67
Teyuitɨwamete wa'ukiyari. Kanaritsie xekeneutikwikani. Nɨawari. Kwikari.
1 Kakaɨyari ketatsinenimayaka meta 'aixɨa ketatsiyurieka.
Kakaɨyari tahetsie matsiɨkɨme ke'ayuyeitɨaka,
2 'ena kwiepa huyeya mɨxeiyariekakɨ,
meta yunaitɨ nuiwarite meke'imaika wikweitsitɨarikaya.
3 Kakaɨyari 'aku, teɨteri mekemetsitemawieritɨaka,
yunaitɨ teɨteri kwiepa memɨtama mekemetsinɨawani.
4 Xekeneyutemamawieka nuiwarite meta xekeneutikwikani yutemawierima,
'ekɨ wahetsɨa pemɨti'aitakɨ heitseriemekɨ,
nuiwarite kwiepa memɨtama pepɨwaruwitɨxime.
5 Kakaɨyari 'aku, teɨteri mekemetsitemawieritɨaka,
yunaitɨ teɨteri kwiepa memɨtama mekemetsinɨawani.
6 Hikɨ kwie yu'ikwaxi pɨtixuawitɨani,
Kakaɨyari 'aixɨa pɨtiyurieka, mɨtakakaɨyari.
7 Kakaɨyari 'aixɨa pɨtatsiyurieni,