13
1 Ephraim tah rhihnah neh cal tih
anih te Israel khuiah a pomsang.
Tedae Baal rhangneh a boe dongah ni a duek.
2 Tedae tholh te a koei uh coeng dongah
amamih ham amamih kah cak te
a lungcuei tarhing ah mueihloe la a saii uh.
Te boeih te kutthai rhoek kah kutci muei mai.
Te te amih loh, “Aka nawn hlang loh
vaitoca te mok uh,” a ti uh.
3 Te dongah mincang cingmai bangla,
thoh hang neh aka hma buemtui bangla,
cangtilhmuen lamkah aka thikthuek cangkik bangla,
bangbuet lamkah hmaikhu bangla om uh ni.
Dueknah neh Thohkoepnah
4 Tedae Egypt khohmuen lamkah pataeng
na Pathen tah YAHWEH kamah ni.
Kai phoeiah pathen a tloe na ming noek moenih
kai mueh ah khangkung khaw a om moenih.
5 Olr 8.11-17Rhamling khohmuen kah khosoek ah pataeng
kai loh nang kan ming coeng.
6 Amih kah rhamtlim neh
hah la hah uh tih a lungbuei a pomsang.
Te dongah ni kai n'hnilh uh.
7 Te dongah amih soah sathuengca bangla ka om vetih
kaihlaeng bangla longpuei ah ka mae ni.
8 Amih te dueidah laemhong vom bangla ka doe vetih
a lungbuei kah a pahuep ka phen pah ni.
Te vaengah sathuengnu loh
kohong mulhing a baeh bangla amih te pahoi ka dolh ni.
9 Nang kah bomkung kamah taeng lamloh
Israel nang te m'phae ni.
10 1Sa 8.5,6Na khopuei boeih ah nang aka khang ham
na manghai neh nang kah lai aka tloek bal te ta?
Te la, “Kai hamla manghai neh mangpa la m'pae,” na ti dae.
11 1Sa 10.17-24; 1Sa 15.26Manghai te nang taengah ka thintoek neh
kam paek tih ka thinpom neh kan lat.
12 Ephraim kah thaesainah loh puen a cak tih
a tholhnah te a khoem pah coeng.
13 Ca cun bungtloh loh anih taengah pai coeng.
Anih tah camoe khaw a cueih moenih.
Ca om tue vaengah khaw a om moenih.
14 1Ko 15.55Amih te saelkhui kut lamloh ka lat ni.
Amih te dueknah lamloh ka tlan ni.
Dueknah nang kah duektahaw te melae?
Saelkhui nang kah lucik te melae?
Suemnah khaw ka mik lamloh thuh uh ni.
Laitloek Hnin Painah
15 Anih te pacaboeina lakli ah a thaih rhah mai cakhaw
BOEIPA kah kanghawn yilh ha pai ni.
Khosoek lamloh a khuen vetih a thunsih khaw kak ni.
A tuisih khaw a khah pah ni.
Anih te thakvoh khuikah
sahnaih hnopai boeih a rheth pah ni.
16 A Pathen te a koek dongah Samaria boe coeng.
Cunghang dongah cungku uh vetih
a camoe rhoek te a til uh ni.