3
Rawiri nɨawarieya, kepauka muyuta'unaxɨ yuniwe hepaɨtsita 'Awitsaruni.
1 Yawé, mepɨyɨmɨire memɨnetsi'aye'unie,
mepuyuwaɨkawa nehɨxie memu'uwe,
2 meteyumɨireta mɨpaɨ memutiyuane:
«Kakaɨyari pɨka'itawikweitsitɨani».
3 Matsi 'ekɨ, Yawé, pepɨnetsiheutinama kuya kɨmana muyukunarɨma pehɨkɨtɨtɨ,
'ekɨ pepɨnexawatɨriya,
'ekɨ nemu'u pepanukunieritɨa.
4 Yawé neputahiwiwa kenemuyuane,
yɨhɨri mɨpatsie hetsie paitɨ pɨnetsiheta'eiya.
5 Ne nepukahupu, nepeukukutsu nepanutaneniereta,
Yawé mɨnetsi'ɨwiyakɨ.
6 Mepɨkanetsi 'utimariuta kuyaxi memɨyuwaɨkakawa
memɨnetsi 'uweiya tsepa hakewa.
7 Yawé, xeiya.
Keneneutawikweitsitɨa, nekakaɨyari.
Wa'auritapa keniwareutiwaxɨa memɨnetsi'aye'unie.
'Axamemɨte'u'iyari watamete kenewaye'unaxɨa.
8 Yawé, wikweitsitɨarika pɨti'apiini,