3
Ngaikhueknah
[A capa Absalom hmai lamkah a yong vaengah David kah tingtoeng]
1 Aw BOEIPA, badongah kai taengah aka tlai,
ka rhal he muep a pung.
2 “Pathen lamkah khangnah tah anih ham moenih,”
tila ka hinglu he muep a thui uh.
(Selah)
3 Tedae, BOEIPA nang tah kai taengah photling,
ka thangpomnah neh ka lu aka pomsang la na om.
4 BOEIPA te ka ol neh ka khue vaengah,
a tlang cim lamloh kai n'doo.
(Selah)
5 Kai he BOEIPA loh n'duel dongah,
ka yalh tih ka ip dae koep ka haenghang,
6 Ka pilnam a thawng a sang
aka pai khoep te ka rhih mahpawh.
7 Aw ka BOEIPA Pathen thoo laeh!
namah loh ka thunkha te boeih na ngawn tih,
halang rhoek kah kamken no khaw
na thuk dongah kai he n'khang laeh.
8 Khangnah he BOEIPA taengkah ni.
Nang kah yoethennah loh na pilnam soah om saeh.
(Selah)