Link to home pageLanguagesLink to all Bible versions on this site
3
Messiah Pai Coeng
(Isa 40. 1-5; Mrk 1. 1-8; Luk 3. 1-20; Jhn 1. 19-28)

1 Te vaeng tue ah tuinuem Johan ha pawk tih, Judea khosoek ah a hoe. 2 [a]Vaan ram a yoei coeng dongah yut uh laeh, “tila a thui. 3 [b]Anih tah, khosoek kah pang ol loh ,

“Boeipa kah longpuei saelh uh lamtah
a caehlong boeih te a dueng la saii uh,
tila tonghma Isaiah loh a thui a phong te ni. 4 [c]Johan loh kalauk kah a mul himbai te a bai tih, a pumpu ah maehpho cihin a naak. Tangboeng neh kohong khoitui te a buh la om. 5 Te vaengah Jerusalem, Judah ram boeih neh Jordan pingpang boeih tah anih taengah cet. 6 Amih kah tholhnah te a phong uh dongah Johan loh Jordan tuiva ah a nuem uh.

7 [d]Pharisee rhoek neh Sadducee rhoek khaw anih kah baptisma dang ham muep ha pawk uh te a hmuh. Te vaengah amih te, “Rhulthae cadil rhoek aka tawn uh kosi te rhaelrham tak ham unim nangmih aka tueng.” 8 Te dongah yutnah neh a tiing la a thaih te saii uh. 9 [e]A pa Abraham om tila nangmih khui thui ham poek uh boeh. Pathen loh hekah lungto rhoek lamloh Abraham kah ca rhoek a thoh sak thai te nangmih taengah kan thui. 10 [f]Thing kah a yung ah hai te a khueh oepsoep coeng tih thaih then aka thaii mueh thingkung te boeih a vung vetih hmai khuila a voeih ni. 11 Yutnah ham ni kai loh nangmih tui dongah kan nuem. Tedae Kai hnuk ah aka pawk te tah kai lakah tlung. A khokhom dul ham pataeng ka koih pawh. Anih loh nangmih te Mueihla Cim neh hmai neh n'nuem ni.

Jesuh Baptisma Loh nah
12 Anih loh a kut dongkah rha neh amah kah canghlom te a yah vetih , a cang te khai khuila a khoem ni. Canghi te tah aka duek pawh hmai neh a tih ni,” a ti nah.
Jesuh Baptisma Loh nah
(Mrk 1. 9-11; Luk 3. 21-22; Jhn 1. 29-34)

13 Te vaengah Jesuh tah Johan mah loh nuem sak ham te Galilee lamloh Jordan la ha pawk. 14 Tedae Johan loh anih te a mah tih, “Nang loh nan nuem ham te ka ngoe, dae nang te kai taengah lat na pawk,” a ti nah.

15 Tedae Jesuh loh a doo tih, “Ng 'rhoi laeh, duengnah cungkuem loh mamih taengah a soep la a om ham tueng tangloeng coeng ,” a ti nah daengah anih te a rhoi pueng. 16 A nuem nen tah Jesuh khaw tui lamloh pahoi cet. Te vaengah anih hamla vaan te tarha ong uh tih Pathen kah Mueihla tah vahu bangla anih soah a thoeng pah te a hmuh. 17 [g]Te phoeiah vaan lamkah ol loh , “Hetah ka capa thintlo ni, anih dongah ka lungtlun, “pahoi a ti.

<- MATTHAI 2MATTHAI 4 ->