जो येनारा नानी कोट्या, सही दा : ना अदुर्द दशमांश नीन इच कोळाईन.”
<- उत्पत्ति 27उत्पत्ति 29 ->