2 Ming ela kon, ima-ii hmunan na boho niung un bokor ra isin na maa se apan-kloma kia. Nahkiut tuun nam, in daat ta tom papmes atuil man sium hmukit in tao tele dadahut ta hmarat ta ngas, nol atuil man in hui se un bangat ta ngas. Oen tom paap hoso man lukit isi.[a]
3 Hidim ima-ii nomer dua la, boho un bokor isin na lako el tasi kua. Nahkitu lam, ui tasi ku daid dala le buin hoso, el atuil in mate ngas dalan nas. Kon totoang in nuil se tasi dale ngas, mates hidi.
4 Hidi nam ima-ii nomer tilu la boho un bokor ra isin na lako se palun nas nol ui matang ngas. Kon ui las totoang daid dala.[b] 5 Tukun nam auk ming ima-ii in deng sorga, man mana-koet totoang ui in se dale-dapang nias sa, naka Ama Lamtua Allah elia,
7 Hidi nam, auk ming fala mes puti deng mija in tunu-dadung nga, le siut noan,
8 Hidi kon, ima-ii nomer aat ta boho soleng un bokor ra isin na lako se lelo lua. Suknahkitu lam, lelo la daid otot isi, didiin atuli las apan nas el ai in kaa ka. 9 Totoang atuil man tom ai in kaang nas, bilu nol aa didaa Ama Lamtua Allah ngala ka, undeng Un man tadu le tunang in daat na bel one. Mo ela kon no, muik atuli mes lo kon man pesang le bali muid Ama Lamtua, nol naka Un ngala ka.
10 Hidi nam, ima-ii nomer lima la boho soleng un bokor ra isin na, laok se hmukit in tao tele dadahut ta del in prenta ka. Nahkitu lam, mitang-mames bua papmes atuli-atuil man hui se una ngas, didiin oen duu siin nas le halin keeh nal in susa-daat ta.[c] 11 Oen kon bahang Ama Lamtua Allah in ne sorga kua, undeng oen papa las lukit ana lo. Mo ela kon no, muik tahan at mes in tene deng in daek dadaat, le pait muid se Ama Lamtua lo.
12 Hidi nam, ima-ii nomer eneng nga boho soleng un bokor ra isin na, lako se palun tene in ngaal Efrat ta. Kon ui palun na tuu meman. Hidim oen daek lalan se na, le bel lahi-lahi nol tentara las man maas deng halin leol-sake lua.[d] 13 Auk kon ngat net uikjale tiul man daat isi. Oen hnika ngas el klete ka. Mes puti deng ul naga la baha ka. Mes puti deng hmukit in tao tele dadahut ta baha ka. Nol mesan na pait puti deng ul naga la mee-baah in nole-lilung daat ta baha ka. 14 Uikjale tiul nas muik kuasa le tao taad herang bili-ngala. Oen putis le laok tutnaal totoang lahi-laih in se apan-kloma ki ngias, hidim oen hid apa oras mesa, le laok hote-dait labang nol Ama Lamtua Allah in kuasa dudui ka. Mo oras man oen in hid apa son na, tom nol oras man Ama Lamtua Allah huil hidi son, le tao tehen Un musu las totoang nga.
15-16 Maan oen in nakbua le hote-dait nol apa ka, se dais Ibranin nam, Armagedon.
17 Hidi nam, ima-ii nomer itu la boho soleng un bokor ra isin na lako se angin dapa. Kon Ama Lamtua Allah aa nol fala tene, deng Un del in prenta se Um in Kohe-kanas sa, le tek noan, “Hidi son! Auk in komali ka holbohon totoang son!”
18 Kon nam muik bisain dati, nol lelat ulan dukun tene isi le tupang apa. Hidim lul-beko in muun dudui, man daid net se apan-kloma ki lo bii, dadi.[g] 19 Dedeng na, Ama Lamtua Allah nadidingun kota Babel in daat ta lo. Un nini lul-beko man muun dui hihidi na, didiin kota in muun isi na, tati bating tilu. Un tao ela, le halin nam atuil Babel las taan Un in komali ka. Kota-kota didang in se apan-kloma ki ngias kon leas totoang.[h] 20 Dedeng na nusa-nusa ngas denes tukun ela, nol leten-leten nas kon ilang hidis.[i] 21 Muik ulan es baut tene, nahis deng apan nua le tading tele atuli las kon. Ulan es baut nas ngelen na muik in haup kilu buk aat kon.[j] Undeng ulan es sa man tao oen le haup susa-daat, tiata atuli las kolen-bahang Ama Lamtua Allah.[k]
<- Apan-kloma Hnika Balu 15Apan-kloma Hnika Balu 17 ->- a Dehet in Puit deng Dale Mesir 9:10
- b Dehet in Puit deng Dale Mesir 7:17-21; Buk in Naka-nahalit 78:44
- c Dehet in Puit deng Dale Mesir 10:21
- d Yesaya 11:15
- e Matius 24:43-44; Lukas 12:39-40; Apan-kloma Hnika Balu 3:3
- f Lahi-lahi las Buk nomer dua la 23:29; Sakarias 12:11
- g Apan-kloma Hnika Balu 8:5; 11:13, 19
- h Yesaya 51:17
- i Apan-kloma Hnika Balu 6:14
- j Alkitab dais Yunanin na dul noan, “ngele na tatai nol talenta mesa”. Talenta mesa lam ngelen na, kilu 34 lako pes 40.
- k Dehet in Puit deng Dale Mesir 9:23; Apan-kloma Hnika Balu 11:19