5 आग सारै अब्राहम से अंदुर, “जो नान मा उपद्रव आत अद नींद अच ताल्ला मा ईरूल. ना रा तान दासी इक नीन हिंग्स माळ बुटीन; लेकीन याग आक जान्सदुर कि आक गर्भवती आर, आग आक नानी बेकार सम्सली कुरतुर; इदुरसाटी यहोवा नीन अदिक नान बीच दा न्याय माळुल.”
6 अब्राहम सारै से अंदुन, “नोळ, नीन दासी नीन वश दा आर; ह्यांग नीनी भला हततद हांग अच आकिन सांगुळ माळ.” आग सारै आक इक दुख कोळली कुरतुर, अदिक आक आकिन मुंदु टु ओळेदुर.
7 आग यहोवा अन दूत आकी आळी दा शूर इन हादी मा नीर इन ऊंद झरना अन हात्ती नोळकु अंदुन, 8 “हे सारै अन दासी हाजिरा, नी येल टु बरेत्या अदिक येल होगेत्या?”
9 यहोवा अन दूत आकिन से अंदुन, “तान स्वामिनी इन हात्ती होटोग अदिक आकिन वश दा ईर.” 10 अदिक यहोवा अन दूत आकिन से ईद भी अंदुन, “ना नीन वंश इक हापाळ वाळुसाईन, ईल ताका कि हापाळ वाळुसदुर कारण आऊन गिनती आग सकतीदिल.” 11 अदिक यहोवा अन दूत आकिन से अंदुन, “नोळ, नी गर्भवती आय, अदिक चिग्द हाळद्या; नी आऊन हेसुर इश्माएल ईटेत, यतिकी यहोवा नीन दुख इन हाल केळ कोंडान. 12 अदिक मंळसा आळी दाकळोद गधा अन घाई ईत्तान, आऊन कय सप्पा मुंदुर खिलाप येद्दव; अदिक आव तान सप्पा वार्टुर बीच दा बसुस्कु ईत्तान.”
13 आग यहोवा याव आकिन से मातगोळ हेळीदुन आकिन हेसुर आव “नी नोळावाळा ईश्वर” ईटदुन अदिक अंदुन, येन ना ईल भी आऊक नोळदुर बाद्दा भी जीत्ता ईतोदिन. 14 ईद कारण आ भाय इन हेसुर लहैरोई भाय बीत्त; अद रा कादेश अदिक बेरेद इन बीच दा आद.
15 हाजिरा अक अब्राहम उन द्वारा ऊंद पार आदुन; अदिक अब्राहम तान पार उन हेसुर, यारी हाजिरा जनम कोटीदुर, इश्माएल ईटदुर. 16 याग हाजिरा अब्राहम उन द्वारा इश्माएल उक जनम कोट्टुर आ समय अब्राहम छियासी वर्ष इनव ईरोन.
<- उत्पत्ति 15उत्पत्ति 17 ->